Дэлхий дахинд

НИЙРАГОНГО ГАЛТ УУЛ ОРЧИМ НЭГ ХОНОГТ 92 УДАА ГАЗАР ХӨДӨЛЖЭЭ

Нийтэлсэн

3 жил өмнө

2021-05-31

Нийтэлч

Бүгд Найрамдах Ардчилсан Конго Улсын Нийрагонго галт уул орчим сүүлийн 24 цагийн дотор 92 удаагийн газар хөдлөлт, чичирхийлэл бүртгэгджээ.

3505 м өндөр галт уул хамгийн сүүлд өнгөрсөн бямба гарагт дэлбэрч, үүний улмаас 31 хүн амиа алджээ. Галт уул дэлбэрснээс хойш нийт 92 удаа газар хөдөлж, чичирхийлснээс дөрвийг нь хүмүүс мэдэрсэн бол бусдыг нь зөвхөн хэмжилтийн багажид бүртгэгдсэн байна. Газар хөдлөлт хөрш зэргэлдээх Руандагийн нийслэл Кигали хотод мэдрэгджээ.

Нийрагонго галт уулыг судалж буй галт уул судлаач Дарио Тедескогийн ярьснаар, бүс нутагт үүссэн газрын хагарал галт уулын дэлбэрэлтэд мөн нөлөөлж байгаа гэнэ. Галт уулын тогооноос цайвар саарал өнгийн үнс нурам цацагдаж байгаа нь галт уулын тогоо ёроолоосоо нурж буйг илтгэж байна гэж тэрбээр онцолжээ. Хар өнгийн үнс нурам галт уул дэлбэрч буй илтгэдэг бол саарал өнгийн үнс нурам ялгарах нь харьцангуй аюулгүй гэж үздэг байна.

Нийрагонго галт уулыг 1995 оноос хойш судалж буй Тедескогийн хэлснээр, галт уулын идэвхжлийн оргил үе өнгөрсөн хэдий ч дахин дэлбэрэх магадлалыг үгүйсгээгүй байна. Ойрын өдрүүдэд эрдэмтэд хүмүүс гэртээ буцаж ирэхэд аюулгүй эсэхийг тогтоох гэнэ. Галт уулын бэлд орших Гома хот болон ойр орчмын суурингаас нийт 400 мянга орчим хүнийг нүүлгэн шилжүүлээд байгаа юм.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

15 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...