Дэлхий дахинд

ЖО БАЙДЕН:ХЯТАД ДЭЛХИЙН ХҮЧИРХЭГ УЛС БАЙЖ ЧАДАХГҮЙ

Нийтэлсэн

4 жил өмнө

2021-03-28

Нийтэлч

АНУ-ын Ерөнхийлөгч Жо Байден анхны бие даасан хэвлэлийн бага хурлаа пүрэв гарагт хийлээ. Цагаан ордонд болсон хэвлэлийн хурлын үеэр тэрээр АНУ дахь “COVID-19”-ийн эсрэг дархлаажуулалтыг эрчимжүүлэх, Америк-Мексикийн хил дээрх цагаачдын бөөгнөрөл, нийгмийн чинээлэг хэсгээс авах татварын хэмжээг нэмэгдүүлэх, Япон, Австрали, Энэтхэгийн төрийн тэргүүн нартай хийсэн “QUAD” бүлгийн уулзалтын үр дүн, Солонгосын хойг болон БНХАУ-ыг тойрсон асуудлуудын хүрээнд чухал сэдвүүдийг хөндсөн юм .

Жой Байдены хэвлэлийн хурал нэг цаг гаруй үргэлжилсэн бөгөөд энэ үеэр яригдсан онцлох агуулгуудыг тоймлон хүргэж байна.

Жой Байден эхний 100 хоногтоо иргэдээ 200 сая тун вакцинд хамруулах зорилт дэвшүүллээ

Жой Байден Цагаан ордны тэргүүнээр ажиллах эхний 100 хоногтоо иргэдээ “COVID-19”-ийн эсрэг 100 сая тун вакцинд хамруулах зорилт дэвшүүлсэн. Тэгвэл тэрээр пүрэв гаригт уг зорилтыг хоёр дахин өргөжүүлж эхний 100 хоногтоо 200 сая тун вакцины тарилга хийхээ мэдэгдсэн юм.

Жой Байден энэ талаар “Би Ерөнхийлөгчөөр ажиллах эхний 100 хоногтоо 100 сая тун вакцины тарилга хийх зорилт тавьсан. Тэгвэл бид 58 хоногийн дотор уг зорилгодоо хүрлээ. Дахинд 42 хоног байна. Тиймээс би эхний зорилтыг хоёр дахин нэмэгдүүлж Байдены засаг захиргаа эхний 100 хоногтоо 200 сая тун вакцины тарилга хийх зорилт тавьж байна. Анхны зорилгоо хоёр дахин нэмэгдүүлж байгаа нь хэт өндөр тоо шиг сонсогдож байгаа байх. Гэхдээ өнөөдөр дэлхийн нэг ч улс бидний одоогийн дархлаажуулалтын хүчин чадал, хурданд ядаж ойртож ч чадаагүй байна. Бид үүнийг хийж чадна гэдэгт би бүрэн итгэлтэй байна” гэжээ.

АНУ-ын Өвчний хяналт, урьдчилан сэргийлэх төвийн мэдээлснээр тус улс пүрэв гаригийн байдлаар нийт хүн амынхаа 26.3 хувийг “COVID-19”-ийн эсрэг вакцины нэг тунд хамруулсан бол 14 хувийг хоёр тунгаар дархлаажуулаад байна.

Жой Байден Америк-Мексикийн хил дээр үүссэн цагаачдын бөөгнөрлийн асуудалд Доналд Трампыг буруутгав

АНУ-ын Ерөнхийлөгч Жой Байден сүүлийн өдрүүдэд Америк-Мексикийн хил дээрх цагаачдын бөөгнөрлийн асуудлыг нэлээд онцолж, чухалчилж байгаагаа илэрхийлж, цагаачдын хуаранд хэвлэл мэдээллийн сурвалжлагчдыг чөлөөтэй нэвтрүүлдэг болгох амлалт өгсөн. Хэдий тэрээр цар тахалтай холбоотойгоор цагаачдыг хүлээн авах боломжгүй гэсэн ч цагаачлалын бодлогыг сайжруулж, шинэчлэл хийхээ мэдэгдсэн.

