Улс төр
Б.Энх-Амгалан сайд 105 хятадын тухай ярьсан уу…
“Гадаад харилцааны сайд Д.Цогтбаатар, Зам тээврийн хөгжлийн сайд Б.Энх-Амгалан нар өчигдөр Хятад улсаас Монгол Улсад суугаа Элчин сайдыг хүлээн авч уулзсан.
Хятадын элчин сайд Цай Вэньруй монгол хэлээр монгол хүнээс ч дутахгүй ярьдагт нь монголчууд ам сайтай, “Монголыг мэддэг хүн” гэж цаанаа л нэг элгэмсүү байдаг. Гэхдээ энэ удаад жаахан таагүй постууд цахим орчинд гарав. Энэ нь Зам тээврийн хөгжлийн сайд Б.Энх-Амгалан уг уулзалтад байсан учраас тийнхүү таагүй постууд орсон бололтой.
Дээрх гурван эрхмийн уулзалтын дараа цахим орчинд:
“За, Зам тээврийн сайд чинь бужигнуулж эхлэх нь байна шүү. Хятадын Элчин сайдтай нөгөө 105 хятадын талаар ярьсан бололтой. Дарханы замыг заавал хятдуудаар бариулах гээд шазайгаад байгаа нөхөр дөө.
-Neeree tegsen bh.Tuunees esgii hiih gazar nohoi hereggui gegcheer ter tend yugaa hiidiin. Bla bla bla
-Цар тахлын үед улс орнууд шуурхай хамтран ажиллах нөхцөлийг бүрдүүлэх зорилгоор… санал солилцлоо, энэ тэр гэцэн байсиймаа.
– Odoo yana vey ana ve
-Darhanvhuudiin amidraliig samarvhaad bgaa eme muugiin said maid gej yu bsiin. Ulun novsh.
-Газраархаа гацаачхаад агаарын зам ч гэх шиг сэвээд…
гэх зэргээр ер нь л сайн юм хэлээгүй байв.
Дарханы зам үлгэрт ийм…
Өнөөдөр ийм байна.
Үнэндээ эл уулзалтаас ард иргэдэд ийм сэтгэгдэл бууж. Бүтэн жилийн турш Дарханчууд болон нийслэлчүүдийн аж амьдралд гай тарьсан гэх энэ хүн өөр ямар асуудлаар Хятадын Элчин сайдтай уулзаа аж дээ гэж байгаа нь төрдөө итгэх ард түмний итгэл алдарсны нэг тод жишээ энэ.
Хашир хүн гэж хаширсан хүнийг хэлнэ гэгчээр цахим орчинд сэтгэгдлээ бичсэн нөхдийн үг бол мянга мянган иргэдийн үг л дээ.
Монгол залуус хэдэн зуугаараа ажилгүй байхад тэднийгээ ажиллуулж Монголдоо хөрөнгө оруулалт хийх байтал хятад ажилчдаар зам бариулж Монголын мөнгийг гадагш нь урсгах гэж буйд монгол хүн, монгол залуус дургүйцэх нь зүйн хэрэг.
Уг нь өчигдрийн Элчин сайдыг хүлээн авч уулзаад “Монгол Хятадын худалдаа, эдийн засгийн хамтын ажиллагаанд тулгарч буй сөрөг нөлөөг бууруулах, худалдааны эргэлтийг 10 тэрбум ам. долларт хүргэхийн тулд цаашид илүү нягт уялдаатай хамтран ажиллаж, нүүрсний худалдааг хэвийн хэмжээнд явуулах бүхий л бололцоотой арга хэмжээг авч ажиллана гэж тохиролцсон” гэж байгаа.
