Нийгэм

2019 оноос 23 төрлийн лавлагааг төлбөртэй авна

Нийтэлсэн

6 жил өмнө

2018-11-30

Нийтэлч

-21 аймаг, есөн дүүргийн эд хөрөнгийн эрхийн бүртгэлийг 100% цахимжуулж дууслаа-

Засгийн газраас Дэлхийн банкны хөнгөлөлттэй зээлийн хөрөнгөөр хэрэгжүүлж буй “Ухаалаг засаг” төслийн хүрээнд Эд хөрөнгийн эрхийн улсын бүртгэлийн цахим системийг 100 хувь нэвтрүүлж дуусаад өнөөдөр хүлээлгэн өглөө.

Өмнө нь найман аймгийн бүртгэлийг цахимжуулж байсан бол 2015-2018 онд үлдсэн 11 аймаг, есөн дүүргийн эд хөрөнгийн эрхийн бүртгэлийн зургаан сая гаруй цаасан нотлох баримтыг бүрэн цахимжуулж, тоног төхөөрөмжөөр хангаж, чадавхыг бэхжүүлж, цахим системийг хөгжүүлэх ажлуудыг амжилттай нэвтрүүлж дуусаад байна.

Ингэснээр иргэд эд хөрөнгийн эрхийн бүртгэлтэй холбоотой лавлагаа авах хүсэлт гаргаад гурав хоногийн дараа авдаг байсан бол одоо харьяалал харгалзахгүйгээр 30 секундэд авах боломж бүрдэж байгаа юм.

Энэ талаар Монгол Улс дахь Дэлхийн банкны суурин төлөөлөгчийн үүрэг гүйцэтгэгч, ахлах эдийн засагч Жон-Паскаль Н.Нгану “Энэ төслийн үр ашиг нь засаглалыг сайжруулахаас гадна бизнесийнхэнд өгөөжөө өгнө гэж харж байгаа. Бизнесийн орчныг илүү сайжруулна. Дэлхийн банкны Монгол Улсад баримталж буй стратеги хувийн хэвшилд суурилсан эдийн засгийн өсөлтийг дэмжих. Энэ бодлогод нийцэж байгаа төсөл юм. Эд хөрөнгийн албан ёсны бүртгэл бий болж, давхардал арилна, иргэд шинээр эд хөрөнгө бүртгүүлэх, шилжүүлэх ажил хялбар болно. Зээл авахад ч гэсэн лавлагаа хялбар, шуурхай авах боломж бүрдэж байгаа нь санхүүгийн хувьд ч үр ашигтай гэж харж байгаа.

Хоёр жилийн өмнө Дэлхийн банкнаас Дижитал үр өгөөж гэсэн тайлан гаргасан. Дижитал хувьслыг бүх иргэнд тэгш, хүртээмжтэй хүргэх нь ядуурлыг бууруулах, тэгш бус байдлыг арилгахад үр өгөөжтэй учраас энэ төсөл ч мөн үр дүнгээ өгөн гэж найдаж байна” гэсэн юм.

Эд хөрөнгийн эрхийн улсын бүртгэлийн цахим систем төслийн хүрээнд burtgel.gov.mn цахим хуудас арваннэгдүгээр сарын 1-нээс ашиглалтад орсон. Энэхүү цахим хуудсаар 10 төрлийн лавлагааг авах боломжтой байсан бол 23 болж нэмэгдээд байгаа. Эдгээр лавлагааг Улсын бүртгэлийн ерөнхий хуулийн дагуу 2019 оны нэгдүгээр сарын 1-нээс төлбөртэй олгох талаар УБЕГ-ын дарга Б.Баасандорж ярилаа. Тэрбээр “Лавлагааг хэдэн төгрөгөөр олгох үнийг Засгийн газрын тогтоолоор тогтооно. Энэхүү бүргтгэлийн цахим систем нэвтэрснээр иргэд харьяалал харгалзахгүйгээр лавлагааг маш шуурхай авах боломж бүрдэж байгаа” гэлээ.

Сэдвүүд:

Дэлгэрэнгүй ...

Сэтгэгдэл үлдээх

Нийгэм

О.Алтангэрэл: Шаардлага хангасан дээд боловсролтой залуус хоёр жилийн хөтөлбөрт хамрагдаж офицер болох боломжтой

Нийтэлсэн

3 цаг өмнө

2024-11-22

Нийтэлч

24barimt

Хууль зүй, дотоод хэргийн сайд О.Алтангэрэлийн санаачилгаар ДХИС-ийн хэрэгжүүлж буй “Мэргэшүүлэх хоёр жилийн сургалтын хөтөлбөр”-ийг Монгол Улсын Их Сургуулийн оюутнуудад танилцууллаа.

