Бусад
БРИТАНИЙН ХАТАН ХААНЫ ГЭР БҮЛИЙН ХАМГИЙН САНААНДГҮЙ 8 ХАМААТАН
Хорвоо ертөнц бидий санадагаас илүү давчуу бололтой, харин бүх нэр цуутай, хүчирхэг гэр бүлүүд өөр хоорондоо садан төрлийн холбоотой гэх нотолгоо илүү үнэний хувьтай даг. Тэгээд ч бид үүний үнэмшилтэй нотолгоог олсон бөгөөд юу гэвэл оддын дунд британийн хатан хааны гэр бүлийн хамаатан цөөнгүй байж таарав.
Зарим нэр цуутай хүний ургийн бичгийг судлаж үзвэл, тэд хатан хаан хоёрдугаар Елизавета болон түүний ам бүл олуулаа гэр бүлтэй садан төрлийн (гэхдээ маш холын) холбоотой нь гайхалтай юм.
Анжелина Жоли
Анжелина Жоли францын ван хоёрдугаар Августаар дамжин өөрийнх нь хамаатан болох хатан хаанаас Хатагтайн хэргэм цолыг 2014 онд авч байжээ. Үүнээс гадна, жүжигчин франц-канадын өвөг дээдсээрээ дамжин Корнуолын гүнж Камиллатай холын хамаатай аж.
Бейонсе
Поп-хатагтай болон британийн хатан хаан хэн хэнийх нь өвөг дээдэс болох английн ван хоёрдугаар Генрих Плантагенеттай садан төрлийн холбоотой бөгөөд вангийн удам хойчисын нэг нь далайн чанадад гарч, АНУ-ын өмнөд нутагт суурьшжээ.
Брэд Питт
Та гайхах байх л даа, Брэд Питт бол 24 дэх үедээ английн ван гуравдугаар Генрихийн жич, түүнчилэн 17 дахь үедээ хунтайж Уильямын үеэл ах гэнэ.
Барак Обама
АНУ-ын ерөнхийлөгч асан Обама хатан хаан хоёрдугаар Елизаветатай өвөг дээдэс нэгтэй ажээ. Тэр нь английн сурвалжтан Уильям Жерар, түүний гэргий Элизабет Байрон нар бөгөөд тэд ХV зууны сүүлч – ХVI зууны эхэнд аж төрж байсан байна.
Бенедикт Камбербэтч
Камбербэтчийн өндөр өвөг дээдсийнхний дунд “Сарнайн дайн” гэдэг цувралд түүний дүрийг нь бүтээсэн хүн байдаг бөгөөд тэр нь ван гуравдугаар Ричард гэнэ. Жүжигчин бас британийн газрын эзэн сэр Уильям Боузаар дамжин хатан хаан хоёрдугаар Елизаветагийн хамаатан болж байна.
Бритни Спирс
Сэр Уолтер Блент нь хатан хаан хоёрдугаар Елизавета болон дуучин Бритни Спирсийн аль алиных нь өвөг дээдэс ажээ. Түүний төрсөн огноо яг тодорхойгүй ч, тэр 1403 оны долоодугаар сарын 21-нд Шрусберигийн дэргэдэх тулалдаанд эрэлхэгээр амь үрэгдсэн тухай мэдээ хадгалагдан үлдсэн байдаг байна. Дашрамд дурдахад, сэр Уолтер нь Шекспирийн “Дөрөвдүгээр Генрих” гэдэг түүхэн жүжгийн нэгдүгээр хэсгийн баатруудын нэг юм.
Жонни Деп
Жонни Депп нь английн ван гуравдугаар Эдуард Плантагенетийнхны удмынхнаар дамжин хатан хаан хоёрдугаар Елизаветагийн хамаатан гэнэ.