Тэгвэл хэвлэлийн хурлын үеэр сэтгүүлчид цагаачлалын бодлогыг сайжруулна гэсэн нь итгэл найдвар, горьдлого тээн АНУ-ыг зорих Латин америк иргэдийн тоог нэмэгдүүлж, Мексикийн хил дээрх цагаачдын бөөгнөр улам нэмэгдэх шалтгаан болж байна. Тиймээс цаашид цагаачдын бөөгнөрлийн асуудалд ямар арга хэмжээ авах вэ гэж асуусан юм.

Жой Байден энэ талаар “Зусардаж хэлэхэд, би их сайн хүн болохоор хүмүүс наашаа ирсээр байна. Тиймээс л Мексикийн хил дээр ийм асуудал үүсээд байна. Намайг Ерөнхийлөгч болсноос хойш Америк-Мексикийн хил дээрх цагаач хүүхдүүдийн тоо 28 хувиар өссөн. Үнэндээ жил бүрийн эхний гурван сард цагаачдын урсгал нэмэгддэг. Трампын засаг захиргааны үед буюу 2019 онд энэ тоо 31 хувиар нэмэгдэж байсан. Гэхдээ энэ бол Трамп сайн хүн, эсвэл тэр цагаачдад сайн ханддаг болохоор тэд наашаа ирсэн хэрэг биш. Тэд өөрсдийн эх оронд нь нөхцөл байдал хэцүү болохоор амь өрсөн байж цөл гаталж ирдэг. Би өмнө нь дэд Ерөнхийлөгч байхдаа хүмүүс эх орноо орхиж АНУ-ыг чиглэсэн цагаачдын урсгал бий болж буй шалтгаануудыг арилгах чиглэлд жилд 700 сая ам.долларын төсөвтэй хөтөлбөр хэрэгжүүлэх ажлыг эхлүүлсэн. Харамсалтай нь Трамп төсвийг нь танаснаар уг ажил зогссон. Үүгээр зогсохгүй тэр өнгөрсөн дөрвөн жилийн хугацаанд илүү олон хүн эх орноо орхин дүрвэх шалтгаануудын суурийг тавьсан” гэсэн байна.

Байден Сенатын танхимын хууль батлах доод босгыг бууруулж, Конгрессын шийдвэр гаргалтыг ард түмэнд амласан амлалттайгаа нийцүүлэхийг хүсэж байна

Конгрессын Төлөөлөгчдийн танхим энэ сарын эхээр АНУ-ын Сонгуулийн тухай хуульд реформ хийх хуулийн төслийг баталж, Сенатын танхимд өргөн барьсан. Уг хуулийн төсөлд сонгуулийн санал хураалт явуулах журмыг шинэчилж, муж улсуудаас хараат Конгрессын тойргуудыг хараат бус комиссод шилжүүлэхээр тусгасан юм. Хуулийн төслийг Конгресс баталж, Ерөнхийлөгчид өргөн барихын тулд Сенатын танхимын 60 гишүүн дэмжих шаардлагатай.

Гэвч сонгуулийн хуульд реформ хийх асуудал Сенатын танхим дахь Бүгд найрамдах намын гишүүдийн хүчтэй эсэргүүцэлтэй тулгарснаар гацаанд ороод байгаа билээ. Тухайлбал, өнгөрөгч арваннэгдүгээр сарын сонгуулиар бүрэлдсэн Сенатын танхимын бүрэлдэхүүн Бүгд найрамдах нам 50 суудал, Ардчилсан нам 48 суудал, бие даагч хоёр гишүүн болж өөрчлөгдсөн. Хэдий Ардчилсан нам бие даагч хоёр гишүүний дэмжлэгийг авч, дээр нь Дэд Ерөнхийлөгч Камала Харрисын саналаар “51:50” гэх давуу харьцаа үүсгэж болох ч 60 гишүүний босгыг давахад хангалтгүй юм.

