Эдийн засаг

ХАНДИВЫН МӨНГӨН ХӨРӨНГӨӨС 3 ТЭРБУМ 316 САЯ ТӨГРӨГИЙГ ЗАРЦУУЛААД БАЙНА

Нийтэлсэн

4 жил өмнө

2021-02-07

Нийтэлч

Коронавирусний эрсдэлээс иргэдийнхээ эрүүл мэндийг хамгаалах арга хэмжээг хамгийн түрүүлж авсан дэлхийн таван орны нэг нь Монгол Улс болж байсныг эхлээд сануулъя.

Коронавирусний анхны тохиолдол зөөвөрлөгдөн орж ирсэн 2020 оны гуравдугаар сараас хойш Монгол Улс цар тахлын эсрэг хариу арга хэмжээг эрчимтэй авч, ажиллаж эхэлсэн. Улмаар цар тахлыг дотооддоо алдалгүй 10 сар барьж чадсаны эсэст мөн оны арваннэгдүгээр сард Монгол Улсад коронавирусний анхны дотоодын халдвар бүртгэгдсэн. Өдгөө халдвар эрчимжиж, өчигдрийн /2021.02.06/ байдлаар Улсын хэмжээнд коронавирусний 1989 тохиолдол бүртгэгдсэн байна. Үүнээс 1449 хүн нь эдгэрчээ.

Тэгвэл цар тахалтай тэмцэх нөр их ажилд дэм болж ард иргэд, аж ахуйн нэгжээс Улсын Онцгой комист мөнгөн болон эд материалын хандивыг өгсөөр байгаа.

Тодруулбал, 319 аж ахуйн нэгж байгууллага, 260 иргэнээс 3 тэрбум 925 сая 632 мянга 517 төгрөгийг /3.925.632.517/ Улсын Онцгой комисст хандивласан бол 152 аж ахуйн нэгж, 10 иргэнээс 4 тэрбум 884 сая 133 мянга 898 төгрөгийн /4.884.133.898/ үнэ бүхий эд материалыг хандивлажээ. Хандивын нийт дүн нь 8 тэрбум 809 сая 766 мянга 415 төгрөг болж байна.

2021 оны хоёрдугаар сарын 03-ны байдлаар хандивын мөнгөн хөрөнгөөс 3 тэрбум 316 сая 712 мянга 779 төгрөгийг зарцуулж, 608 сая 919 мянга 738 төгрөгийн үлдэгдэлтэй байна. Харин хандивын бараа материалаас 3 тэрбум 377 сая гаруйг нь зарцуулж, үлдэгдэл 507 сая 124 мянга 869 төгрөгийн үнэ бүхий бараа материал байна.

ХАНДИВЫН МӨНГӨН ХӨРӨНГИЙН ЗАРЦУУЛАЛТ

Сэдвүүд:онцлох

Дэлгэрэнгүй ...

Эдийн засаг

Шивээхүрэн боомтоор 758 мянган тонн нүүрс экспортолжээ

Нийтэлсэн

3 цаг өмнө

2025-04-22

Нийтэлч

24barimt

Шивээхүрэн боомтоор өнгөрсөн 7 хоногт нийт 758 мянган тонн нүүрс экспортолсон нь он гарснаас хойших хамгийн өндөр үзүүлэлт боллоо.

Ханги боомтын хувьд нүүрсний нийт экспортын хэмжээ 1.4 сая тонн болж, өмнөх оны мөн үеэс 32 хувиар буурсан байна гэж Боомтын сэргэлтийн үндэсний хорооноос мэдээллээ.

Дэлгэрэнгүй ...

Эдийн засаг

Үхрийн цул махны үнэ өсөж 22947 төгрөг болжээ

Нийтэлсэн

5 өдөр өмнө

2025-04-17

Нийтэлч

24barimt

Нийслэлийн статистикийн газраас махны үнийн мэдээллийг танилцууллаа. Тодруулбал, 2025 оны 04 дүгээр сарын 14-ны өдрийн байдлаар хонины ястай мах нэг килограмм нь дунджаар 17498 төгрөг, үхрийн ястай мах нэг килограмм нь дунджаар 19990 төгрөгийн үнэтэй тус тус худалдаалагдаж байна.

Өмнөх долоо хоногтой харьцуулахад үхрийн ястай махны үнэ 0.4 хувиар өсөж 19990 төгрөг, үхрийн цул махны үнэ 1.4 хувиар өсөж 22947 төгрөгийн дундаж үнэтэй байна.

Дэлгэрэнгүй ...

Эдийн засаг

Уул уурхай олборлолт 857.6 тэрбум төгрөгөөр өсжээ

Нийтэлсэн

6 өдөр өмнө

2025-04-16

Нийтэлч

24barimt

Аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 7.9 их наяд төгрөг болж, өмнөх оны мөн үеэс 1.1(17.0%) их наяд төгрөгөөр өсчээ. Үүнд уул уурхай олборлолт 857.6 (18.6%) тэрбум төгрөг, цахилгаан хий, уур, агааржуулалтын салбар 169.5(27.2%) тэрбум төгрөгөөр тус тус өссөн нь голлон нөлөөлжээ.

Уул уурхай, олборлох аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 5.5 их наяд төгрөг болж, өмнөх оны мөн үеэс 857.6 (18.6%) тэрбум төгрөгөөр өсөхөд металлын хүдэр олборлолт 614.0(27.2%) тэрбум төгрөг, чулуун болон хүрэн нүүрс олборлолт 234.4(11.8%) тэрбум төгрөгөөр тус тус өссөн нь голлон нөлөөлсөн байна.

Уул уурхай, олборлох аж үйлдвэрийн салбарт хүрэн нүүрс, цайрын баяжмал, төмрийн хүдэр, зэсийн баяжмал металл агуулгаараа, хайлуур жонш, хайлуур жоншны баяжмалын биет хэмжээ өмнөх оны мөн үеэс 3.2-38.8 хувиар өсөж, харин цэвэршүүлээгүй алт, газрын тос, мөнгөний баяжмал, чулуун нүүрс, баяжуулсан нүүрс, төмрийн хүдрийн баяжмал 8.5-32.0 хувиар буурчээ.

Боловсруулах аж үйлдвэрийн салбарт ус, ундаа жүүс,шингэн сүү, янжуур тамхи зэрэг гол нэр төрлийн бүтээгдэхүүний үйлдвэрлэлийн биет хэмжээ 6.4-56.0 хувиар өсөж, харин металл бэлдэц, самнасан ноолуур, шохой, нүүрсэн шахмал түлш, цэвэр спирт, цагаан архи, катодын зэс,гурил, цемент, ноолууран сүлжмэл эдлэл, малын мах зэрэг гол нэр төрлийн бүтээгдэхүүний үйлдвэрлэл 2.3 -28.9 хувиар буурсан байна.