Нийгэм

Афганистаныг зорьсон бие бүрэлдэхүүнд манай улсаас анх удаа эмэгтэй алба хаагчид оролцжээ.

Нийтэлсэн

6 жил өмнө

2019-06-19

Нийтэлч

Афганистанд явагдаж байгаа Умард атлантын гэрээний байгууллагын тэргүүлсэн “Шийдвэртэй дэмжлэг” ажиллагаанд оролцохоор 9-р ээлжний алба хаагчид өнгөрсөн оны 12-р сард Исламын Бүгд Найрамдах Афганистан улсыг зорьсон. Зургаан сарын хугацаанд үүргээ гүйцэтгээд ирсэн эдгээр алба хаагч эх орондоо энэ сарын 15-нд ирсэн юм.

Халдлага дайралт ихтэй, цагийн байдал хүнд хэцүү цагт манай улсын цэргийн баг аюулгүй байдлыг хангаж, хүлээсэн үүргээ нэр төртэй биелүүлснийг салбарынхан сайшаан магтаж байна. Бие бүрэлдэхүүнийг өнөөдөр ЗХЖШ-ын жагсаалын талбайд шагнаж, урамшууллаа.

ЗХ-ий 330-р ангийн салааны захирагчийн орлогч, сургагч ахлагч З. Эрхэмбаярыг “Цэргийн гавъяаны одон”-оор, ЗХ-ний 120-р ангийн захирагчийн нэгдүгээр орлогч, штабын дарга, дэд хурандаа Б. Даваа-Очир, ЗХ-ий 284-р ангийн барзүйн хөдөлгөөнт тасгийн дарга, хошууч Б. Хулангоо, тус ангийн механик жолооч ахлах ахлагч Ц. Нэргүй нарын алба хаагчдыг Цэргийн хүндэт медаль, Энхийн төлөө медаль, Хүндэт жуух бичиг, Дайчин алдар медалиар тус тус шагналаа. Зарим алба хаагчийг эх орны төлөө, дайчин алдар медалиар, Афганистанд энхий төлөө тэмдгээр шагнасан юм.

Афганистаныг зорьсон бие бүрэлдэхүүнд манай улсаас анх удаа эмэгтэй алба хаагчид оролцжээ.

Монгол улсын цэргийн багийн 9-р ээлжийн бие бүрэлдэхүүн үүргээ нэр төртэй биелүүлж чадсаныг энэ үеэр сайшаан магтаж байсан юм. Нийт 120-иод цэргийн алба хаагчийг шагнаж урамшууллаа.

Сэдвүүд:

Дэлгэрэнгүй ...

Сэтгэгдэл үлдээх

Нийгэм

Сэлэнгэ аймгийн Сант суманд цэргийн анги байгуулна

Нийтэлсэн

13 цаг өмнө

2025-05-01

Нийтэлч

24barimt

Батлан хамгаалахын сайд С.Бямбацогт Сэлэнгэ аймгийн Сант суманд ажиллалаа.

Энэ үеэр Сант сумын төв хэсэгт 1980 онд баригдаж, 2015 оноос хойш ашиглагдахаа больсон Хөдөө аж ахуйн техник мэргэжлийн сургуулийн хуучин барилгын одоогийн нөхцөл байдалтай танилцлаа.

Сүүлийн 30 гаруй жилийн хугацаанд огт ашиглагдаагүй, орхигдсон дээрх сургуулийн барилгыг сэргээн засварлан барилгын цэргийн анги, ахлагчийн сургууль байгуулахаар шийдвэрлэлээ.

Улаанбаатар хотын төвлөрлийг сааруулах, хөдөө орон нутагт ажлын байр бий болгох, орон нутгийн давуу тал, онцлогт түшиглэн газар тариалан эрхлэх боломжид дэмжлэг үзүүлэхэд Зэвсэгт хүчин хүч нэмж, орон нутгийн иргэдтэй хамтран ажиллахаар боллоо гэж Монгол Улсын Батлан хамгаалах яамнаас мэдээллээ.

Дэлгэрэнгүй ...