Тиймээс Ардчилсан намын нэр бүхий Сенаторууд Конгрессын дээд танхимын хууль батлах доод босгыг Төлөөлөгчдийн танхим шиг ердийн олонхийн байдлаар өөрчлөх саналыг дэвшүүлсэн. Тэгвэл АНУ-ын Ерөнхийлөгч Жой Байден хэвлэлийн хурлынхаа үеэр уг асуудлыг дэмжихээ илэрхийлсэн бөгөөд энэ нь түүний Засаг захиргааны хувьд зорьж төлөвлөсөн өөрчлөлтүүдээ саадгүй хэрэгжүүлэхэд чухал түлхэц болно гэдгийг онцолсон юм.

Тэрээр “Би амлалтуудаа биелүүлэхийг хүсэж байна. Би Конгрессын шийдвэр гаргалтыг ард түмэнд амласан амлалттайгаа нийцүүлэхийг хүсэж байна. Хэрэв Сенатын танхимын санал 50:50 харьцаатай тэнцсэн тохиолдолд АНУ-ын дэд Ерөнхийлөгчийн санал хайнааг хагалах ёстой. Эсвэл Сенатын танхим дэд Ерөнхийлөгчийн оролцоогүй 51 гишүүний буюу ердийн олонхийн саналаар хууль баталдаг байх ёстой. Хэрэв аливаа асуудал, шийдвэр энэ мэтчилэн бүрэн гацаанд орсоор байвал үүнээс гарах сөрөг үр нөлөө нь миний ярьж байгаагаас ч хэтрэх болно” гэжээ.

АНУ цэргүүдээ Афганистанаас хэзээ татах нь тодорхойгүй байна

Жой Байден ирэх тавдугаар сарын 1-ний өдөр гэхэд Афганистан дахь АНУ-ын цэргийн хүчийг бүхэлд нь эх оронд нь буцаана гэж мэдэгдсэн.

Тэгвэг тэрээр холбоотнуудын хүсэлт, Ойрхи дорнод дахь тогтвортой байдал, бүс нутгийн аюулгүй байдлын үүднээс цэргүүдийг татах ажил хойшилж байгааг мэдэгдлээ. Жой Байден энэ талаар “Төрийн нарийн бичгийн дарга Антони Блинкен энэ долоо хоногт уг асуудлаар НАТО болон бусад холбоотнуудтай уулзалт хийнэ. Батлан хамгаалахын сайд Ллойд Остин саяхан энэ асуудлаар бусад төлөөлөгчидтэй уулзсан. НҮБ-аар удирдуулсан бүлэг Афганистан дахь дайныг дуусгах үйл явцыг тун удахгүй эхэлнэ. Тиймээс бид Афганистанаас цэргүүдээ удахгүй татах болно. Гэхдээ надад яг хэзээ гэдэг талаар төсөөлөл алга” гэсэн байна.

Хойд Солонгос зөрчилдөөн хүсвэл бид зохих хариуг нь өгнө

Хойд Солонгос улс өнгөрөгч лхагва гаригт Япон тэнгист хоёр ч баллистик пуужингийн туршилт хийсэн. Энэ нь Жой Байдены Засаг захиргааны үед Пхеньяны хийсэн анхны зэвсгийн туршилт болсон юм. Тэгвэл хэвлэлийн хурлын үеэр сэтгүүлчид түүнээс Хойд Солонгостой хийх харилцаанд баримтлах бодлого, өдөөн хатгалгыг нь тэвчих доод хязгаар нь хаана байх талаар тодрууллаа.

Тэрээр энэ талаар “Хэрэв тэд зөрчилдөөн хүсвэл бид зохих хариуг нь өгнө. Мэдээж бид асуудлыг дипломат замаар шийдвэрлэхэд бэлэн. Гэхдээ аль ч замыг сонгосон эцсийн үр дүн Хойд Солонгосын цөмийн хөтөлбөрийг эцэслэх нөхцөл дээр тогтох болно” гэх байр суурийг илэрхийллээ.

Жой Байден 2024 оны Ерөнхийлөгчийн сонгуульд хоёр дахь бүрэн эрхийнхээ төлөө Доналд Трамптай өрсөлдөнө

Цагаан ордны өмнөх тэргүүн Доналд Трамп 2024 оны АНУ-ын Ерөнхийлөгчийн сонгуульд дахин өрсөлдөхөө мэдэгдсэн. Тэгвэл сэтгүүлчид Жой Байденаас 2024 оны Ерөнхийлөгчийн сонгуульд хоёр дахь бүрэн эрхийнхээ төлөө өрсөлдөх эсэх ээ шийдсэн эсэхийг асуусан юм.

