Дэлхий дахинд

Оросод 20 мянган тонн түлш гол руу асгарсан хэрэг гарчээ

Нийтэлсэн

4 жил өмнө

2020-06-04

Нийтэлч

ОХУ-ын Ерөнхийлөгч Владимир Путин Сибирийн Норильск хотод онц байдал зарлах болсноо өчигдөр орой мэдэгджээ. Учир нь тус хотод орших нэгэн цахилгаан станцаас ойролцоох гол руу 20 мянган тонн түлш асгарсан ноцтой хэрэг гарсан байна.

Байгаль орчин хамгааллын газраас энэ бол маш их хохирлыг дагуулж болох “гамшигт үзэгдэл” хэмээн тодорхойлсон бөгөөд гол руу асгарсан түлш буюу бохирдуулагч бодисыг зөвшөөрөгдсөн хэмжээнээс хэдэн мянга дахин их давсан байгааг онцолж байна.

Цахилгаан станцын ажилчид анх асгарч буй түлшийг өөрсдөө зохицуулан хаахаар оролдсон бөгөөд болсон явдлыг хоёр өдрийн турш яаралтай тусламжийн газарт мэдээлэхгүй орхисон байсан гэж Путиний даргалсан лхагва гарагийн хуралдааны үеэр Онцгой байдлын яамны дарга Евгений Зиничев мэдэгдлээ. Мөн тэд энэ талаар зөвхөн цахим орчинд цацагдаж байсан мэдээллээс л олж мэдсэн хэмээн тайлбарлажээ.

Тус хэргийг Оросын хууль сахиулах дээд байгууллага болох Мөрдөн байцаах хорооноос шалгаж, эрүүгийн хэрэг үүсгэсэн байгаа бөгөөд одоо түлшийг голын уснаас ялган сорж, цэвэрлэх ажиллагаа явагдаж байна гэжээ.

Орон нутгийн удирдлагуудын хэлснээр тус голыг хаах зам байхгүй мөн навигаци хийгдээгүй тул бүрэн цэвэрлэтэл хэдэн долоо хоног шаардлагатай гэж байсан юм. Түүнчлэн бусад бүсүүдийн шинжээчдийг авчирч ажиллуулах болсон байна.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

18 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...