Нийгэм

Сэлэнгэ аймгийн Ерөө сум дахь түймрийн голомтод салхитай байна

Нийтэлсэн

13 цаг өмнө

2025-05-01

Нийтэлч

24barimt

2025 он гарсаар улсын хэмжээнд 12 аймгийн 55 сум, нийслэлийн 2 дүүрэгт, нийт 80 удаагийн ой, хээрийн гал түймэр бүртгэгдсэн. 2025 оны 05 дугаар сарын 01-ны өдрийн байдлаар Сэлэнгэ аймгийн Цагааннуур, Зүүнбүрэн, Ерөө, Түшиг сумдад гарсан 4 ой, хээрийн гал түймрийг унтраахаар Онцгой байдлын байгууллагын нийт 261 алба хаагч, 24 автомашин, хоёр нисдэг тэрэг, орон нутгийн мэргэжлийн ангиас 343 хүн, 67 автомашин, буюу түймрийн голомтод нийт 605 хүн, 91 автомашин, хоёр нисдэг тэрэгтэй ажиллаж байна.
ОБЕГ-ын дарга, хошууч генерал Г.Ариунбуян Сэлэнгэ аймагт гарсан ойн түймрийн голомтод унтраах ажиллагааг удирдлага, зохион байгуулалтаар ханган ажиллаж байна. Сэлэнгэ аймгийн Ерөө сум Буурагчин 2 дугаар баг “Хан-Хэнтий” тусгай хамгаалалт бүхий нутаг дэвсгэр “Майн-Зоо” гэдэг газар 2025.04.29-ны өдрийн 10:40 цагт ойн түймэр гарч, түймрийг унтраахаар Сэлэнгэ аймгийн Мандал сумын Онцгой байдлын хэлтсийн дарга, дэд хурандаа Э.Энхбаяраар ахлуулсан Онцгой байдлын байгууллагын нийт алба хаагчид, мэргэжлийн анги, нутгийн иргэд ажиллаж байна.
Нэмэлтээр нийслэлийн Онцгой байдлын газраас дэд хурандаа Э.Буянтогтохоор ахлуулсан алба хаагчдыг 2025.05.01-ны өдрийн хоёр нисдэг тэргээр түймрийн голомтод хүргэж, унтраах ажиллагааг зохион байгуулан ажиллаж байна.
Түймэрт урьдчилсан байдлаар 1897 га талбай өртсөн.
Сэлэнгэ аймгийн Ерөө сум дахь түймрийн голомтод салхитай байгаа тухай мэдээлэл ирүүллээ.

Дэлгэрэнгүй ...

Нийгэм

Монгол мэргэжилтнүүд Бутан Улсад гутлын сургалт зохион байгуулав

Нийтэлсэн

16 цаг өмнө

2025-05-01

Нийтэлч

24barimt

Бутан Улсын Цог Жавхлант Хаан Жигмэ Гэсэр Намжил Ванчукийн урилгаар Монгол Улсын “Хос Аз” ХХК-ийн мэргэжилтнүүд тус улсад үндэсний гутал урлах сургалт зохион байгуулжээ.

“Хос Аз” ХХК-ийн бүтээгдэхүүн хөгжүүлэлтийн захирал З.Ананд, загвар зохион бүтээгч Б.Ахмарал, технологич инженер Б.Бэхбат нар тус улсын үндэсний уламжлалт гутал болох “цоглам” гутлын загвар, технологийг сайжруулан боловсруулжээ. Улмаар Бутан Улсын залуучуудад “цоглам” гутал урлах тусгай сургалтыг нийслэл Тимпү хотод 2025 оны дөрөвдүгээр сарын 14-28-ны өдрүүдэд зохион байгуулсан байна.

Сургалтаар гутлын технологи заахаас гадна, загварын шийдэл, машин тоног төхөөрөмжүүд дээр ажиллах зарчим, гутал үйлдвэрлэлийн дамжлага дарааллыг эзэмшүүлэн, орчин үеийн хэрэглээнд нийцүүлэх боломжуудыг танилцуулжээ. Монгол мэргэжилтнүүд Бутан Улсын залуучуудад гутлын сургалт явуулж, мэргэжлийн гэрчилгээ олгосны зэрэгцээ цаашид олон чиглэлээр хамтран ажиллах талаар харилцан тохиролцсон байна.

Сургалтыг зохион байгуулагчдын зүгээс энэхүү арга хэмжээ нь зөвхөн мэдлэг, туршлага хуваалцахаар зогсохгүй хоёр орны соёлын гүүр болж, үндэсний өвийг хадгалах, түгээн дэлгэрүүлэх үйлсэд үнэтэй хувь нэмэр оруулж буйг онцолсон байна.

Дэлгэрэнгүй ...