Жой Байден энэ талаар “Манай найз намайг 2024 оны сонгуульд өрсөлдөх хэрэгтэй гэсэн. Би ч Доналд Трампыг их үгүйлж байна шүү. Хариулт бол мэдээж тийм. Би 2024 оны сонгуульд өрсөлдөх болно. Ямар ч байсан би хоёр дахь бүрэн эрхийнхээ төлөө өрсөлдөнө гэж төсөөлж байгаа” гэж нэлээд хошигносон байдлаар хариулсан байна.

Хэрэв тэд 2024 оны сонгуульд дахин өрсөлдсөн тохиолдолд Доналд Трамп 77 настай байх бол Жой Байден 81 настай байх юм.

Америкийн хамгийн баян хэсгээс авах татварыг нэмэгдүүлнэ

Цагаан ордны албаны эх сурвалж өнгөрөгч долоо хоногт Жой Байдены Засаг захиргаа Холбооны Засгийн газрын татварын хэмжээг нэмэгдүүлэхээр төлөвлөж байгаа талаар мэдээлсэн. Хэвлэлүүдийн олж мэдсэнээр татвар нэмэгдүүлэх асуудал нь Жой Байдены сонгуулийн кампанит ажлынхаа үеэр дэвшүүлсэн нийгмийн хамгийн чинээлэг хэсгээс авах татварыг нэмэгдүүлэх хүрээнд боловсруулагдаж байгаа юм.

Тэрээр хэвлэлийн хурлын үеэр энэ талаар “Доналд Трампын Холбооны Засгийн газрын татварын хэмжээг бууруулах арга хэмжээний хүрээнд хоёр их наяд ам.долларын татварын орлого үгүй болж чөлөөлөгдсөний 83 хувь нь хамгийн чинээлэг хүн амын нэг хувьд ногдсон. Холбооны Засгийн газрын төсөв бол ард түмний амь насыг аврахад зориулагдсан. Гэвч хамгийн өндөр үнэлгээтэй 500 компани дундаас 90 орчим нь хэдэн арван тэрбум ам.долларын орлого олсон хэрнэ нэг ч цент татварт төлдөггүй. Бодоод үз эмч, багш, цагдаа нарын төлж байгаа дундаж татвар жил бүр хэдэн тэрбум ам.долларын орлого олдог нийгмийн хамгийн чинээлэг хүмүүсийн төлж байгаа дундаж татварын хэмжээнээс өндөр байна. Ямар нэгэн зүйл буруу биш байна гэж үү. Би гуравхан зүйлийн төлөө Ерөнхийлөгчийн сонгуульд өрсөлдсөн. Нэгд, Америкийн улс төрийн тогтолцоонд нэр төр, шударга байдал, ёс суртахуун, ил тод байдлыг дахин авчрах. Хоёрт, АНУ-ыг авч явдаг тулгуур багана буюу дундаж давхаргын хөдөлмөр эрхлэгчдийг дэмжих. Тэд бол энэ улсыг бүтээж, цаашид авч явах хүмүүс. Гуравт, АНУ-ын эв нэгдлийг дахин сэргээх. Магадгүй би Конгрессыг нэгтгэж чадахгүй байх. Гэхдээ би энэ улсыг, ард түмнээ нэгтгэж чадна. Тоо баримтуудыг харсан ч бид хамтдаа явах ёстой” гэжээ.

Намайг АНУ-ын Ерөнхийлөгч байгаа цагт БНХАУ дэлхийн хамгийн хүчирхэг улс болж чадахгүй. Ши Жиньпин бол яг Путин шиг нэг хүний аутократ засаглал ардчиллын ирээдүй гэж боддог хүн.

Жой Байден Цагаан ордны ажлаа хүлээн авсан даруйдаа Бээжинтэй хийх харилцаанд Доналд Трампын хэрэгжүүлж байсан хатуу бодлогыг үргэлжлүүлэн авч явахаа мэдэгдсэн. Хэвлэлийн хурлын үеэр сэтгүүлчид түүнээс БНХАУ-тай үүссэн зөрчилдөөнийг тойрсон худалдааны маргаан, Шинжаан дахь хүний эрхийн асуудлаар хориг арга хэмжээ авсан зэрэг сүүлийн үеийн сэдвүүдийн хүрээнд тодруулсан юм.

