Дэлхий дахинд

ВАКЦИНЫ ЭСРЭГ ИХЭНХ ТАШАА МЭДЭЭЛЛИЙН АРД 12-ХОН ХҮН БАЙЖЭЭ

Нийтэлсэн

4 жил өмнө

2021-03-26

Нийтэлч

Ялгаварлан гадуурхалт, үзэн ядалтад тулгуурласан цахим ташаа мэдээлэлтэй тэмцэх (CCDH) болон Вакцин эсэргүүцэгчдийг ажиглагч байгууллага хамтран эрэн сурвалжилснаар өдгөө цахим орчинд тараад буй цар тахлын вакцины эсрэг ихэнх ташаа мэдээллийн ард ердөө 12 хүн байгааг олж мэджээ.

Ийн сурвалжлахдаа мэргэжилтнүүд хоёрдугаар сарын 1-нээс гуравдугаар сарын 16-ны хооронд цахим орчинд тарсан вакцины талаар 812 мянга гаруй ташаа мэдээллийн 65 хувийн эх сурвалжуудыг тодорхойлж, лавшруулан судалсан байна.

Түүнчлэн цахим платформууд дундаас ялангуяа Facebook орчинд өнгөрсөн хоёр сарын турш тарсан ташаа мэдээллүүдийн 73 хувийн эх сурвалж ердөө 12 хүнд холбогдсон байна. Тэдний нийтэлсэн ташаа мэдээллүүдийг цахим сүлжээнд олон хүн уншиж, улам цааш нь түгээх, хуулж бичих замаар хаа сайгүй тараажээ.

Тайланд дурьдсанаас харвал хамгийн их ташаа мэдээлэл тараасан хүн нь сүүлийн үед АНУ-ын хүнс, эмийн удирдах газраас сануулга авсан, өөрийн бүтээсэн эмийг сурталчлагч Жосеф Меркола гэнэ. Мөн Жон Кеннеди агсны ач дүү Бага Роберт Кеннеди хамгийн их ташаа мэдээлэл тараасан хүмүүсийн дунд байжээ.

Тиймдээ ч Кеннедиг цахим орчны цар тахлын вакцины талаар ташаа мэдээллийн бодлогыг зөрчсөн хэмээн Instagram сүлжээний зүгээс нэвтрэх эрхийг нь хязгаарласан байна.

Эх сурвалж: UNILAD

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

19 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...