Белорусийн Ерөнхийлөгч Александр Лукашенко үйлдвэр заводуудад болж байгаа ажил хаялт, үймээнийг гадаадаас, ялангуяа Польш, Литва улсууд санхүүжүүлж байгаа гэдэгт итгэлтэй байгаагаа илэрхийлжээ. Лукашенко аравдугаар сарын 27-нд удирдах ажилтнуудтай хийсэн зөвлөгөөн дээрээ ажилчдыг ажил хаяхгүй байхыг нэг их ятгахгүй гэж онцолсон байна. “Ажилчид ажиллах хүсэлгүй байгаа бол хэрэггүй. Гэхдээ бүгд биш ганц нэг нь л хүсэхгүй байгаа юм. Ажиллахыг хүсч байгаа  тэр хүмүүсийг нь хөлс аваад байгаа тэр хүмүүсээс  чөлөөлөөд өгчих. Энэ бол үйлдвэр заводууд дээр Польш, Литваас хөлс авч байгаа сайндаа л 10-12 хүн байгаа” гэж Белорусийн тэргүүн хэлснийг “Белорусь 1” телевиз дамжуулжээ.

Ерөнхийлөгч эсэргүүцлийн хөдөлгөөнийхний санхүүжилт нууц сувгаар орж ирж байгаа болохоор засаг бүгдийг илрүүлж чадахгүй гэсэн байна.

АНУ-ын Ерөнхийлөгчид нэр дэвшигч Жо Байден Бедлрусийн эсэргүүцлийн хөдөлгөөнийг дэмжиж байгагаа мягмар гарагт илэрхийлээд олон улсын нийгэмлэгийг Лукашенкогийн тойрон хүрээлэгчдийн эсрэг хориг тавихыг уриалсан юм.

Белорусийн ерөнхийлөгчийн сонгуульд Александр Лукашенко ялсныг эсэргүүцсэн сөрөг хүчнийхний жагсаал цуглаан наймдугаар сарын 9-нөөс эхэлсэн юм. Сөрөг хүчнээс нэр дэвшин өрсөлдсөн Светлана Тихановская Ерөнхийлөгчийг аравдугаар сарын 25 гэхэд огцор гэсэн шаардлага хүргүүлээд, маргаашаас нь орон даяар ажил хаяж эхэлсэн юм.