Дэлхий дахинд

ГЕРМАН ОРОН ГЭРГҮЙ ХҮМҮҮСТ ЗОРИУЛАН ДУЛААН ХОНОХ БҮХЭЭГ БҮТЭЭЖЭЭ

Нийтэлсэн

4 жил өмнө

2021-01-26

Нийтэлч

Герман улсын Ульм хот орон гэргүй хүмүүсийг өвлийн хүйтэн шөнүүдэд дулаан хонуулах зорилгоор тусгай бүхээг зохион бүтээжээ. Шинэ бүхээгийг орон гэргүй хүмүүсийн олноор цуглардаг гол цэгүүдэд байрлуулж эхэлсэн байна. Ульм хотод цаг агаар бусад хотуудаас харьцангуй хүйтэн байдаг тул орох оронгүй хүмүүст тус шинэ бүтээл нь аминд тулсан үед нэн хэрэгтэй шийдэл хэмээн хотын удирдлагууд үзэж байгаа гэнэ.

Бүхээгүүд нь мод, гангаас бүтсэн бөгөөд ус нэвтэрдэггүй, түүнчлэн нарны эрчим хүчийг хуримтлуулан эрчим хүч гарган авдаг, харилцаа холбооны хэрэгслээр тоноглогдсон аж. Бүхээг бүр тусдаа утасгүй интернетэд холбогдсон бөгөөд шаардлагатай үед автоматаар сайн дурынхныг дуудаж, цэвэрлэгээ хйилгэдэг гэнэ. Түүнчлэн харилцаа холбооны хэрэгслээр дамжуулан холбогдох ажилтнууд бүхээгт хонож байгаа хүнээс шаардлагатай зүйл бий эсэхийг лавлаж асуух зориулалттай аж. Мөн хувь хүний нууцыг хамгаалах үүднээс бүхээгүүдэд нууц камер байрлуулаагүй гэнэ.

Тус бүхээгийн анхны загварыг зохион бүтээгчид хоёр жилийн өмнө танилцуулж байсан ч шаардлагатай сайжруулалтуудыг хийсээр өдгөө ийнхүү бэлэн болгон үйлдвэрлэж эхэлсэн байна. “Ульмийн үүр” хэмээн нэрлэсэн тус бүхээгүүд өдгөө анхны загвараасаа илүү бат бөх, салхи, уснаас бүрэн хамгаалалттай, агааржуулах систем сайтай, хоёр хүн унтах хангалттай зайтай, найдвартай цоожтой болжээ.

Эх сурвалж: EUROWEEKLYNEWS

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

23 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...