Монгол улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд Ерөнхийлөгчийн Тамгын газар, Байгаль, орчин аялал жуулчлалын яам, Гэр бүл, хүүхэд, залуучуудын хөгжлийн газар хамтран “НОГООН ДЭЛХИЙ-БИДНИЙ ИРЭЭДҮЙ” сэдвийн хүрээнд хүүхдийн гар зургийн уралдааныг зарлаж байна.

Уралдааны зорилго:

Уран зургийн төрөл бүрийн арга, хэлбэрээр, насны хоёр ангилалтайгаар 16 хүртэлх насны хүүхдүүд дунд өөрсдийн чөлөөт уран сэтгэмжийг ашиглан мод тарих, ургуулах, хайрлан хамгаалахын ач холбогдлыг дүрслэн зурж, “Тэрбум мод” үндэсний хөдөлгөөнийг ирээдүй хойч үеийн төлөөлөлд таниулах; уралдаанд шалгарсан бүтээлүүдийг ашгийн бус зорилгоор олон нийтэд толилуулахад оршино.

Уралдааны сэдэв:

“НОГООН ДЭЛХИЙ-БИДНИЙ ИРЭЭДҮЙ”

Шагналын сан:

I байр 1.5 сая төгрөг.

II байр 1 сая төгрөг

III байр 0.5 сая төгрөг

Тусгай байр хоёр, тус бүр 250,000 төгрөг.

НИЙТ: 3.5 сая төгрөг /8 хүртэлх настай хүүхдүүд/

I байр 1.5 сая төгрөг.

II байр 1 сая төгрөг

III байр 0.5 сая төгрөг

Тусгай байр хоёр, тус бүр 250,000 төгрөг.

НИЙТ: 3.5 сая төгрөг /9-16 хүртэлх настай хүүхдүүд/

Бүртгэл:

– Бүртгэлийн хураамж төлөхгүй

– Бүртгэлийг fcymgl99@gmail.com холбоосоор илгээнэ.

– Бүтээлийг Гэр бүл, хүүхэд, залуучуудын хөгжлийн газарт эсхүл өндөр чанартай файлыг WeTransfer, Dropbox зэрэг үйлчилгээг ашиглаж татаж авах холбоосоор хүргүүлнэ.

– Бүтээл хүлээн авах хугацаа 2021 оны 10 сарын 15-наас 11 сарын 15-ны 18:00 цаг хүртэл.

Бүтээлд тавигдах шаардлага:

– Зургийн хэмжээ 40*60 см,

– Бүтээлийн хамт зураачийн овог, нэр, нас, хүйс, хаяг, сургууль, цэцэрлэгийн нэр, эцэг, эхийн холбоо барих утас, имейлийг тодорхой бичсэн байх,

– Заасан хугацаанд бүтээлээ ирүүлсэн байх,

– Нэг оролцогч нэг бүтээлээр оролцох,

– Шалгарсан бүтээлийг байгууллагын албан ёсны сайт, пэйжид байршуулан олон нийтэд сурталчилна.Бүтээлүүдийг нийтийн хүртээл болгох үүднээс зурган дээр бүтээгчийн овог, нэрийг хамт сурталчилна.

– 2021 оны 1 сарын 1-ээс хойш бүтээгдсэн, шаардлагад нийцсэн, урд өмнө олон нийтэд толилуулаагүй, цахим орчинд болон телевизийн сувгаар түгээгээгүй бүтээлээ ирүүлж болно.

– Бусад төрлийн гар зургийн уралдаан тэмцээнд оруулсан зураг, бүтээл ирүүлэхийг хориглоно.

Шалгаруулах комисс, зохион байгуулагч:

ЕРӨНХИЙЛӨГЧИЙН ТАМГЫН ГАЗАР

БАЙГАЛЬ, ОРЧИН АЯЛАЛ ЖУУЛЧЛАЛЫН ЯАМ

ГЭР БҮЛ, ХҮҮХЭД, ЗАЛУУЧУУДЫН ХӨГЖЛИЙН ГАЗАР