Нийгэм
“Магнит Импорт” компанийн хуурай хольцын үйлдвэрийг нүүлгэн шилжүүлнэ

Хан-Уул дүүргийн 3 дугаар хорооны нутаг дэвсгэрт үйл ажиллагаа явуулж байгаа “Магнит Импорт” компанийн хуурай хольцын үйлдвэрийн талаар иргэдээс ирүүлсэн гомдлын дагуу өнөөдөр нийслэлийн Хяналт шалгалтын газар болон холбогдох бусад албаныхан байршил дээр нь ажиллалаа. Тус үйлдвэр орон сууцны бүсэд байрладаг. Ойр орчимдоо дуу чимээ, тоос шорооны бохирдол ихээр үүсгэж байгаа учир зөрчилд үндэслэн нүүлгэн шилжүүлэх арга хэмжээ авахаар боллоо.
Энэ үеэр нийслэлийн Хяналт шалгалтын газрын дарга С.Энхбаяр “НХШГ-аас гаргасан удирдамжийн дагуу нийслэлийн Хот байгуулалт, хотын стандартын газар, нийслэлийн Байгаль орчны газар, нийслэлийн Хөдөлмөр, халамжийн газраас хамтран иргэдээс ирсэн гомдолд үндэслэн хяналт шалгалт хийж байна. Шалгалтаар тус бүсэд хуурай хольцын үйлдвэрлэл явуулж буй “Магнит Импорт” компанийн үйл ажиллагаа орон сууцны бүсэд нийцэхгүй байгааг тогтоолоо. 2016 оны НИТХ-ын тогтоолоор тус бүсийг орон сууцны зориулалттай байхаар баталсан тул уг үйлдвэрийг нүүлгэн шилжүүлэх арга хэмжээг зайлшгүй авна. Тухайн үйлдвэрийн үйл ажиллагаанаас үүдэлтэйгээр тоосжилт ихэсч, ойр орчмын оршин суугчдын амьдрах орчинд сөрөг нөлөө үзүүлж байна. Шалгалтын дүнг НХШГ-ын Зөвлөлийн хуралдаанаар хэлэлцэж, нийслэлийн Засаг даргад танилцуулах бөгөөд уг үйлдвэрийг зохих бүсэд шилжүүлэхэд дэмжлэг үзүүлэх талаар шийдвэр гаргахаар ажиллана” гэв.
“Магнит Импорт” компанийн хуурай хольцын үйлдвэр нь 2023 онд Хот байгуулалт, хотын стандартын газраас долоон давхар үйлчилгээний зориулалттай орон сууц барих зөвшөөрөл авсан. Гэсэн хэдий ч зөвшөөрлийг зориулалтын бусаар ашиглах буюу үйлдвэрлэлийн үйл ажиллагаа явуулж байгаа нь тогтоогдсон байна. Цаашид тухайн байршилд зөвхөн үйлчилгээний орон сууц барих зөвшөөрөл олгох юм.

Нийгэм
Онлайн худалдаа хийх нэрийдлээр иргэдийг залилж байна

Онлайн худалдаа өргөжиж байгаа энэ үед иргэдийн эрэлт хэрэгцээнд тулгуурлан залилан мэхлэх тохиолдол цөөнгүй бүртгэгдэж байна. Тодруулбал, Иргэд фэйсбүүк сүлжээгээр дамжуулан онлайн дэлгүүрээр бараа бүтээгдэхүүн худалдан авахдаа төлбөрөө бүрэн шилжүүлснээр тухайн гэмт хэргийн хохирогч болсоор байна.
Тодруулбал өнгөрсөн 1 хоногийн хугацаанд цагдаагийн байгууллагад энэ төрлийн гомдол мэдээлэл 12 бүртгэгдсэн.
Дархан-Уул аймгийн нутаг дэвсгэрт онлайн шопоос бараа материал худалдаж авахаар 700,000 төгрөг шилжүүлээд залилуулсан, Сонгинохайрхан дүүргийн нутаг дэвсгэрт онлайн шопоос гутлын тавиур худалдаж авахаар 490,000 төгрөг шилжүүлж залилуулсан мөн олон нийтийн цахим сүлжээ болох фейсбүүкээр хөргөлтийн контенер худалдаж авахаар 2.400.000 төгрөгийг шилжүүлж залилуулсан гэх гомдол мэдээллүүдийг бүртгэлд авч, шалгалтын ажиллагааг явуулж байна.
Залилах гэмт хэрэгт өртөж байгаа шалтгаан нөхцөл нь залилагч таны хэрэгцээ шаардлагад тулгуурлаж, танд хамгийн таатай нөхцөл, зах зээлийн үнээс доогуур хямд үнийг санал болгож залилах гэмт хэргийг үйлдэж байгаа тул иргэд та бүхэн цахим орчинд тэр дундаа онлайн дэлгүүрээс бараа бүтээгдэхүүн худалдаж авахдаа төлбөрөө бүрэн шилжүүлэхгүй байх мөн энэ төрлийн залилах гэмт хэргийн арга, төрөл нарийсаж байгаа учир мэдээллээ сайтар нягтлахыг цагдаагийн байгууллагаас сэрэмжлүүлж байна.
Нийгэм
Экстрем спортын талбай байгууллаа

Баянзүрх дүүргийн 10 дугаар хороонд экстрем спортын талбай тохижуулж дууслаа. Тус бүтээн байгуулалтад экстрем спортын талбай, авто синема, задгай тайз, элсний волейбол, хүүхдийн тоглоомын талбай, гэрэлт гудамж, худалдааны гудамж, явган болон дугуйн зам, дугуй түрээсийн талбай, ногоон байгууламж, чийрэгжүүлэлтийн талбай, 3х3 сагсан бөмбөгийн талбай болон болон бусад тохижилтыг хийлээ. Мөн дээрх экстрем спортын талбайд тэшүүрийн хэсгийг байгуулна.
Нийгэм
Нөөцийн махны өргөтгөсөн худалдаа болно

Энэ амралтын өдрүүдэд 9 дүүргийн 32 байршилд нөөцийн махны өргөтгөсөн худалдаа зохион байгуулна. Хонины махыг гулуузаар, 1 кг нь 11800 төгрөгөөр худалдан борлуулна.
-
Нийгэм13 цаг өмнө
Онлайн худалдаа хийх нэрийдлээр иргэдийг залилж байна
-
Нийгэм16 цаг өмнө
Жендэрт суурилсан хүчирхийлэлтэй тэмцэх төсөлд хамтран ажиллана
-
Нийгэм17 цаг өмнө
ОХУ-ын “Эконива” компанийн төлөөлөлтэй уулзлаа
-
Нийгэм13 цаг өмнө
Нөөцийн махны өргөтгөсөн худалдаа болно
-
Нийгэм17 цаг өмнө
Т.Мөнхсайхан: Эмч нарын нэр төр цаашлаад биед халдах байдал газар авч эхэлснийг хуулиар зохицуулдаг болно
-
Нийгэм17 цаг өмнө
Төрийн албаны шинэчлэлийг эрчимжүүлнэ
-
Нийгэм19 цаг өмнө
ХӨСҮТ: Улаанбурхан өвчний батлагдсан тохиолдол 328 болжээ
-
Нийгэм19 цаг өмнө