Эдийн засаг

Холбооны нөөцийн банк 2023 он дуустал бодлогын хүүг 0 хувьд ойр хадгална

Нийтэлсэн

5 жил өмнө

2020-09-17

Нийтэлч

24barimt

Холбооны Нөөцийн банк 2023 он дуустал бодлогын хүүгээ 0 хувьд ойр хадгалахаа мэдэгдлээ.

Ингэснээр АНУ-д ажилгүйдэл бодитоор буурч, инфляц хоёр хувьд тогтворжих хүртэл зөөлөн бодлого баримтлах амлалт өглөө.

“Бид хөдөлмөр эрхлэлтийг дээд түвшинд хүргэж, үнийн тогтвортой байдлыг хангахыг гол зорилгоо болгон ажиллана. Үүнийг мөнгөний бодлогын стратеги, урт хугацаат зорилтуудтай холбосон. Бид хөдөлмөр эрхлэлтийг нэмэгдүүлэх нь манай гол зорилго гэж тодорхойлсон бөгөөд энэ зорилтдоо хүрэхийн төлөө авах арга хэмжээ нь бодлогын чанартай хүндрэл учруулахгүй гэдэгт итгэж байна” гэж мэдэгдлээ.
Үүнээс өмнө хоёр хувиас доогуур барьж байсан инфляцыг эдийн засаг сул байгаа нөхцөлд ойрын хугацаанд хоёр хувиас дээш давахыг зөвшөөрөх тухайгаа мэдэгдэж байсан юм. Өөрөөр хэлбэл эртдээ 2023 он хүртэл АНУ-ын эдийн засаг цар тахлаас өмнөх түвшиндээ хүрч сэргэхгүй гэж тооцоолжээ.

Лхагва гарагийн хурлын дараах мэдэгдлийг Холбооны Нөөцийн банк эдийн засгаа сэргээхийн төлөө бүх хэрэгслээ ашиглахаар дайчиллаа гэж ойлгож болохоор байна. Цаашдаа Засгийн газрын бонд, ипотекээр баталгаажсан үнэт цаас худалдаж авах хөтөлбөрөө үргэлжлүүлнэ. Сар тутамд 120 тэрбум орчим ам.долларын бонд, үнэт цаас худалдаж авах хүлээлттэй байна.

Сэдвүүд:

Дэлгэрэнгүй ...

Эдийн засаг

Шивээхүрэн боомтоор 758 мянган тонн нүүрс экспортолжээ

Нийтэлсэн

3 цаг өмнө

2025-04-22

Нийтэлч

24barimt

Шивээхүрэн боомтоор өнгөрсөн 7 хоногт нийт 758 мянган тонн нүүрс экспортолсон нь он гарснаас хойших хамгийн өндөр үзүүлэлт боллоо.

Ханги боомтын хувьд нүүрсний нийт экспортын хэмжээ 1.4 сая тонн болж, өмнөх оны мөн үеэс 32 хувиар буурсан байна гэж Боомтын сэргэлтийн үндэсний хорооноос мэдээллээ.

Дэлгэрэнгүй ...

Эдийн засаг

Үхрийн цул махны үнэ өсөж 22947 төгрөг болжээ

Нийтэлсэн

5 өдөр өмнө

2025-04-17

Нийтэлч

24barimt

Нийслэлийн статистикийн газраас махны үнийн мэдээллийг танилцууллаа. Тодруулбал, 2025 оны 04 дүгээр сарын 14-ны өдрийн байдлаар хонины ястай мах нэг килограмм нь дунджаар 17498 төгрөг, үхрийн ястай мах нэг килограмм нь дунджаар 19990 төгрөгийн үнэтэй тус тус худалдаалагдаж байна.

Өмнөх долоо хоногтой харьцуулахад үхрийн ястай махны үнэ 0.4 хувиар өсөж 19990 төгрөг, үхрийн цул махны үнэ 1.4 хувиар өсөж 22947 төгрөгийн дундаж үнэтэй байна.

Дэлгэрэнгүй ...

Эдийн засаг

Уул уурхай олборлолт 857.6 тэрбум төгрөгөөр өсжээ

Нийтэлсэн

6 өдөр өмнө

2025-04-16

Нийтэлч

24barimt

Аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 7.9 их наяд төгрөг болж, өмнөх оны мөн үеэс 1.1(17.0%) их наяд төгрөгөөр өсчээ. Үүнд уул уурхай олборлолт 857.6 (18.6%) тэрбум төгрөг, цахилгаан хий, уур, агааржуулалтын салбар 169.5(27.2%) тэрбум төгрөгөөр тус тус өссөн нь голлон нөлөөлжээ.

Уул уурхай, олборлох аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 5.5 их наяд төгрөг болж, өмнөх оны мөн үеэс 857.6 (18.6%) тэрбум төгрөгөөр өсөхөд металлын хүдэр олборлолт 614.0(27.2%) тэрбум төгрөг, чулуун болон хүрэн нүүрс олборлолт 234.4(11.8%) тэрбум төгрөгөөр тус тус өссөн нь голлон нөлөөлсөн байна.

Уул уурхай, олборлох аж үйлдвэрийн салбарт хүрэн нүүрс, цайрын баяжмал, төмрийн хүдэр, зэсийн баяжмал металл агуулгаараа, хайлуур жонш, хайлуур жоншны баяжмалын биет хэмжээ өмнөх оны мөн үеэс 3.2-38.8 хувиар өсөж, харин цэвэршүүлээгүй алт, газрын тос, мөнгөний баяжмал, чулуун нүүрс, баяжуулсан нүүрс, төмрийн хүдрийн баяжмал 8.5-32.0 хувиар буурчээ.

Боловсруулах аж үйлдвэрийн салбарт ус, ундаа жүүс,шингэн сүү, янжуур тамхи зэрэг гол нэр төрлийн бүтээгдэхүүний үйлдвэрлэлийн биет хэмжээ 6.4-56.0 хувиар өсөж, харин металл бэлдэц, самнасан ноолуур, шохой, нүүрсэн шахмал түлш, цэвэр спирт, цагаан архи, катодын зэс,гурил, цемент, ноолууран сүлжмэл эдлэл, малын мах зэрэг гол нэр төрлийн бүтээгдэхүүний үйлдвэрлэл 2.3 -28.9 хувиар буурсан байна.