Оюуны өмч улсын Бүртгэлийн Ерөнхий Газрын “Эрхзүйн шинэчлэл” зорилт, төрөөс өмчлөх эрхийг баталгаажуулж эхэлсний 20 жилийн ойн хүрээнд Хан-уул дүүргийн Улсын Бүртгэлийн Хэлтсээс нутаг дэвсгэрийн байгууллага, аж ахуйн нэгж, иргэд, олон нийтэд улсын бүртгэлийн үйл ажиллагааг сурталчлан таниулах, иргэдэд хууль эрхзүйн мэдлэг, мэдээлэл хүргэх, улсын бүртгэлийн зөрчлийг арилгах, өмчлөх эрхийг бүртгэж баталгаажуулах, байгууллагын чиг үүрэг, зорилго зорилт, улсын бүртгэлийн ач холбогдлыг таниулах зорилгоор 2017 оны 1-р сарын 27-ны өдөр “Нээлттэй хаалга өдөр”- арга хэмжээг зохион байгуулав.

Уг арга хэмжээний хүрээнд төлөвлөгөө боловсруулан гаргаж, төлөвлөгөөний дагуу дараах ажлуудыг хийж гүйцэтгэв. Үүнд:

1. Үйлчилгээний танхимыг “Нээлттэй хаалганы өдөр” бүхий анонс, банер, хүндэтгэлийн шаараар чимэглэж тохижуулснаас гадна “Гараас гарт” үйлчилгээнд нийцүүлэн хүлээн авах, олгох цонхыг үйлчилгээний танхимд бүртгэгч нарт ойртуулан байрлуулсан.
2. Цахим дэлгэцээр хэлтсийн 2016 оны тайлан, улсын бүртгэлийн талаарх мэдээ, мэдээллийн материалыг бэлтгэж, иргэдэд сурталчлан таниулсан ба эд хөрөнгө, иргэний улсын бүртгэлийн талаарх гарын авлага тараах материал 580 ширхэгийг бэлтгэж иргэдэд тараалаа.
3. Эд хөрөнгийн эрхийн бүртгэлийн чиглэлээр “Гараас гарт” үйлчилгээг хэрэгжүүлэн нийт 117 бүртгэлийг шуурхай /10-20 минутанд/ бүртгэж иргэдийн гар дээр хүргэсэн. Үүнд:
   • Анхны бүртгэл – 35
   • Худалдах худалдан авах гэрээ – 12
   • Барьцааны гэрээ – 21
   • Лавлагаа – 18
   • Барьцааны гэрээ дуусгавар – 25
   • Хуулбар – 3
   • Хөрөнгөтэй эсэх лавлагаа – 1
   • Үрэгдүүлсэн мэдүүлэг – 1
   • Урьдчилсан тэмдэглэгээ – 1
4. Мөн иргэний бүртгэлийн чиглэлээр гадаад паспорт болон хоёрдогч бүртгэлээр /эцэг тогтоолт, гэрлэлт цуцлалт, төрөлт гэх мэт/ нийт 70 бүртгэлийг “Гараас гарт” үйлчилгээг хэрэгжүүлж /10-20 минутанд/ бүртгэж үйлчлэв.
5. Иргэдэд төр-иргэний хоорондын харилцааг бэхжүүлэх, иргэдээс улсын бүртгэлд хүндэтгэлтэй хандах хандлагыг бий болгох үүднээс улсын бүртгэлийн гэрчилгээг ёслол хүндэтгэлтэй гардуулах үйл ажиллагааг зохион байгуулав. Үүнд: Үл хөдлөх эд хөрөнгө өмчлөх эрхийн Ү-2206050000 дахь дугаар олгогдсон иргэн Б.Ганзулд Улсын бүртгэлийн гэрчилгээ, батламж, үнэс бүхий зүйл, тус дүүргийн 399 дахь төрсний бүртгэлд төрсний гэрчилгээ, батламж бүхий “Гэрэгэ”, үнэ бүхий дурсгалын зүйлийг ОӨУБЕГ-ын ЭХЭБГ-ын дарга Д.Батболд, Хан-уул дүүргийн Засаг дарга Алдаржавхлан, Иргэдийн Төлөөлөгчдийн Хурлын дарга Цэрэн тэргүүтэй удирдлагууд ёслол хүндэтгэлтэйгээр гардууллаа.
6. Тус дүүргийн өрх толгойлсон эцэг болох иргэн Доржбаатарын Баасандоржийн 13-9 насны 2 хүүхэд эхээр овоглож байсныг эцэг тогтоосны бүртгэлд үнэ төлбөргүй бүртгэж, нийгмийн халамжинд хамрагдах нөхцлийг бүрдүүлж ажиллав.
7. “Нээлттэй хаалга өдөр”- арга хэмжээний хүрээнд олон нийтийн хэвлэл мэдээллийн хэрэгслээр мэдээлэх арга хэмжээг “ТV-5” телевиз, Монголын Үндэсний олон нийтийн радиотай хамтран зохион байгуулж ярилцлага, сурвалжлага өгч ажиллав.
8. Уг арга хэмжээний хүрээнд нийт 91 иргэнээс санал асуулга авч ажилласан ба эд хөрөнгийн эрхийн бүртгэлийн чиглэлээр 40, иргэний бүртгэлийн чиглэлээр 51 иргэнээс санал асуулга өгсөн байна. “Гараас гарт” үйлчилгээний талаар үнэлгээ 100 хувь “А” үнэлгээг өгсөн байна. /Санал асуулгын хуудсыг ЭХЭБГ-т хүргүүлэв/.