Тухайн хөтөлбөр нь бусад мэргэжлээр их, дээд сургууль төгссөн залуусыг богино хугацааны сургалтад хамруулж, цагдаагийн байгууллагад ажиллах мэдлэг, ур чадвар олгох зорилготой бөгөөд төгсөгчид 100 хувь ажлын байраар хангагдах боломжтой.

2019-2024 онд нийт 154 сонсогч төрд тангараг өргөж, цагдаагийн байгууллагын офицер бүрэлдэхүүнд үүрэг гүйцэтгэж байна.

Мэргэшүүлэх хөтөлбөрт хамрагдах сонирхолтой иргэдэд эрүүл мэнд болон боловсролын хоёр шалгуур тавих бөгөөд тус хөтөлбөрт хамрагдсанаар:

• Мэргэжлийн тусгай мэдлэг бүхий мэргэжил эзэмшинэ.

• Сонсогчоор суралцсан хугацааг төрийн албанд ажилласанд тооцно.

• Сургалтын болон дүрэмт хувцсаар хангана.

• Сурч байх хугацаанд цолны цалин, нийгмийн даатгал төлөгдөнө.

• Цэргийн алба хаасанд тооцох гэх мэт олон давуу тал бий.

Цаашид “Мэргэшүүлэх хоёр жилийн сургалтын хөтөлбөр”-ийг бүх их, дээд сургуулийн оюутнуудад танилцуулах өдөрлөг зохион байгуулахаар төлөвлөж байна.

Хууль зүй, дотоод хэргийн сайд О.Алтангэрэл оюутнуудад хандан “Цагдаагийн байгууллагад ажиллах сонирхолтой ч өөр мэргэжил сонгосон, давхар мэргэжил эзэмших хүсэлтэй залууст шинэ боломж бий болголоо. Залуусыг төр, ард түмний төлөө офицер бүрэлдэхүүнд хүчин зүтгэхийг уриалж байна” гэсэн юм гэж Хууль зүй, дотоод хэргийн яамнаас мэдээллээ.

Дэлгэрэнгүй ...

Нийгэм

“Мэргэжлийн ангийн дүрэм”-ийг баталж, захиргааны хэм хэмжээний актад бүртгүүллээ

Нийтэлсэн

3 цаг өмнө

2024-11-22

Нийтэлч

24barimt

ОБЕГ-ын даргын 2024 оны 11 дүгээр сарын 1-ний өдрийн А/379 дүгээр тушаалаар “Мэргэжлийн ангийн дүрэм”-ийг баталж, захиргааны хэм хэмжээний актад бүртгүүллээ.

Гамшгийн аюулаас урьдчилан сэргийлэх, гамшгийн голомтод эрэн хайх, аврах, хор уршгийг арилгах, эмнэлгийн болон хүмүүнлэгийн тусламж үзүүлэх, хойшлуулшгүй сэргээн босгох ажиллагаанд дэмжлэг үзүүлэх чиг үүрэг бүхий мэргэжлийн ангийн үйл ажиллагаатай холбогдсон харилцааг энэхүү дүрмээр зохицуулах юм.

Мөн мэргэжлийн ангийн үүрэг, бүтэц зохион байгуулалт, сургалт, бэлтгэл, бэлэн байдлыг хангуулах зорилготой. Энэхүү дүрэм нь гамшгаас хамгаалах үйл ажиллагаанд дэмжлэг үзүүлэх гамшгаас хамгаалах алба, засаг захиргаа, нутаг дэвсгэрийн нэгж, төрийн болон нутгийн захиргааны байгууллага, хуулийн этгээдийн дэргэд байгуулсан Мэргэжлийн ангийн үйл ажиллагаанд хамаарна гэж ОБЕГ-аас мэдээллээ.

Дэлгэрэнгүй ...

Нийгэм

Хөвсгөл аймгийн Ханх суманд газар хөдөллөө

Нийтэлсэн

1 өдөр өмнө

2024-11-21

Нийтэлч

24barimt

Хөвсгөл аймгийн Ханх сумын төвөөс баруун урд зүгт 42 км зайд өчигдөр буюу арваннэгдүгээр сарын 20-нд 21:50 цагт газар хөдөллөө. Газар хөдлөлтийн хүч нь 3.2 магнитуд хүчтэй байсан гэж Хөвсгөл Онцгой байдлын газраас мэдээллээ.

Дашрамд дурдахад өнгөрсөн онд 77 мянган газар хөдлөлт бүртгэгдсэн бөгөөд 1000 орчим газар хөдлөлт нь Улаанбаатар хотын ойролцоо бүртгэгджээ. Мөн хүнд мэдрэгдэх газар хөдлөлт нь нийт долоон удаа бүртгэгдэж байжээ.