Дэлхий дахинд

Давосын Эдийн засгийн чуулганд Оросын төлөөлөгчид оролцоно

Нийтэлсэн

6 жил өмнө

2018-12-18

Нийтэлч

Admin

Давосын 2019 оны Эдийн засгийн чуулга уулзалтад ОХУ төлөөлөгчдөө оролцуулах шийдвэр гаргасанд чуулганы зохион байгуулагчид талархал илэрхийллээ. “Эдийн засаг, санхүүгийн хориг дор байгаа Оросын бизнесменүүдийн чуулганы хугацаанд тав тухтай байх бүхий л боломжийг хангахыг зорих болно” хэмээн Давосын Эдийн засгийн чуулганы гүйцэтгэх захирал Алоиса Цвингги мэдэгдэлдээ онцолжээ хэмээн РИА Новости мэдээллээ.

“ОХУ 2019 оны чуулганд Засгийн газрын өндөр дээд хэмжээний төлөөлөл бүхий багийг илгээхээр шийдсэнд бид их баяртай байна. Өнөө цагт тулгамдаад байгаа асуудлуудыг шийдэхийн тулд бүх талын оролцоо чухал юм” хэмээн Алоиса Цвингги хэлсэн байна.

Чуулга уулзалтыг зохион байгуулагчид ирэх 2019 оны ээлжит чуулганд оролцох урилгыг дэлхийн 50 гаруй орны төрийн тэргүүн, Ерөнхий сайдад илгээжээ. Үүнд, Их-20-ийн бүх улс багтаж байгаа юм. 2019 оны чуулганы гол сэдэв нь Аж үйлдвэрийн дөрөвдүгээр хувьсгалын ерөнхий архитектур, глобалчлал юм.

Оросын хэвлэлүүдэд өмнө нь Олег Дерипаска, Виктор Вексельберг, Андрей Костин зэрэг Оросын томоохон бизнесменүүдийн Давосын чуулганд оролцох хүсэлтийг хүлээн аваагүй хэмээн мэдээлсэн. Үүний дараа ОХУ-ын Ерөнхий сайд Дмитрий Медведев хэрвээ Оросын бизнесменүүдийг оролцуулахгүй бол ОХУ төлөөлөгчөө илгээхгүй хэмээн мэдэгдсэн юм.

Давосын Эдийн засгийн чуулган 2019 оны нэгдүгээр сарын сүүлээр Швейцарийн Давос хотноо болно.

Эх сурвалж: РИА НОВОСТИ

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...