Нийгэм
“Байгаль хамгаалахад иргэдийн оролцоог хангах нь” сэдэвт уулзалт, хэлэлцүүлэг боллоо

Байгаль орчин, аялал жуулчлалын сайд Н.Уртнасан аймгуудын засаг дарга нартай байгуулсан 2021 оны хамтран ажиллах гэрээнд туссан “Байгаль хамгаалахад иргэдийн оролцоог нэмэгдүүлэх, байгалийн нөөцийн хамтын менежментийн нөхөрлөлийг дэмжих” үйл ажиллагааг эрчимжүүлэх ажлын хүрээнд “Байгаль хамгаалахад иргэдийн оролцоог хангах нь” сэдэвт уулзалт, хэлэлцүүлгийг зохион байгууллаа. Уулзалт хэлэлцүүлэгт аймгуудын БОАЖГ-ын дарга нар, холбогдох мэргэжилтнүүд, байгалийн нөөцийн хамтын менежментийн нөхөрлөлийг бэхжүүлэхэд чиглэсэн үйл ажиллагаа явуулдаг төсөл хөтөлбөрүүдийн хүрээнд зохион байгууллаа.
Байгалийн нөөцийн хамтын менежментийг тогтвортой хэрэгжүүлэхэд чиглэсэн бодлогыг сайжруулах, орон нутгийн төвшинд байгаль хамгаалахад иргэдийн оролцоог нэмэгдүүлэх, хэрэгжилтийг эрчимжүүлэх, амжилттай хэрэгжиж байгаа туршлагыг хуваалцах зорилготой энэхүү цахим уулзалт, хэлэлцүүлэгт 21 аймгийн байгаль орчин, аялал жуулчлалын газрын дарга нар, холбогдох мэргэжилтнүүд болон төсөл хэрэгжүүлэгчид гээд оролцсон юм.
2021 оны байдлаар 2745 байрлал, 68,8 сая га талбай бүхий орон нутгийн тусгай хамгаалалттай газар байдаг. Эдгээр газрын менежментийг сайжруулах шаардлагатай байгааг хэлэлцүүлгийн үеэр дурдаж байлаа.
Түүнчлэн байгалийн нөөц баялгаа зөв хуваарилах, иргэд эрх тэгш боломж хүртэх, ирээдүй хойч үеийнхний амьдралын баталгааг хангахын тулд оролцогчид хариуцлагатай байх, оршин суугаа газар нутгийнхаа байгаль орчныг хариуцан хамгаалах, байгалийн нөөцийг ашиглах, эзэмших, ажлын байр бий болгож, орлогын нэмэгдэл эх үүсвэрийг ард иргэдэд тэгш хүртээх зарчимд үндэслэн Байгаль орчныг хамгаалах тухай хуулийн дагуу байгалийн нөөцийн хамтын менежментийн нөхөрлөл байгуулагдан байгаль хамгааллын ажлыг хэрэгжүүлж байна.
“Байгаль хамгаалахад иргэдийн оролцоог нэмэгдүүлэх, байгалийн нөөцийн хамтын менежментийн нөхөрлөлийг дэмжих” ажиллагааг хэрэгжүүлснээр байгалийн нөөцийг хамгаалах, ойн түймрийн гаралт буурах, хууль бус мод бэлтгэл, ан агнуур, хэрэг зөрчлийн тоо багасах, булаг шандын эхийг хамгаалах зэрэг үр дүнг гарч байгааг хэлэлцлээ. Цаашид байгаль хамгаалахад болон иргэдийн амьжиргааг сайжруулахад чиглэсэн үр дүнд суурилсан бодлого төлөвлөлт, хэрэгжилтийг бий болгох боломж бүрдэнэ гэж үзэж байна.

