Донбассын асуудлаарх гурван талт хэлэлцээр дэх украины төлөөлөгчдийн тэргүүний орлогч Витольд Фокин энэ бүс нутагт Чернобылийн сүйрлээс ч илүү байгалийн гамшиг нүүрлэж байна гэж наймдугаар сарын 29-нд анхааруулсан байна.

Фокин “Страна” хэвлэлийн сурвалжлагчид өгсөн ярилцлагадаа Донбасст орхигдсон уурхайнуудын ашиглаж байсан 400 гаруй усан суваг усаар дүүрээд хаягдалтай холилдсон байгаа, үүнийг нэн  яаралтай цэвэрлэхгүй бол энэ бүх хаягдал нутгийн бүхий л гол нуур, Азовын болон Хар тэнгис рүү орно гэжээ. “Олонхи  хүн үүнийг хараагүй мэт царайлж байна. Харин энэ бүхэн  нэг л мэдэхэд зад тавьж Чернобылийн ослоос ч илүү гамшиг болно” гэж Фокин хэлсэн байна.

Чернобылийн атомын цахилгаан станцын дөрөвдүгээр блокт  1986 оны дөрөвдүгээр сарын 26-нд дэлбэрэлт болж ойр орчимд нь асар их хэмжээний цацраг идэвхит бодис тархсан юм.