Меган Маркл
Меган Маркл хунтайж Гарритай гэрлэхээсээ өмнө ард гаралтай хамгийн жирийн бүсгүй байсан хэмээн олон хүн боддог. Гэтэл, ургийн бичиг судладаг мэргэжилтнүүдийн илрүүлснээр, энэ огт тийм биш бөгөөд эцгийн талаасаа Меганы өвөг дээдсийн нэг нь нөгөө ван гуравдугаар Эдуард байжээ. Тийнхүү Их Британийн хатан хааны гэр бүлд албан ёсоор орж ирэхээсээ өмнө Меган тэдний холын хамаатан байсан болж таарч байна.
С.Инда
Бусад
СЕХ: Нам, эвслүүдийн сонгуульд оролцох хүсэлтийг хүлээн авлаа
Монгол Улсын Сонгуулийн ерөнхий хороонд 26 нам, 2 эвсэл Улсын Их Хурлын 2024 оны ээлжит сонгуульд оролцох хүсэлтээ өглөө.
Сонгуулийн ерөнхий хорооны дарга П.Дэлгэрнаран, Нарийн бичгийн дарга Д.Даваа-Очир, гишүүн Д.Баяндүүрэн, Тамгын газрын дарга Д.Бат-Эрдэнэ нар болон Ажлын хэсэг нам, эвслүүдийн Улсын Их Хурлын 2024 оны ээлжит сонгуульд оролцох хүсэлт, холбогдох баримт бичгийг хүлээн авлаа. Ингэхдээ Сонгуулийн ерөнхий хороо нам, эвслүүдтэй хуулийн хүрээнд ил тод, нээлттэй хамтарч ажиллахаа илэрхийлж, амжилт хүсэв.
Нам, эвслийн удирдлагууд Улсын Их Хурлын 2024 оны ээлжит сонгуульд оролцохдоо Үндсэн хууль, Монгол Улсын Их Хурлын сонгуулийн тухай хууль болон холбогдох хууль тогтоомжийг дагаж мөрдөхөө илэрхийлсэн юм.
2024 оны 4 дүгээр сарын 28-ны өдөр Эрх чөлөөг хэрэгжүүлэгч нам, Үнэн ба Зөв нам, Ардчилсан нам /АН/, Сайн ардчилсан иргэдийн нэгдсэн нам /САИНН/, Монгол Консерватив нам /МКН/, Шинэ нэгдсэн эвсэл /МУНН-ШИНЭ нам/, Монголын Социал Демократ Нам, Монголын хүний төлөө нам, Дэлхийн монголчууд нам (ДМН), Ард түмний хүч нам, Эх Орон нам, Монгол Ардын нам /МАН/, Хөгжлийн хөтөлбөр нам, Эрх чөлөөний эвсэл нам /Зон олны нам/, Монгол шинэчлэлт нам /МШН/-ын удирдлагууд хүсэлтээ өгөв.
Зүй ёс нам Улсын Их Хурлын 2024 оны ээлжит сонгуульд оролцохгүй тухайгаа мэдэгдлээ.
2024 оны 4 дүгээр сарын 27-ны өдөр ХҮН нам /ХҮН/, Монголын Либерал нам /МЛН/, Монголын Либерал Ардчилсан нам /МоЛАН/, Иргэний хөдөлгөөний нам /ИХН/, Ардчилал шинэчлэлийн нам, Гэр хороолол хөгжлийн нам /ГХХН/-ын удирдлагууд Улсын Их Хурлын 2024 оны ээлжит сонгуульд оролцох хүсэлтээ өгсөн.
2024 оны 4 дүгээр сарын 26-ны өдөр Эх орончдын нэгдсэн нам /ЭОНН/, Иргэдийн Оролцооны Нэгдэл Нам /ИОНН/, Үндэсний эвсэл /МНН-МҮАН/, Их эв нам /ИЭН/, Иргэний зориг ногоон нам /ИЗНН/, Ард түмний олонхийн засаглал нам /АТОЗН/, Бүгд найрамдах нам /БНН/-ын удирдлагууд Улсын Их Хурлын 2024 оны ээлжит сонгуульд оролцох хүсэлтээ өгсөн юм.
