Эдийн засаг

VIII сарын эцсийн байдлаар арилжааны банкнууд ипотекийн зээлд 144 тэрбум төгрөг олгожээ

Нийтэлсэн

5 жил өмнө

2020-09-25

Нийтэлч

Монголбанкнаас ипотекийн зээлийн хөтөлбөрийг дахин санхүүжүүлж эхэлсэнтэй холбоотойгоор 2020 оны наймдугаар сарын эцсийн байдлаар нийт 144.8 тэрбум төгрөгийн санхүүжилтийг 2057 иргэнд олгоод байгааг мэдээллээ.

Үүнээс Монголбанкны эх үүсвэрээс 71.7 тэрбум төгрөг, банкнуудын өөрийн эх үүсвэрээс 73.1 тэрбум төгрөгийн санхүүжилт олгожээ. Монголбанк ипотекийн санхүүжилтийг энэ он дуустал олгоно. Харин санхүүжилтээ цааш үргэлжлүүлэх эсэх нь хууль, эрх зүйн орчноос шалтгаална гэж мэдээлсэн юм.

Ипотекийн зээлд хамрагдсан нийт иргэдийн өр, орлогын харьцаа 35 хувьтай байгаа нь тус хөтөлбөрийн зорилтот бүлэг болох дундаас доош орлоготой иргэдэд хүрэлцээгүйг илтгэж байна гэж Монголбанк үзэж байна. Тиймээс хүртээмжийг нэмэгдүүлэх зорилгоор хүүг зургаан хувь болгон бууруулах асуудлыг судалж байгаа ажээ. Шийдвэр ирэх аравдугаар сард гарах хүлээлттэй байгааг Монголбанкны Нөөцийн удирдлага, санхүүгийн зах зээлийн газрын захирал А.Энхжин онцолсон юм.

Сэдвүүд:

Дэлгэрэнгүй ...

Эдийн засаг

Шивээхүрэн боомтоор 758 мянган тонн нүүрс экспортолжээ

Нийтэлсэн

3 цаг өмнө

2025-04-22

Нийтэлч

24barimt

Шивээхүрэн боомтоор өнгөрсөн 7 хоногт нийт 758 мянган тонн нүүрс экспортолсон нь он гарснаас хойших хамгийн өндөр үзүүлэлт боллоо.

Ханги боомтын хувьд нүүрсний нийт экспортын хэмжээ 1.4 сая тонн болж, өмнөх оны мөн үеэс 32 хувиар буурсан байна гэж Боомтын сэргэлтийн үндэсний хорооноос мэдээллээ.

Дэлгэрэнгүй ...

Эдийн засаг

Үхрийн цул махны үнэ өсөж 22947 төгрөг болжээ

Нийтэлсэн

5 өдөр өмнө

2025-04-17

Нийтэлч

24barimt

Нийслэлийн статистикийн газраас махны үнийн мэдээллийг танилцууллаа. Тодруулбал, 2025 оны 04 дүгээр сарын 14-ны өдрийн байдлаар хонины ястай мах нэг килограмм нь дунджаар 17498 төгрөг, үхрийн ястай мах нэг килограмм нь дунджаар 19990 төгрөгийн үнэтэй тус тус худалдаалагдаж байна.

Өмнөх долоо хоногтой харьцуулахад үхрийн ястай махны үнэ 0.4 хувиар өсөж 19990 төгрөг, үхрийн цул махны үнэ 1.4 хувиар өсөж 22947 төгрөгийн дундаж үнэтэй байна.

Дэлгэрэнгүй ...

Эдийн засаг

Уул уурхай олборлолт 857.6 тэрбум төгрөгөөр өсжээ

Нийтэлсэн

6 өдөр өмнө

2025-04-16

Нийтэлч

24barimt

Аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 7.9 их наяд төгрөг болж, өмнөх оны мөн үеэс 1.1(17.0%) их наяд төгрөгөөр өсчээ. Үүнд уул уурхай олборлолт 857.6 (18.6%) тэрбум төгрөг, цахилгаан хий, уур, агааржуулалтын салбар 169.5(27.2%) тэрбум төгрөгөөр тус тус өссөн нь голлон нөлөөлжээ.

Уул уурхай, олборлох аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 5.5 их наяд төгрөг болж, өмнөх оны мөн үеэс 857.6 (18.6%) тэрбум төгрөгөөр өсөхөд металлын хүдэр олборлолт 614.0(27.2%) тэрбум төгрөг, чулуун болон хүрэн нүүрс олборлолт 234.4(11.8%) тэрбум төгрөгөөр тус тус өссөн нь голлон нөлөөлсөн байна.

Уул уурхай, олборлох аж үйлдвэрийн салбарт хүрэн нүүрс, цайрын баяжмал, төмрийн хүдэр, зэсийн баяжмал металл агуулгаараа, хайлуур жонш, хайлуур жоншны баяжмалын биет хэмжээ өмнөх оны мөн үеэс 3.2-38.8 хувиар өсөж, харин цэвэршүүлээгүй алт, газрын тос, мөнгөний баяжмал, чулуун нүүрс, баяжуулсан нүүрс, төмрийн хүдрийн баяжмал 8.5-32.0 хувиар буурчээ.

Боловсруулах аж үйлдвэрийн салбарт ус, ундаа жүүс,шингэн сүү, янжуур тамхи зэрэг гол нэр төрлийн бүтээгдэхүүний үйлдвэрлэлийн биет хэмжээ 6.4-56.0 хувиар өсөж, харин металл бэлдэц, самнасан ноолуур, шохой, нүүрсэн шахмал түлш, цэвэр спирт, цагаан архи, катодын зэс,гурил, цемент, ноолууран сүлжмэл эдлэл, малын мах зэрэг гол нэр төрлийн бүтээгдэхүүний үйлдвэрлэл 2.3 -28.9 хувиар буурсан байна.