Жой Байден энэ талаар “БНХАУ-тай зөрчилдөж буй өнөөгийн асуудлууд бол Вашингтон болон Бээжингийн дунд бий болсон сөргөлдөөний ердөө өчүүхэн хэсэг. Би Ши Жиньпинийг нэлээд дээр үеэс сайн мэднэ. Би дэд Ерөнхийлөгч байх хугацаандаа дэлхийн бусад орны төрийн тэргүүн нар дундаас БНХАУ-ын дарга Ши Жиньпинтэй хамгийн олон удаа уулзаж, ойр байж ирсэн. Барак Обама Ерөнхийлөгчийн эхний бүрэн эрхийн үеэс л бид Ши Жиньпин Хятадын дараагийн төрийн тэргүүн болно гэдгийг мэдэж, түүнтэй ойр байж ирсэн. Бид хоёр нэлээд олон цагаар орчуулагчдаа байлцуулан нэлээд нарийн зүйлсийг дэлгэрэнгүй, гүнзгий ярилцдаг байлаа. Түүнд ардчиллын талаар ямар ч ойлголт байхгүй. Ши Жиньпин бол яг Путин шиг нэг хүний аутократ засаглал ардчиллын ирээдүй гэж боддог хүн. Гэхдээ тэр бол маш ухаалаг хүн.

Намайг Ерөнхийлөгчийн сонгуульд ялсны дараа Ши Жиньпин залгаж баяр хүргэсэн. Бид бараг хоёр цаг гаруй ярилцсан. Тэгээд бид хэд хэдэн зүйл дээр маш тодорхой байр суурь солилцсон. Би түүнд цаашид хоёр орны харилцааг улам муутгах сөргөлдөөн, өрсөлдөөн хүсэхгүй байгаагаа тодорхой хэлсэн. Дараа нь би Бээжин олон улсын дүрэм журамд нийцэхгүй шударга бус өрсөлдөөн хийж байгаа явдалтай санал нийлэхгүй гэдгээ хэлсэн. Гуравт би хэрэв энэ байдал үргэлжилбэл бид ч гэсэн үр дүнтэй аргаар хариу барих болно гэдгээ ойлгуулсан.

Бид шинжлэх ухаандаа хөрөнгө оруулалт хийх болно. Манай улс 1960-аад онд ДНБ-ийнхээ 2 хувийг зөвхөн шинжлэх ухааны судалгаа, хөгжүүлэлтэд зарцуулдаг байсан. Одоо энэ тоо ердөө 0.7 хувь болсон. Бид ирээдүйд үүний ашиг тусыг хүртэх хүмүүсийн төлөө энэ байдлыг өөрчилж, шинжлэх ухааны судалгаа, хөгжүүлэлтэд зарцуулах хөрөнгө оруулалтыг ДНБ-ийн 2 хувьд ойртуулах болно. Ирээдүй хойч маань квант тооцоолуур, хиймэл оюун, технологи, эрүүл мэнд, биотехнологийн салбарын бүх дэвшлүүдийг түрүүлж хүртэх болно. Хятад улс алсын хараандаа биднээс илүү хөрөнгө оруулалтыг хийж байна. Учир нь тэд ирээдүйг эзэгнэхийг хүсэж байгаа.

Дараа нь бид холбоотнуудтайгаа хийх харилцаа, хамтын ажиллагаагаа улам бүр бэхжүүлнэ. Үүнийг Хятадын эсрэг эвсэл, хүч үүсгэж байна гэж харж болохгүй. Гэхдээ бид Бээжингийн түрэмгийлэлд холбоотнуудтайгаа хамтран хариуцлага тооцох болно. Би саяхан Япон, Австрали, Энэтхэг буюу “QUAD” бүлгийн бусад гурван орны төрийн тэргүүнтэй дөрвөн талт уулзалт хийсэн. Бидэнд байгаа нийтлэг үнэт зүйл бол ардчилал юм. Бидэнтэй ижил ардчиллын үнэт зүйлийг эрхэмлэгч орнуудтай хамтран ажиллахад үргэлж нээлттэй. Ирээдүйн талаар хэлэлцэхийг урьж байна.