Нийгэм
ХӨСҮТ: Улаанбурхан өвчний 428 тохиолдол батлагдлаа

Улаанбурхан өвчний нөхцөл байдал, тархалтын талаар ХӨСҮТ-өөс мэдээлэл өглөө. /2025.04.10/-ны байдлаар тус өвчний батлагдсан тохиолдлын тоо 428-т хүрчээ. Үүнээс:
- Эмнэлэгт эмчлүүлж байгаа 125,
- Гэрээр эмчилгээ хийлгэж байгаа 4
- Эдгэрсэн 299
- Сэжигтэй 35
- Хавьтал 10346 хүн байна.
Өвчлөлийн хувьд 10-14 насныхны дунд өндөр хувьтай хэвээр байна. Ихэвчлэн ЕБС-иудын дунд голомтлон халдварлаж байгаа тул халдвараас сэргийлэхийн тулд улаанбурханы эсрэг вакцинд хамрагдаж, өөрийгөө болон бусдыг хамгаалахыг ХӨСҮТ-өөс анхаарууллаа.
Нийгэм
Зөвшөөрөлгүй ТҮЦ-үүдийг нүүлгэх эсэх талаар иргэдээс санал авч эхэллээ

Улаанбаатар хотод нийтийн эзэмшлийн гудамж талбай, явган хүний зорчих хэсэгт саад учруулж, зөвшөөрөлгүй байршуулсан 1000 гаруй ТҮЦ буюу түргэн үйлчилгээний цэг байна.
Эдгээр ТҮЦ-ийг нүүлгэж, орчныг чөлөөлөх эсэх талаар санал асуулга авч эхэллээ.
Санал асуулга дөрөвдүгээр сарын 10-17-ны өдрүүдийг дуустал буюу долоо хоног үргэлжилнэ.
Иргэд та бүхнийг санал асуулгад идэвхтэй оролцохыг уриалж байна.
Та бүхэн доорх линкээр санал асуулгад оролцоно уу.
Нийгэм
Архангай, Хэнтий аймагт гарсан ой, хээрийн түймрийг унтраахаар ажиллаж байна

Хаврын хуурайшилт нэмэгдэж, салхи шуурга ихтэй байгаатай холбогдуулан онцгой байдлын байгууллагад өчигдөр долоон түймэр бүртгэгджээ. Тодруулбал, Сэлэнгэ аймгийн Баянгол, Мандал, Сант, Төв аймгийн Өндөрширээт, Хэнтий аймгийн Баян-Адарга суманд гарсан хээрийн гал түймрийг бүрэн унтрааж, Архангай аймгийн Цэнхэр, Хэнтий аймгийн Баянхутаг суманд гарсан ой, хээрийн гал түймрийг унтраахаар ажиллаж байна.
Түймрийн шалтгааныг авч үзвэл ихэнх нь иргэн, аж ахуйн нэгж хогоо цэвэрлэж, шар өвсөө шатааснаас үүдэн гарчээ. Иймээс иргэд галын аюулгүй байдлаа хангаж, ил задгай гал гаргах, хог шатаах, үнс нурмаа ил задгай асгах, түймрийн эрсдэлтэй бүсэд зорчихдоо галын аюулгүй байдлаа хангаж байхыг Онцгой байдлын газраас анхааруулж байна.
-
Дэлхий дахинд14 цаг өмнө
The U.S. tariff tantrum: A self-defeating trade war
-
Эдийн засаг18 цаг өмнө
1072 хувьцааны ногдол ашгийн үлдэгдлийг шилжүүлж эхэллээ
-
Нийгэм19 цаг өмнө
Архангай, Хэнтий аймагт гарсан ой, хээрийн түймрийг унтраахаар ажиллаж байна
-
Нийгэм20 цаг өмнө
Монгол хэл бичгийн шалгалт энэ сарын 18-19-нд болно
-
Улс төр20 цаг өмнө
ХХОАТ-ын хэмжээг нэг хувь болгон бууруулах талаар гаргасан иргэдийн өргөдлийг хэлэлцлээ
-
Улс төр18 цаг өмнө
ХХОАТ-ын хэмжээг нэг хувь болгон бууруулах талаар иргэдийн өргөдлийг ажлын хэсэгт шилжүүллээ
-
Нийгэм18 цаг өмнө
Зөвшөөрөлгүй ТҮЦ-үүдийг нүүлгэх эсэх талаар иргэдээс санал авч эхэллээ
-
Нийгэм18 цаг өмнө
ХӨСҮТ: Улаанбурхан өвчний 428 тохиолдол батлагдлаа