Сонгуулийн ерөнхий хорооны 2024 оны 22 дугаар тогтоолоор байгуулагдсан Ажлын хэсэг Монгол Улсын Их Хурлын 2024 оны ээлжит сонгуульд оролцох нам, эвслийн баримт бичгийг хүлээн авч, нягтлаад Сонгуулийн ерөнхий хорооны хуралдаанд танилцуулна. Монгол Улсын Их Хурлын сонгуулийн тухай хуулийн 28 дугаар зүйлийн 28.2 дахь хэсэгт зааснаар Сонгуулийн ерөнхий хороо баримт бичгийг хүлээн авснаас хойш тав хоногт багтаан сонгуульд оролцох нам, эвслийг бүртгэх эсэх тухай шийдвэр гаргана.
Бусад
Шведийн хаант улстай соёлын өвийн чиглэлээр хамтран ажиллана
Соёлын яамны төлөөлөгчид Шведийн Хаант Улсын Стокхолм хотод 2024 оны 4 дүгээр сарын 23-25-ны өдрүүдэд ажиллаж Монголын түүхэнд холбогдох олон тооны соёлын өвийн дурсгалууд хадгалагдаж байдаг Угсаатны зүйн музей, Дорно дахины эртний эдлэлийн музей, Уппсалагийн их сургууль зэрэг холбогдох байгууллагын удирдлагуудтай уулзалт зохион байгууллаа. Мөн Монголын холбогдолтой 2000 орчим соёлын өв, дурсгал хадгалагдаж буй Шведийн Хаант Улсын Дэлхийн соёлын музейн дэд захирал Карл Магнуссонтой хоёр талын уулзалт хийлээ.
Уулзалтаар Монгол Улсын Соёлын яамны Соёлын өвийн бодлогын хэрэгжилтийг зохицуулах газрын дарга Б.Даваацэрэн, Дэлхийн соёлын музейн Дэд захирал Карл Магнуссон нар “Хамтран ажиллах тухай Монгол Улсын Чингис Хаан Үндэсний музей болон Шведийн Хаант Улсын Дэлхийн соёлын музей хоорондын санамж бичиг”-т гарын үсэг зурав.
Мөн Шведийн Хаант Улсын Дэлхийн соёлын музейн харьяа Угсаатны зүйн музейд хадгалагдаж буй Ногоон дарь эх, Цагаан дарь эх, Богд Зонхов зэрэг бурхан шашны эд зүйлс болон шашны зан үйлийн зарим үзмэртэй танилцсан бөгөөд талууд санамж бичгийн хүрээнд Монголын түүх, соёлын өвийн талаар судалгаа хийж, каталогчилох, бүртгэлийн сан үүсгэх, мэргэжилтэн солилцох, хамтарсан судалгаа хийх, эрдэм шинжилгээний хурал зохион байгуулах зэргээр хамтын ажиллагааг хөгжүүлэхээр тохиролцов.
Монгол Улсын Соёлын яамны зүгээс гадаадын улс орнуудад хадгалагдаж буй соёлын өв, дурсгалуудыг бүртгэх, судлах, таниулан сурталчлах чиглэлээр сүүлийн жилүүдэд идэвхтэй ажиллан, судалгааны материалуудыг нэгтгэн 12 боть номыг хэвлэн гаргасан бөгөөд цаашид дэлхийн бусад улс орнуудад байгаа Монголын түүх, соёлд холбогдох өвийг судлан тогтоох, бүртгэлжүүлэх, хамтарсан судалгаа, эрдэм шинжилгээний хурал зохион байгуулах чиглэлээр үргэлжлүүлэн ажиллах юм хэмээн Соёлын яамнаас мэдээллээ.