Эцэст нь би аль ч орны төрийн тэргүүн тухайн улсынхаа үнэт зүйлсийг төлөөлж чадахгүй бол албан ташаалдаа тогтвортой оршин тогтнож чадахгүй гэдгийг онцолмоор байна. АНУ-ын үнэт зүйл бол эрх чөлөө, хүний эрх, ардчилал юм. Тиймээс хэрэв дэлхийн аль нэг улс хүний эрх, эрх чөлөөг боогдуулсаар байгаа тохиолдолд АНУ түүний эсрэг зогссоор байх болно. Би үүнийг Ши Жиньпинд ч маш тодорхой хэлсэн. АНУ-ын өөр ямар ч Ерөнхийлөгч Тайвань, Хонконг, Шинжаан дахь Уйгур иргэдийн асуудлыг хараагүй мэт дуугүй сууж чадахгүй. Энэ бол бидний мөн чанар. Хэрэв АНУ-ын хэн нэг Ерөнхийлөгч ардчилал, хүний эрх, эрх чөлөөг боогдуулж байгаа асуудлын дэргэдүүр чимээгүй өнгөрөх нь бид өөрсдөөсөө урваж, ухарсан хэрэг болно.

Тиймээс би ирэх жилүүдэд Бээжинтэй нэлээд ширүүн зөрчилдөнө гэж харж байна. БНХАУ дэлхийн хамгийн баян, хамгийн хүчирхэг тэргүүлэгч улс болох зорилт тавьсан. Би үүнийг үгүйсгэж, шүүмжлэхгүй. Гэхдээ намайг АНУ-ын Ерөнхийлөгч байгаа цагт ийм зүйл болохгүй. Учир нь АНУ улам хөгжиж, өргөжин тэлэх болно” гэсэн юм.

Эх сурвалж: CNBC, CNN, USA Today

Сэдвүүд:

Дэлгэрэнгүй ...

Дэлхий дахинд

Ромын пап Францисыг оршуулах ёслол бямба гарагт болно

Нийтэлсэн

14 цаг өмнө

2025-04-23

Нийтэлч

24barimt

Ромын католик сүм хийдийн кардиналууд өчигдөр хуралдаж, пап Францисын оршуулах ёслолыг энэ бямба гарагт Гэгээн Петрийн талбайд гадаа үйлдэхээр тогтжээ. Харин ард иргэд, сүсэгтнүүдийг Ромын Папд хүндэтгэлээ илэрхийлэх боломжийг олгох үүднээс лхагва гарагт шарилыг нь Гэгээн Петрийн сүмд байрлуулж юм байна.

88 настай Пап лам Францис тархинд нь цус харвасны улмаас зүрхний дутагдалд орж нас нөгчсөн болохыг Ватиканы албаныхан үүний өмнө мэдээлсэн. Он гарснаас хойш хоёр уушгиндаа хатгалгаа туссаны улмаас эмчлүүлж эмнэлгээс гараад удаагүй байсан Ромын пап хамгийн сүүлд өнгөрсөн амралтын өдөр Улаан өндөгний баярыг тохиолдуулж Гэгээн Петрийн талбайд сүсэгтэн олонтой мэндчилж байсан юм. Францис ламтан мөн тогтсон заншлаас гажиж, Гэгээн Петрийн сүмд бус, Гэгээн Мариагийн сүмд өөрийг нь оршуулахыг гэрээсэлжээ. Өмнөх бүх Ромын папуудаас анх удаа Европын бус орны гаралтай Францис ламтны дурсгалыг хүндэтгэж төрөлх Аргентин улсад нь болон хөрш Бразил улсад 7 хоногийн гашуудал зарласан байна.Мөн дэлхийн католик шашинтнуудын тэргүүнийг оршуулах ёслолд оролцож, Пап Францистай салах ёс гүйцэтгэх бодолтой байгаагаа дэлхийн олон орны удирдагчид илэрхийлж байгаа юм байна.

