Дэлхий дахинд

Сүга Ёшихидэ албан ёсоор Япон улсын Ерөнхий сайд боллоо

Нийтэлсэн

4 жил өмнө

2020-09-16

Нийтэлч

Японы эрх баригч Либерал ардчилсан намын даргаар даваа гаригт /2020.09.14/ сонгогдоод байсан Сайд нарын танхимын нарийн бичгийн дарга Сүга Ёшихидэ өнөөдөр /2020.09.16/ тус улсын Ерөнхий сайдаар сонгогдлоо.

Тэрбээр эрх баригч намын сонгуульд илт давуу ялалт байгуулсан ба шинэ Ерөнхий сайд болох нь тодорхой байсан юм. Энэ удаад парламентын нийт гишүүдийн дунд явуулсан санал асуулгаар тэр сонгогдож байна. Ийнхүү Япон улс сүүлийн найман жилд анх удаа шинэ удирдагчтай боллоо.

Учир нь эрүүл мэндийн шалтгаанаар албан үүргээсээ өөрийн хүсэлтээр огцорсон Абэ Шинзо тус улсыг хамгийн удирдсан Ерөнхий сайд болоод байсан юм.Абэгийн Засгийн газар өнөөдөр бүрэлдэхүүнээрээ огцорч байгаагаа зарласан. Абэ Шинзогийн эхний засгийн газар 3188 хоног, дараагийн засгийн газар нь өнөөдрийг хүртэл 2822 хоног ажилласан нь хоёулаа Японы түүхэнд хамгийн удаан ажилласан засгийн газраар тодорсон юм.

Өдгөө 71 настай Сүга Ёшихидэгийн хувьд энгийн тариачин ардын гэр бүлд төрж өссөн, Абэ Шинзог 2006 онд хамгийн залуу Японы Ерөнхий сайд болсноос нь түүнтэй хамгийн ойр ажиллаж ирсэн хүн юм. Тэрбээр Абэ Шинзогийн үйл хэргийг үргэлжлүүлнэ гэдгээ намын даргын сонгуулийн кампанит ажлын үеэр ярьж байсан билээ.

Эх сурвалж: REUTERS

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

23 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...