Дэлхий дахинд

Covid-19: АНУ-д 30 мянга, Бразилд 40 мянга шинэ тохиолдол хоногт бүртгэгдэв

Нийтэлсэн

4 жил өмнө

2020-06-24

Нийтэлч

Дэлхийн 216 улсад бүртгэгдээд буй Covid-19-ийн цар тахал сүүлийн өдрүүдэд маш эрчимтэй дэгдэж байна. Тодруулбал, өнгөрсөн 24 цагийн хугацаанд АНУ-д 35 мянга 901 шинэ тохиолдол, харин Бразилд 40 мянга 131 шинэ тохиолдол, Энэтхэгт 15 мянга 612 шинэ тохиолдол тус, тус бүртгэгдсэн нь анхаарал татаж байна.

АНУ-ын хувьд Covid-19 цар тахал эрчимтэй дэгдэж буй орон. Тус улсад бүртгэгдсэн нийт халдварын тохиолдол 2.4 сая гаруй, нас барсан хүний тоо 123 мянга гаруй, эмнэлгийн тусламж үйлчилгээ авч, эдгэсэн хүний тоо 1 саяд хүрчээ. АНУ нь нийтдээ 29.5 сая хүнийг Covid-19-ийн шинжилгээнд хамруулжээ.

Харин Бразил улсад нийт бүртгэгдсэн тохиолдол 1 сая 151 мянга 479-д хүрч, 52 мянган хүн нас барж, 613 мянга гаруй хүн эдгэжээ. Тус улс нь нийт 2.5 сая хүнийг Covid-19-ийн шинжилгээнд хамруулсан ажээ.

ОХУ-ын хувьд 7425 хүн шинээр халдвар авч, нийт бүртгэгдсэн тохиолдол 599 мянга 705-д хүрсэн байна. Тус улсад нас баралт 8359-д хүрсэн бол эдгэсэн хүний тоо 356 мянга гаруй байна. ОХУ нь нийтдээ 17.5 сая хүнд Covid-19-ийн шинжилгээ хийжээ.

Дэлхий нийтэд өнөөдрийн байдлаар Covid-19 улмаас 478 мянга 903 хүн амиа алдаж, 9 сая 342 мянга 510 хүн халдвар авч, 5 сая хүн эмнэлгийн тусламж авч, эдгэжээ. Одоогоор 3.8 сая хүн эмчлүүлж байгаа бөгөөд 57 мянган хүний биеийн байдал хүнд байна.

Эх сурвалж: Worldometers.info

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

20 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...