АНУ-ын Ерөнхийлөгч Д.Трамп тухайлбал гэргийн хамтаар Ром хотноо энэ ёслолд оролцохоо мэдэгдсэнээр албандаа орсноосоо хойш анх удаа хилийн дээс алхах гэж байгааг хэвлэлүүд дурьдаж байна. Францын Ерөнхийлөгч Э.Макрон, Бразилийн ерөнхийлөгч Лула да Сильва, Пап ламтны төрөлх Аргентин улсын ерөнхийлөгч Хавьер Милей нар мөн оршуулгад оролцохоо мэдэгджээ. Украины ерөнхийлөгч Зеленский очихоор төлөвлөж байгаа талаар дотоодын хэвлэлүүд нь мэдээлжээ.

Дэлхийн 1,4 тэрбум католик шашинтнуудын тэргүүн, дараагийн Пап ламыг сонгох сонгуулийн тухайд, түүнийг таалал төгссөнөөс 15-20 хоногийн дараа эхэлдэг жаягтай. Энэ үүднээсээ тавдугаар сарын 6-наас хойш болох юм байна. Маш чанд хатуу дэг ёсны дагуу, нууц байдалд явагддаг энэ сонгуульд дэлхийн өнцөг булан бүрийн 135 кардинал оролцох эрхтэй байна.

Дэлгэрэнгүй ...

Дэлхий дахинд

The U.S. tariff tantrum: A self-defeating trade war

Нийтэлсэн

2 долоо хоног өмнө

2025-04-10

Нийтэлч

Admin

Editor’s note: Xin Ping is a commentator on international affairs, writing regularly for Xinhua News Agency, CGTN, Global Times, China Daily, etc. The article reflects the author’s views and not necessarily those of CGTN.

Washington’s latest tariff blitzkrieg – slapping “universal” levies on over 180 nations and regions – is setting things on fire at home.

The moment the executive order was signed, U.S. markets went into freefall: the Dow plunged nearly 4 percent, Apple and Nike stocks nosedived, and $6.4 trillion vanished from Wall Street in two days.

This isn’t economic policy. It’s economic arson.

The art of self-sabotage

Will tariffs bring manufacturing home? Despite years of arm-twisting, American tech giant Apple still works with 94.5 percent of its suppliers being overseas.

Apple isn’t an outlier. The semiconductor industry is facing obstacles in reshoring back to the U.S. as well. Intel has paused its Arizona factory. TSMC is delaying U.S. production. The problems hindering “made in America” are systemic and may only be addressed through a broad and profound economic restructuring. Tariffs won’t magically resurrect dead industries; they only inflate prices for already-struggling consumers.

The U.S. tariff spree, unleashed in the name of “America First,” is in fact a masterclass in shooting oneself in the foot. U.S. farmers will be hard hit. In the aftermath of the 2018 China tariff, while U.S. soybean exports eventually rebounded, the farming community suffered irreparable damages: Midwest farm bankruptcies spiked 30 percent, wiping out generations of family farms. Today’s “Tariff 2.0” risks repeating history – but with higher stakes.

China’s counterpunch

Beijing has been defending itself with precise actions, hitting back with matching levies. But its market remains open to others. Germany’s automakers, for instance, now sell more cars in China than at home. ASEAN’s durians and lobsters enter Chinese markets tariff-free under RCEP – a stark contrast to America’s “walled garden” approach.

As China’s commerce ministry stated: “Bullying tactics won’t work. We defend rules, not whims.” Similar tactics have failed before. When the U.S. tried weaponizing small-parcel exemptions to target Chinese goods, U.S. retailers revolted, as 60 percent of affected imports are everyday essentials for low-income households.

Allies: from partners to prey

American allies are not spared either, and their response has also been strong. The EU is poised to approve retaliatory measures. France is warning against “suicidal trade wars.” German industries are lobbying Brussels to hit back harder. Japan is calling the moves “deeply regrettable.”

In Southeast Asia, the irony is thicker than durian pulp as countries like Vietnam face 46 percent tariffs but remain trapped supplying components to U.S. tech giants. An economist in Hanoi reveals the reality: “Trump wants us to be his factory, but not his competitor. That math doesn’t add up.”

