Дэлхий дахинд

ТОКИО 2020 ОЛИМПЫН НААДАМ ЦУЦЛАГДААГҮЙ

Нийтэлсэн

4 жил өмнө

2021-01-22

Нийтэлч

2021.01.22

ТОКИО (Ройтерс) – Японы Засгийн газар Токио 2020 Олимпын наадам цуцлагдсан гэх мэдээллийг эрс няцааж байгаагаа мэдэгдлээ.

Их Британийн The Times болон Daily Mail тодорхой бус – эх сурвалжгүй мэдээлэл цацсан явдалд харамсаж байгаагаа илэрхийлэхийн сацуу хойшид ийм төрлийн худал мэдээлэл цацахгүй байхыг уриалсан байна.

Баасан гарагийн өглөө болсон хэвлэлийн хурлын үеэр Японы Засгийн газрын хэрэг эрхлэх газрын дарга Сакай Манабү “The Times эх сурвалжгүй – шар мэдээлэл цацсан явдал тун сэтгэл дундуур байна. Бид энэхүү мэдээллийг эрс няцааж байна” хэмээв.

Тэрбээр Японы Засгийн газар, Олон Улсын Олимпын Хороо зохион байгуулахаар “бүрэн төвлөрөн ажиллаж” байгааг цохон тэмдэглэсэн байна.

Хэдийгээр цар тахлын улмаас одоогийн нөхцөл байдал хүнд байгаа боловч дэлхийн улс орнууд ард иргэдээ вакцинжуулалтад хамруулаад эхэлсэн, мөн Япон улс ирэх хоёрдугаар сарын сүүлээр вакцинжуулалтаа эхлүүлэх тул Олимпын наадам товлосон хугацаандаа болно гэдэг хүлээлт байгаа.

Хуваарь ёсоор XXXII дахь удаагийн Олимпын наадам долдугаар сарын 23-ны өдөр эхлэх юм.

Эх сурвалж: https://www.reuters.com/article/olympics-2020-cancellation-int-idUSKBN29Q35K

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

23 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...