Дэлхий дахинд

КОРОНАВИРУСНИЙ “БРИТАНИ” ХУВИЛБАРЫГ ИЛРҮҮЛДЭГ ТЕСТ БҮТЭЭЖЭЭ

Нийтэлсэн

4 жил өмнө

2021-02-15

Нийтэлч

ОХУ-д коронавирусний “британи” хувилбарыг илрүүлдэг тестийг бүтээжээ. Тус улсын Халдвар судлалын төв хүрээлэнгээс бүтээсэн энэхүү тестийг мутац бүхий сорьц дээр туршихад өндөр нарийвчлалтай болох нь батлагджээ.

Түүнчлэн, шинэ технологийн тусламжтай коронавирусний бүхий л мутацыг төдийгүй бусад халдварыг илрүүлэх боломжтой гэнэ.

Коронавирусний “британи” хувилбарыг 2020 оны есдүгээр сард Их Британид анх илрүүлсэн бол “өмнөд африк” хувилбарыг мөн оны аравдугаар сар, “бразил” хувилбарыг 2021 оны нэгдүгээр сард тус тус бүртгэсэн билээ.

“Sky News” сувгийн мэдээллээр, “британи” хувилбараар халдварласан өвчтөнүүдэд ханиах, хоолой өвдөх, ядрах, булчин шархирч өвдөх, халуурах зэрэг шинж тэмдэг нийтлэг ажиглагдаж байна.

Бразилд коронавирусний таван шинэ омог илрээд байгаа ба “бразил” хувилбарт “VUI-NP13L” нэршил өгөөд байна. Энэ хувилбараар халдварласан өвчтөнүүд харьцангуй хөнгөн хэлбэрээр өвддөг аж.

Ройтерс агентлагийн мэдээллээр, “өмнөд африк” хувилбар болох “501.V2” омог илүү халдвартай болох нь тогтоогджээ. Эл хувилбар хүний бие организмд орохдоо илүү хүчтэй бөгөөд хялбар байдлаар хүний эстэй холбогддог байна. Энэхүү омог хүн амын дунд 50 хувиар илүү хурдан тархаж буй нь үүнтэй холбоотой гэж шинжээчид үзэж байна.

Дэлхийн эрүүл мэндийн байгууллагын мэдээллээр, “британи” омог 86 улсад, “өмнөд африк” хувилбар 44 оронд, “бразил/япон” хувилбар дэлхийн 15 оронд бүртгэгдээд байна.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

22 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...