Дэлхий дахинд

Зуу зуун заан үхсэн байдалтай олджээ

Нийтэлсэн

4 жил өмнө

2020-07-03

Нийтэлч

Африк тивийн өмнөд хэсэгт орших Ботсвана улсын Окаванго Дельта мужаас сүүлийн хоёр сарын хугацаанд 350 гаруй заан үхсэн байдалтай олдож буй талаар тус улсын амьтан хамгааллын буяны байгууллагын гишүүн, доктор Ниал МакКанн мэдээллээ.

Заануудын яагаад ингэж олноороо үрэгдээд буй шалтгаан нь одоогоор тодорхойгүй байгаа ба шалтгааныг нь тайлахаар шинжээчид дээж авч лабораторид шинжилгээ хийн ажиллаж байна гэжээ.

Анх энэ тухай байгаль хамгааллын албаныхан 5-р сарын эхээр тус газар нутаг дээгүүр шалганы нислэг үйлдэж байхдаа мэдсэн бөгөөд засгийн газарт анхааралдаа авахыг хүссэн мэдэгдэл хүргүүлсэн байна.

Энэхүү гурван цагийн нислэгийн үр дүнд 169 орчим зааны цогцосыг олж бүртгэсэн ба үнэхээр итгэмээргүй тоо гарсанд мэргэжилтнүүд балмагдаж байжээ.

Үүнээс нэг сарын дараа ахин тооллого явуулахад энэ тоо 350-д хүрсэн тул онц ноцтой асуудал үүсэж байна хэмээх дүгнэлтэд хүрсэн байна.

Шинжээчдийн хэлснээр, “Энэ бол ган гачигтай болон ан агнууртай холбоогүй зүйл ба анх удаагаа ийм их хэмжээгээр үрэгдэж буй аюултай тулгарч байна” хэмээжээ. Мөн тэдний таамаглалаар заануудын дунд ямар нэг мэдрэлийн системийг гэмтээн үхэлд хүргэдэг өвчлөл тархсан байх магадлалтай аж. Хэдийгээр мэргэжилтнүүдийн таамаг төдий зүйл ч гэлээ энэхүү өвчин нь хүнд халдварлавал ямар хэмжээний хор уршиг тархийг мэдэхгүй байна гэв.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

18 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...