Дэлхий дахинд

AstraZeneca-гийн вакцин коронавирусийн шинэ хувилбараас сайн хамгаалж чадахгүй байна гэв

Нийтэлсэн

4 жил өмнө

2021-02-09

Нийтэлч

Оксфордын их сургууль болон AstraZeneca компанийн хамтран боловсруулсан вакцин Өмнөд Африкийн гэгдэх коронавирусийн шинэ хувилбараас төдийлөн сайн хамгаалж чадахгүй байгаад дэлхийн улс орнууд санаа зовниж байна. Уг бэлдмэлийг олон орон хэрэглэхийг зөвшөөрсөн ч коронавирусийн шинэ хувилбар хурдацтай тархвал AstraZeneca вакцин хүссэн үр дүнгээ өгөхгүй гэж үзэж байгаа аж.

Өмнөд Африкийн эрдэмтдийн хэлснээр тус улсад коронавирусийн шинэ омог (501.V2) нь Covid-19 туссан хүмүүсийн 90 хувийнх нь өвчний шалтгаан болоод байгаа аж. 2000 хүн оролцсон сүүлийн клиник туршилтаар уг вакцин өвчний хүндэрсэн хэлбэрээс хамгаалах ба хөнгөн болон хүндэвтэр шинж тэмдгийн үед маш бага хэмжээнд хамгаалдаг болохыг тогтоожээ.

Туршилтын үр дүнг хараахан баталгаажуулаагүй ч олон орон AstraZeneca вакциныг худалдаж авахдаа эргэлзэж байгаагаа илэрхийлсэн байна. Европын улс орнууд уг вакциныг 55-аас дээш насныханд үзүүлэх нөлөөлөл нь сул тул ахмад настнуудад тохиромжгүй гэж үзжээ.

Өмнөд Африкийн коронавирусийн шинэ омог хилийн чанадад идэвхтэй тархаж байна. Тухайлбал, Их Британид 147 тохиолдол илрээд байгаа аж. Тус улс одоогоор 12 сая хүнд вакцин хийгээд байгаа бөгөөд ихэнх нь AstraZeneca-гийн вакцин тариулжээ. Тус компани намар гэхэд вакцинаа сайжруулахаа амласан байна.

Эх сурвалж: ВВС

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

21 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...