Дэлхий дахинд

Оросын кинотеатрууд Зөвлөлтийн үеийн уламжлалаа баримтална

Нийтэлсэн

4 жил өмнө

2020-07-06

Нийтэлч

Долдугаар сарын 15-наас Орос улс коронавирусийн улмаас үйл ажиллагааг нь зогсоогоод байсан кинотеатруудаа нээхээр шийдвэрлэлээ. Гэхдээ коронавирусийн нөхцөл байдлаас шалтгаалан зарим хот, бус нутаг уг хугацааг урагшлуулж, бас хойшлуулж болох ажээ.

Үзэгчдийн аюулгүй байдлыг хангахын тулд шаардлагатай бүх арга хэмжээг авч байгаагийн дотор хуучин Зөвлөлтийн үеийн уламжлалаа сэргээж хэрэглэнэ” хэмээн кинотеатруудын “Москино” сүлжээний ерөнхий захирал Светлана Максимченко хэллээ.

Үзэгчид амны хаалттай, бээлийтэй байх бөгөөд хүн хоорондын суух зай нь 1,5 метр байх ажээ. Үүнээс гадна киноны сеансаа дуусгаад үзэгчдийг буцаад заал руу биш шууд гадагшаа гаргах зохицуулалтыг “Москино” сүлжээ хийхээр болжээ. “Нөхцөл байдалтай уялдан зарим нэг өвөрмөц арга хэмжээ авна. Тухайлбал, хуучин Зөвлөлтийн үед байсан шиг киногоо үзэж дуусаад үзэгчид гарах хаалгаар шууд кинотеатрын байраас гарахаар зохицуулж байна” хэмээн Светлана Максимченко хэллээ.

Халдвар тархахгүй байх нөхцөл бүрдүүлэхийн тулд киноны тасалбарыг цахимжуулах, үйлчилгээний газраас көвхөн картаар тооцоо хийх зэрэг шаардлагыг бас тавих ажээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

17 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...