Дэлхий дахинд

КОРОНАВИРУСНИЙ ГЕНИЙН УЛ МӨР ЗОХИОМОЛ ГАРАЛ ҮҮСЭЛТЭЙГ ИЛТГЭЖ БАЙНА

Нийтэлсэн

3 жил өмнө

2021-06-08

Нийтэлч

КОВИД-19 өвчин үүсгэгч SARS-CoV-2 вирусийн ерөнхий шинж генийн хувьд зохиомол аргаар буюу лабораторийн нөхцөлд гаргаж авсныг илтгэж байна. Учир нь байгалийн гаралтай коронавирустэй харьцуулахад SARS-CoV-2 вирусийн генийн дараалал өөр байна гэж Калифорнийн их сургуулийн профессор Ричард Мюллер, анагаах ухааны доктор Стивен Куэй нар үзэж байна. Тэдний нийтлэл “The Wall Street Journal” сонины даваа гарагийн дугаарт хэвлэгдэн гарчээ.

Тэд шинэ төрлийн коронавирусний онцлог шинжийг судалсны үндсэн дээр үүний генийн дараалал CGG-CGG гэж хосолсон ба үүнийг эрдэмтэд вирусний үйлчлэлийн үр нөлөөг нэмэгдүүлэхийн тулд лабораторийн нөхцөлд ашигладаг бөгөөд байгальд туйлын ховор тааралддаг байна. Тиймээс тэд SARS-CoV-2 нь байгалийн гаралтай гэхээсээ илүү хүний гараар бүтээгдсэн гэж таамаглаж байна. Өөрөөр хэлбэл дэлхийг нөмрөөд буй КОВИД-19 цар тахал Уханийн Вирус судлалын хүрээлэнгийн лабораториос алдагдсан вирусний үр дагавар байж болзошгүй гэсэн таамгийн магадлалыг нэмэгдүүлж байна гэжээ.

АНУ дахь БНХАУ-ын элчин сайдын яамны төлөөлөгч Лю Пенюй коронавирус лабораториос үүсэлтэй гэх таамгийг Иракийг үй олноор хөнөөх зэвсэгтэй гэж 12 жилийн өмнө гүтгэж байсантай ижил хэмээжээ.

Коронавирусний гарал үүсэл нь шинжлэх ухааны асуудал тул улстөржүүлэх бус дэлхийн бүх эрдэмтэд судлах учиртай.

АНУ тэргүүтэй холбоотнууд Ирак руу дайрахаас өмнөхөн НҮБ-ын Аюулгүйн зөвлөлийн хуралдаан дээр тухайн үеийн АНУ-ын Төрийн нарийн бичгийн дарга Колин Пауэлл Иракийн тэргүүн агсан биологийн зэвсэг үйлдвэрлэх технологитой гэсэн мэдээлэл авсан тухай мэдэгдэж байсан билээ. Үүний баталгаа болгож Пауэлл Иракийн ү олноор хөнөөх зэвсгийн үйлдвэрийн дээж хэмээн цагаан бодисыг үзүүлж байжээ. Хожим нь Тагнуулын ерөнхий газар Пауэллд худал мэдээлэл өгсөн болж, цагаан бодис нь хуурамч болж таарсан билээ.

Харин Дэлхийн эрүүл мэндийн байгууллага коронавирусний гарал үүслийг тогтоох явцад Хятад болон бусад улсын зүгээс дэмжлэг туслалцаа үзүүлнэ гэж найдаж байна.

ДЭМБ-ын онц байдлын хөтөлбөрийн захирал Майкл Райан даваа гарагт ДЭМБ-д аль нэг улсад шахалт үзүүлж, эрх баригчдын зөвшөөрөлгүй тухайн оронд нэвтрэх бүрэн эрх үгүй гээд ДЭМБ коронавирусний гарал үүслийг тогтоохоор ажилласан хэвээр байна гэж мэдэгджээ. Зарим өвчний гарал үүслийг тогтооход олон жил шаардагдаж байсан гэж тодруулсан байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

15 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...