The U.S. tariff crusade isn’t just failing – it’s uniting the Global South against Washington. The U.S. only accounts for around 15 percent of global trade. The remaining 85 percent is made up by the rest of the world – including China – and it will not stand idly by and watch the international trade system, the very thing that fostered global prosperity for decades, destroyed by self-serving political motivations.

A woman looks at an electronic stockboard on her computer at a trading company in Hanoi, Vietnam on April 8, 2025. /CFP

The ghost of Smoot-Hawley

History has long given its verdict on tariffs. The 1930 Smoot-Hawley tariffs turned a recession into the Great Depression. The déjà vu is uncanny: U.S. steel tariffs briefly boosted producers but killed 75,000 downstream jobs. American icon motorcycle manufacturer Harley-Davidson was forced to shift production overseas to avoid costs. “Made in America” has become “priced out of America.”

Those in Washington are preaching “short-term pain for long-term gain.” Tell that to the 27 U.S. textile mills shut down in the past 20 months, or the single mom paying 17 percent more for Walmart clothes. Some on Reddit have put it quite well: “Tariffs are taxes on the poor.”

Epilogue: The unlearned lesson

The White House insists this is “historic” – and they’re right. Not since the 1930s has the U.S. so recklessly weaponized trade. But the world has changed: China is deeply integrated into global supply chains, the EU makes its own decisions, and ASEAN won’t ditch prosperity for geopolitics.

The clock is ticking. Every tariff tweet coming from Washington is shredding U.S. credibility. Every market plunge erodes the White House’s “strong economy” narrative. And America’s isolation deepens with every trade deal other countries make on lowered tariffs, such as those between China and ASEAN and European countries.

In the end, it’s not just about the economy. America is turning its back on the world. The path it has chosen is a solitary one.

(If you want to contribute and have specific expertise, please contact us at opinions@cgtn.com. Follow @thouse_opinions on X, formerly Twitter, to discover the latest commentaries in the CGTN Opinion Section.)

Дэлгэрэнгүй ...

Дэлхий дахинд

БНСУ даяар галын нөхцөл байдал ноцтой түвшинд хүрснийг зарлалаа

Нийтэлсэн

4 долоо хоног өмнө

2025-03-26

Нийтэлч

24barimt

2025 оны гуравдугаар сарын 26-ны өглөөний 07:30 цагийн байдлаар БНСУ даяар галын нөхцөл байдал ноцтой түвшинд хүрсэн гэж зарласан бөгөөд энэ нь гал түймрийн хамгийн дээд түвшин юм.

Одоогийн байдлаар нас барсан хүмүүсийн тоо 18, түлэгдэж угаартсан хүмүүсийн тоо 19 болж, нийт 37 хүн амь нас, эрүүл мэндээрээ хохирсон байна.

Гал түймрийн гарал үүсэл нь тодорхой болж эхэлсэн бөгөөд салют буудуулах болон талийгаачийн булш эргэж байх үед гал алдсан нь гол шалтгаан болсон гэж үзэж байна.

Мөн аюултай нөхцөл байдал үүссэнтэй холбогдуулан нийт 27,000 орчим иргэнийг аюулгүй газар нүүлгэн шилжүүлж, 1,600 иргэнийг түр хоргодох байранд байрлуулжээ.

Гал сөнөөгчид болон цэргийн 5000 гаруй албан хаагч, 146 нисдэг тэрэг дайчлагдан ажиллаж байгаа ч хуурай салхи, хүнд нөхцөл байдлаас болж унтраахад хүндрэлтэй байна.

Гуравдугаар сарын 26-ны үдээс хойш хүчтэй салхи шуурах төлөвтэй байгаа тул иргэдийг аюултай нөхцөл байдлаас урьдчилан сэргийлж, хяналттай байхыг анхааруулж байна.

Консулын газар нь галын голомтын аюултай бүсэд оршин суугаа Монгол Улсын иргэддээ яаралтай үед холбогдох шуурхай утсыг ажиллуулж байна гэж Пусан хотод суугаа Консулын газраас мэдээллээ.

Дэлгэрэнгүй ...