Гэхдээ ард иргэд эрхэм сайдыг хардсан ч байж мэднэ. Тэдэнд хардах эрх бий…
Улс төр
Монгол Улсын Засгийн газар, НҮБ-ын хамтарсан удирдах хорооны хуралдаан болов
Монгол Улсын Засгийн газар-Нэгдсэн Үндэстний Байгууллага (НҮБ)-ын Хамтарсан удирдах хорооны өргөтгөсөн хуралдаан өчигдөр Гадаад харилцааны яаманд болов.
Хамтарсан удирдах хорооны хуралдааныг Гадаад харилцааны яамны Төрийн нарийн бичгийн дарга Н.Анхбаяр, Эдийн засаг, хөгжлийн яамны Төрийн нарийн бичгийн дарга И.Батхүү, НҮБ-ын Суурин зохицуулагч Т.Мишра нар хамтран даргалж, хуралдаанд тус хорооны гишүүдээс гадна манай улсын хөгжлийн түншүүдийн төлөөлөл урилгаар оролцов.
Хуралдаанаар “Тогтвортой хөгжлийн хамтын ажиллагааны хүрээ 2023-2027” баримт бичгийн 2023 оны хэрэгжилт, хүрсэн үр дүн, тулгарч буй бэрхшээл, 2024 оны ажлын төлөвлөгөө, хамтран хэрэгцүүлэх үйл ажиллагаа, цаашид анхаарах асуудлын талаар хэлэлцэж, гишүүд, оролцогчид байр сууриа илэрхийлэв.
Монгол-НҮБ-ын тогтвортой хөгжлийн хамтын ажиллагааны хүрээнд 2023 онд хүний хөгжил, сайн сайхан байдлыг хангах, ногоон, хүртээмжтэй, тогтвортой өсөлтийг дэмжих, хүн төвтэй засаглал, эрх зүйт ёс, хүний эрхийг дээдлэх гэсэн үндсэн чиглэлүүдийн хүрээнд 51,5 сая ам.долларын санхүүжилт бүхий 158 төсөл, хөтөлбөрийг хэрэгжүүлсэн байна.
Хуралдааны үеэр хамтарсан хорооны гишүүд “Тогтвортой хөгжлийн хамтын ажиллагааны хүрээ” баримт бичгийн хүрээнд 2024 онд анхаарч ажиллах тэргүүлэх чиглэлүүд, хамтран хэрэгжүүлэх төсөл, хөтөлбөрийн талаарх саналыг хэлэлцэж, Монгол Улсын хөгжлийн бодлого, чиглэл, хэрэгцээ шаардлагад нийцсэн, үр өгөөжтэй төсөл хөтөлбөр хэрэгжүүлэхдээ НҮБ-ын системийн байгууллагууд үйл ажиллагаа, нөөц санхүүгээ илүү уялдуулж ажиллахыг зөвлөмж болгов.
Улс төр
Монгол Улсын иргэд 8-аас доош суудалтай машинаар Шинжааны хилийн боомтуудаар нэвтрэх асуудлаар санал солилцов
Зам, тээврийн хөгжлийн сайд С.Бямбацогт БНХАУ-ын Шинжаан Уйгурын өөртөө засах оронд ажлын айлчлал хийж байна.
Энэ үеэр БНХАУ-ын Улс төрийн товчооны гишүүн, Шинжаан Уйгурын өөртөө засах орны намын дарга Ма Шинь Руйтэй уулзаж тодорхой чиглэлээр хамтран ажиллах талаар санал солилцлоо.
