Эдийн засаг

“РИО ТИНТО”-ГИЙН АШИГ СҮҮЛИЙН ЕСӨН ЖИЛИЙН ДЭЭД ТҮВШИНД ХҮРЧЭЭ

Нийтэлсэн

4 жил өмнө

2021-02-19

Нийтэлч

“Оюу Толгой” төслийн гол хөрөнгө оруулагч “Rio Tinto” компанийн ашиг 2020 онд 20 хувиар өсөж, жилийн дүнгээр сүүлийн есөн жилийн дээд түвшинд хүрлээ.

Үүнд түүхий эдүүд, ялангуяа төмрийн хүдрийн үнэ өссөн нь голлон нөлөөлжээ. “Rio Tinto”-ийн ашиг 12.4 тэрбум ам.доллар хүрсэн нь шинжээчдийн тооцооллоос давсан үзүүлэлт болсон байна.

Үүнээс гадна нийт дүнгээр есөн тэрбум ам.долларыг 2020 оны ногдол ашиг болгон хувьцаа эзэмшигчдэдээ тарааж байгаа нь тус компанийн 148 жилийн түүхэн дэх хамгийн өндөр үзүүлэлт болж байна.

Түүхий эдийн үнийн дараагийн суперцикл эхлэх нь гэсэн эерэг хүлээлт нэмэгдэж байгаа энэ үед томоохон уул уурхайн компаниуд ийнхүү ногдол ашгийн хэмжээгээ нэмэгдүүлж байгаа юм.

Энэхүү мэдээллийн дараа Лондоны Хөрөнгийн биржид “Rio Tinto”-гийн хувьцааны ханш 3.5 хувиар өссөн байна.

Түүнчлэн тус компани “Оюу Толгой” төслийг тойрсон асуудлуудыг шийдэж, оролцогч талуудын хүртэх өгөөжийг нэмэгдүүлэхээр Монгол Улсын Засгийн газартай идэвхтэй яриа хэлэлцээ өрнүүлж байгаа гэж тайландаа дурджээ.

Нэгдүгээр сард ажлаа хүлээн авсан “Rio Tinto”-ийн Гүйцэтгэх захирал Якоб Стаусхолм нутгийн ард иргэд болон бусад оролцогч талуудтай харилцан итгэлцсэн түншлэлийг бий болгохыг зорьж байгаагаа илэрхийлсэн юм.

Харин Зэсийн группийн захирлаар томилогдож, “Rio Tinto”-ийг төлөөлөн Монголын талтай хэлэлцээр хийж буй Б.Болд “Далд уурхайн бүтээн байгуулалт, санхүүжилтийн төлөвлөгөөг засан сайжруулахыг хүсэж буй Засгийн газрын байр суурийг ойлгон хүлээн авч байна. Яриа хэлэлцээрийг үргэлжлүүлэхийн төлөө байна” гэж мэдэгдсэн юм.

Монголын тал “Rio Tinto”-ийн боловсруулсан “Оюу Толгой” төслийн далд уурхайн бүтээн байгуулалт, санхүүжилтийн төлөвлөгөөг хүлээн зөвшөөрөхгүй байгаагаа илэрхийлээд байна. Улмаар төлөвлөгөөг шинэчилж, нөхцөлүүдийг сайжруулах саналыг “Rio Tinto”-д тавиад байгаа юм.

Сэдвүүд:

Дэлгэрэнгүй ...

Эдийн засаг

Шивээхүрэн боомтоор 758 мянган тонн нүүрс экспортолжээ

Нийтэлсэн

3 цаг өмнө

2025-04-22

Нийтэлч

24barimt

Шивээхүрэн боомтоор өнгөрсөн 7 хоногт нийт 758 мянган тонн нүүрс экспортолсон нь он гарснаас хойших хамгийн өндөр үзүүлэлт боллоо.

Ханги боомтын хувьд нүүрсний нийт экспортын хэмжээ 1.4 сая тонн болж, өмнөх оны мөн үеэс 32 хувиар буурсан байна гэж Боомтын сэргэлтийн үндэсний хорооноос мэдээллээ.

Дэлгэрэнгүй ...

Эдийн засаг

Үхрийн цул махны үнэ өсөж 22947 төгрөг болжээ

Нийтэлсэн

5 өдөр өмнө

2025-04-17

Нийтэлч

24barimt

Нийслэлийн статистикийн газраас махны үнийн мэдээллийг танилцууллаа. Тодруулбал, 2025 оны 04 дүгээр сарын 14-ны өдрийн байдлаар хонины ястай мах нэг килограмм нь дунджаар 17498 төгрөг, үхрийн ястай мах нэг килограмм нь дунджаар 19990 төгрөгийн үнэтэй тус тус худалдаалагдаж байна.

Өмнөх долоо хоногтой харьцуулахад үхрийн ястай махны үнэ 0.4 хувиар өсөж 19990 төгрөг, үхрийн цул махны үнэ 1.4 хувиар өсөж 22947 төгрөгийн дундаж үнэтэй байна.

Дэлгэрэнгүй ...

Эдийн засаг

Уул уурхай олборлолт 857.6 тэрбум төгрөгөөр өсжээ

Нийтэлсэн

6 өдөр өмнө

2025-04-16

Нийтэлч

24barimt

Аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 7.9 их наяд төгрөг болж, өмнөх оны мөн үеэс 1.1(17.0%) их наяд төгрөгөөр өсчээ. Үүнд уул уурхай олборлолт 857.6 (18.6%) тэрбум төгрөг, цахилгаан хий, уур, агааржуулалтын салбар 169.5(27.2%) тэрбум төгрөгөөр тус тус өссөн нь голлон нөлөөлжээ.

Уул уурхай, олборлох аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 5.5 их наяд төгрөг болж, өмнөх оны мөн үеэс 857.6 (18.6%) тэрбум төгрөгөөр өсөхөд металлын хүдэр олборлолт 614.0(27.2%) тэрбум төгрөг, чулуун болон хүрэн нүүрс олборлолт 234.4(11.8%) тэрбум төгрөгөөр тус тус өссөн нь голлон нөлөөлсөн байна.

Уул уурхай, олборлох аж үйлдвэрийн салбарт хүрэн нүүрс, цайрын баяжмал, төмрийн хүдэр, зэсийн баяжмал металл агуулгаараа, хайлуур жонш, хайлуур жоншны баяжмалын биет хэмжээ өмнөх оны мөн үеэс 3.2-38.8 хувиар өсөж, харин цэвэршүүлээгүй алт, газрын тос, мөнгөний баяжмал, чулуун нүүрс, баяжуулсан нүүрс, төмрийн хүдрийн баяжмал 8.5-32.0 хувиар буурчээ.

Боловсруулах аж үйлдвэрийн салбарт ус, ундаа жүүс,шингэн сүү, янжуур тамхи зэрэг гол нэр төрлийн бүтээгдэхүүний үйлдвэрлэлийн биет хэмжээ 6.4-56.0 хувиар өсөж, харин металл бэлдэц, самнасан ноолуур, шохой, нүүрсэн шахмал түлш, цэвэр спирт, цагаан архи, катодын зэс,гурил, цемент, ноолууран сүлжмэл эдлэл, малын мах зэрэг гол нэр төрлийн бүтээгдэхүүний үйлдвэрлэл 2.3 -28.9 хувиар буурсан байна.