Дэлхий дахинд

73 НАСТАЙ ЮН Ё ЖОНЫ БРЭД ПИТТЭЙ ТАНИЛЦАХ МӨРӨӨДӨЛ НЬ БИЕЛЖЭЭ

Нийтэлсэн

4 жил өмнө

2021-04-26

Нийтэлч

БНСУ-ын жүжигчин, 73 настай Юн Ё Жоны эртний мөрөөдлөө биелүүллээ.

Шилдэг эмэгтэй туслах дүрээр Оскар гардсан Юн Ё Жон Оскарын 93 дахь удаагийн наадмын хөтлөгчдийн нэгээр ажилласан жүжигчин Брэд Питтэй танилцаж, хамт зургаа авахуулсандаа их баяртай байгаа гэнэ.

“Минари” кинонд АНУ-д цагаачилсан охиныхоо гэр бүлийг дэмжихээр БНСУ-аас ирсэн эмээгийн дүрийг бүтээсэн Юн Ё Жон ганган хослол өмсөж, үс, сахлаа урт ургуулсан Брэд Питтийг хараад ихэд бахадсан талаараа ярьжээ.

Брэд Питт Оскарын ялагчдын нэрийг зарласан билээ.

Юн Ё Жоныг зарлахад БНСУ-ын жүжигчин чихэндээ итгээгүй гэнэ. Тэрбээр жүжигчин Брэд Питтэй уулзсанаа нэр төрийн хэрэг хэмээн тодотгожээ.

Оскарын наадмыг зурагтаар л үздэг байсан Юн Ё Жон энэ жил өөрийн биеэр Оскарын тайзнаа гарч, ялагч болж, Америкийн кино академийн дээд шагналд нэр дэвшин, ялагч болсон анхны солонгос жүжигчин боллоо.

Жүжигчин Юн Ё Жон 1975 онд дуучин Жо Ён Намтай гэрлэн, кино урлагийг орхиж байсан юм.

АНУ-д цагаачилсан тэрбээр 1984 онд нөхрөөсөө салж, БНСУ-д эргэн иржээ.

Түүнийг кино урлагтаа эргэн орохыг дэмжсэн хоёр хүүдээ талархал илэрхийлж буйгаа Юн Ё Жон Оскарын тайзан дээрээс хэлсэн билээ.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

17 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...