Тухайлбал;
-Монгол Улсын иргэд 8-аас доош суудалтай машинаар Шинжааны хилийн боомтуудаар нэвтрэх
-Булган Ярант боомтуудын хүчин чадлыг нэмэгдүүлж Байтаг, Бургастай, Даян боомтыг байнгын ажиллагаатай болгох
-Баруун бүсийн арьс шир, ноос ноолуур, дайвар бүтээгдэхүүний үйлдвэрт Шинжааны хөрөнгө оруулалтыг татах
-Өрөмч хотод хуурай боомт байгуулсан туршлага дээр үндэслэн Ховд хуурай боомт байгуулах чиглэлээр хамтран ажиллах
-Баруун бүсийн аймгууд, Шинжаан муж болон хоёр талын хил, гааль, боомтын хамтын ажиллагааны байнгын механизмтай болох
-Агаарын Цээл хаалгыг нээж Харбин, Манжуураас Монгол Улсын нутаг дэвсгэр дээгүүр нислэг үйлдэн Өрөмч орох агаарын шинэ зам нээх, Ховд Өрөмч, Өрөмч Улаанбаатар чиглэлийн нислэг нээх
-Нүүрс тээвэрлэн Такашикен боомтод хүргэж байгаа жолооч нарын эрх ашгийг хамгаалах чиглэлээр хамтран ажиллахаар тогтлоо гэж Зам, тээврийн хөгжлийн яамнаас мэдээллээ.
Улс төр
Дотоодын цэрэг өндөр чадвартай хөдөлгөөнт хүчинтэй болно
Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх Дотоодын цэргийн байгууллагад ажиллалаа.
Үндэсний аюулгүй байдлыг сахин хамгаалах, төр, нийгэм, иргэний аюулгүй байдлыг хангах үүргээ нэр төртэй гүйцэтгэж байгаа Дотоодын цэргийн нийт бие бүрэлдэхүүнд талархал илэрхийлж, амжилт хүсэн ерөөв.
Цаашид улс орны аль ч хэсэгт түргэн шуурхай хүрч, сөрөг тусгай ажиллагаанд оролцох, гэмт хэргийг таслан зогсоох, нийгмийн дэг журам сахиулах, гамшиг ослын үед авран хамгаалах ажиллагаанд дэмжлэг үзүүлэх өндөр чадвартай Дотоодын цэргийн хөдөлгөөнт хүчин байгуулж, бэхжүүлэх нь зүйтэй гэж үздэгээ хэлэв.
Энэ хүрээнд тулгамдсан асуудлуудаа цаг алдалгүй шийдвэрлэж, дэлхийн жижигт нийцсэн чадварлаг, мэргэшсэн дотоодын цэргийг хөгжүүлэх, төрийн цэргийн байгууллага, алба хаагчдын нэр хүндийг өндөрт өргөж байх чиглэлээр улам хичээн ажиллахыг удирдлагуудад нь үүрэг болголоо.
Алба хаагчид мэдлэг, ур чадвар, албаны бэлэн байдал, бие бялдар, сэтгэл зүйн бэлтгэлээ тогтмол дээшлүүлж, ёс зүйг эрхэмлэн, авлига, ашиг сонирхлын зөрчлөөс ангид байна гэдэгт итгэлтэй байгаагаа илэрхийлэв.
Эдүгээ Дотоодын цэрэг нийслэл, 13 аймагт салбар, нэгжтэй бөгөөд улсын онц чухал объект зэргийн аюулгүй байдлыг хариуцаж байна.
-
Нийгэм23 цаг өмнө
Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж байна
-
Улс төр22 цаг өмнө
Дотоодын цэрэг өндөр чадвартай хөдөлгөөнт хүчинтэй болно
-
Нийгэм3 цаг өмнө
“Шувуу” ажиллагааны хүрээнд эрэн сурвалжлагдаж байсан этгээдийг баривчиллаа
-
Нийгэм3 цаг өмнө
2030 он гэхэд зам, тээврийн ослын хохирогчдын тоог 2 дахин бууруулах зорилт дэвшүүлжээ
-
Улс төр3 цаг өмнө
Монгол Улсын иргэд 8-аас доош суудалтай машинаар Шинжааны хилийн боомтуудаар нэвтрэх асуудлаар санал солилцов
-
Улс төр3 цаг өмнө
Монгол Улсын Засгийн газар, НҮБ-ын хамтарсан удирдах хорооны хуралдаан болов