АНУ-Д BOEING 777 НИСЭХ ОНГОЦНЫ ХӨДӨЛГҮҮР АГААРТ ШАТСАН ОСЛЫГ МӨРДӨН ШАЛГАЖ БАЙНА

Нийтэлсэн

4 жил өмнө

2021-02-22

Нийтэлч

АНУ-ын United Airlines компанийн Boeing 777 нисэх онгоц Бямба гарагийн үдээс хойш Денвер хотоос Хонолулу хотын чиглэлд хөөрөөд удалгүй буцаж газардсан юм.

Нийт 231 зорчигч, нислэгийн багийн 10 гишүүнтэй уг онгоцны нэг талын хөдөлгүүр хөөрөөд удаагүй байхад шатаж эхэлсэн байна.

Онгоц амжилттай газардаж, зорчигчдын амь насанд аюул учраагүй юм. Шатсан хөдөлгүүрийн хэсгүүд агаарт цацагдаж, хүн амын суурьшлын бүсэд унасан ч хохирол гараагүйг мэдээлжээ.

Сошиал орчинд шатаж буй хөдөлгүүр болон газар унасан хэлтэрхийнүүдийн зураг, дүрс бичлэг олноор тарсан байна.

Энэхүү ослын дараа АНУ-ын агаарын тээврийн удирдах байгууллага ижил загварын хөдөлгүүртэй Boeing 777 нисэх онгоцнуудад техникийн нарийвчилсан үзлэг, шалгалт хийхээр болсноо зарлажээ.

Ням гарагт United Airlines компани өөрийн 24 ийм загварын онгоцыг нислэгт ашиглахаа түдгэлзүүлсэн байна.

Шатсан хөдөлгүүр нь Pratt & Whitney компанийн үйлдвэрлэсэн P&W 4000 хөдөлгүүр юм.

Япон улсын тээврийн яам Japan Airlines, ANA Holdings компаниудад P&W 4000 хөдөлгүүртэй Boeing 777 нисэх онгоцнуудыг нислэгэд ашиглахаа түр зогсоох үүрэг өгчээ.

Тус яамны мэдээлснээр ANA компани 19, JAL компани 13 ийм загварын нисэх онгоцтой юм байна.

Эх сурвалж: Reuters, The Verge

Сэдвүүд:

Дэлгэрэнгүй ...

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

22 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...