Бусад
Ерөнхий сайд Л.Оюун-Эрдэнэ Бүгд Найрамдах Киргиз Улсын Парламент Жогорку Кенеш-ийн дарга Н.Шакиевт бараалхав
Mонгол Улсын Ерөнхий сайд Л.Оюун-Эрдэнэ Монгол Улсад албан ёсны айлчлал хийж буй Бүгд Найрамдах Киргиз Улсын Парламент Жогорку Кенеш-ийн дарга Нурланбек Шакиевт бараалхлаа.
Ерөнхий сайд Л.Оюун-Эрдэнэ Киргиз Улсын Парламентын даргын түвшинд анх удаа хийж буй уг айлчлалд Монгол Улсын Засгийн газар өндөр ач холбогдол өгч байгааг тэмдэглээд энэхүү айлчлал нь манай хоёр улсын уламжлалт найрсаг харилцааг гүнзгийрүүлэн хөгжүүлэх, хамтын ажиллагааг бүхий л салбарт өргөжүүлэхэд чухал хувь нэмэр оруулна гэдэгт итгэлтэй байгаагаа илэрхийлэв.
Мөн Монгол, Киргизийн найрсаг харилцааг өргөжүүлэн хөгжүүлэх, эдийн засгийн агуулгаар баяжуулах зорилгоор Монгол Улсын Ерөнхий сайдын хувиар 2023 онд Киргиз Улсад анх удаа айлчилсныг дурдаад айлчлалын үр дүнд худалдаа, эдийн засаг, боловсрол, уул уурхай зэрэг салбарын хамтын ажиллагаа өргөжин хөгжиж, тэр дундаа алт цэвэршүүлэх салбарын хамтын ажиллагааны эхлэл тавигдсанд сэтгэл хангалуун буйгаа тэмдэглэлээ.
Уулзалтын үеэр талууд сүүлийн жилүүдэд хоёр улсын харилцаа, хамтын ажиллагаа эрчимжиж, улс төрийн яриа хэлэлцээ, харилцан итгэлцэл идэвхжиж байгааг онцлоод дээд, өндөр түвшний айлчлалын үеэр яригдсан асуудлуудыг бодит ажил хэрэг болгоход хүчин чармайлт гарган нягт хамтран ажиллахаа харилцан нотлов. Түүнчлэн цаашид худалдааны эргэлтийг нэмэгдүүлэх, аялал жуулчлал, боловсрол, хөдөө аж ахуй, уул уурхайн салбарын хамтын ажиллагааг өргөжүүлэх, Монгол, Киргизийн харилцааны бэлгэ тэмдэг, нэрийн хуудас болсон хөдөө аж ахуй, хөнгөн үйлдвэрийн салбарт хамтарсан төсөл хөтөлбөр хэрэгжүүлэх боломжийн талаар ярилцлаа.
-
Улс төр14 цаг өмнө
Төрийн байгуулалтын байнгын хороо долоон асуудлыг хэлэлцлээ
-
Нийгэм14 цаг өмнө
“Хөдөлмөр эрхлэлт 2024” өдөрлөг боллоо
-
Улс төр11 цаг өмнө
“Тэрбум мод” үндэсний хөдөлгөөний хүрээнд 42 сая мод тарьж, 63 сая тарьц, суулгацын нөөц бүрдүүлжээ
-
Энтертайнмент10 цаг өмнө
“Улаанбаатар Арт Вийк-2024” өдөрлөг зохион байгуулагдана
-
Улс төр14 цаг өмнө
Хот, тосгоны эрх зүйн байдлын тухай болон Шинэ Зуунмод хотын эрх зүйн байдлын тухай хуулийн төслийг өргөн мэдүүллээ
-
Нийгэм14 цаг өмнө
“Хэвлэлийн эрх чөлөө БООГДЛОО” цуглаан зохион байгуулна
-
Нийгэм11 цаг өмнө
ТЕГ: Мөнгө угаах гэмт хэргийг илрүүлж, шалган шийдвэрлэлээ
-
Нийгэм7 цаг өмнө
Дорнод, Дарьгангын талд нойтон цас орох бол говийн нутагт 25-30 хэм хүрч хална