Дэлхий дахинд

МӨӨГӨНЦӨРТ ХАЛДВАР АВСАН ХҮМҮҮС НҮДНЭЭСЭЭ САЛЖ БАЙНА

Нийтэлсэн

4 жил өмнө

2021-05-24

Нийтэлч

Энэтхэгийн баруун хэсэгт “хар хөгц” гэгддэг мукормикоз мөөгөнцөрт халдвар авсан олон мянган хүнд нүдийг нь авах мэс ажилбар хийж байна гэж “ The Daily Star” хэвлэлд мэдээлжээ.

Хүрээлэн буй орчинд байдаг мукормикоз мөөгөнцөр дархлаа нь суларсан хүний амь насанд аюултай өвчин. Мөөгөнцрийн тоосонцрыг амьсгалахад уушги, хамрын хөндийн гэмтэж, нүүрэн дээр илэрдэг байна. Халдварын эхний үед хамраас нус гоожих, нүүр бага зэрэг чинэрч, бадайрах, нүд бүлцийх зэрэг шинж тэмдэг илэрдэг байна. Судалгаанаас үзвэл, эл мөөгөнцөрт халдвар авсан хүмүүсийн 60 орчим хувь нь нэг эсвэл хоёр нүд хараагүй болдог аж.

“Мэс ажилбарын аргаар нүдийг мэдрэлийн эс, зовхи зэрэг бүхэлд нь авахгүй тохиолдолд халдвар тархинд орох эрсдэлтэй” гэж эмч Акшай Наир мэдэгджээ. Эмч нарын мэдэгдэж буйгаар, коронавирусийн эсрэг стероидын эмчилгээ хийж байгаа тул “хар хөгц” халдвар эрчимтэй тархахад нөлөөлж байна. Учир нь стероид нь хүний дархлааны тогтолцоог дарангуйлдаг тул мөөгөнцөрт үржих таатай нөхцөлийг бүрдүүлдэг байна.

Хамгийн сүүлийн үеийн мэдээллээр, тус улсад нийт 8.8 мянга гаруй хүн мукормикоз мөөгөнцөрт халдвар аваад байна. Энэтхэгийн химийн аж үйлдвэрийн сайд Садананда Говдагийн мэдэгдсэнээр, бүх мужид мөөгөнцрийн эсрэг нийт 23 мянган нэгж тусгай бэлдмэл нийлүүлсэн байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

17 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...