Дэлхий дахинд

Украиныг “тусгаар улс” гэж хэлсэн багш эмэгтэй ажлаасаа халагджээ

Нийтэлсэн

3 жил өмнө

2022-04-11

Нийтэлч

Украины дайны талаар сөрөг мэдээллийг хянах, хаах, хориглох бодлого ОХУ-д хүчтэй хэрэгжиж байгаа.

Саяхан тус улсын Алс Дорнодын бүс нутгийн Сахалины арлын дунд сургуулийн англи хэлний багш эмэгтэй Украиныг “тусгаар улс” гэж хэлээд ажлаасаа халагджээ.

Багш Марина Дуброва өөрийн хичээл заадаг наймдугаар ангийн сурагчдад дайны эсрэг утгатай зүйл ярихдаа “Украин бол тусгаар улс” гэж хэлжээ.

Гэтэл ангийнх нь хүүхдүүд багшийнхаа ярьсныг гар утсан дээр бичиж аваад цагдаад гомдол гаргасан байна.

Хэд хоногийн дараа цагдаа нар сургууль дээр нь ирж, багшийг саатуулжээ. Дуброва олон нийтийн дунд Оросын зэвсэгт хүчний нэр хүндийг унагасан хэрэгт буруутгагдан $400-тай тэнцэх мөнгөн торгуулиар шийтгүүлж, сургуулиасаа хөөгдсөн байна.

“Бид бүгдээрээ ямар солиоролд автсаныг энэ явдал харуулж байна” гэж Дуброва “New York Times” сонины сэтгүүлчтэй ярихдаа хэлжээ.

Өнгөрсөн сард ОХУ-ын ерөнхийлөгч Владимир Путин нийгмээ Өрнөдийнхний гар хөл болсон этгээдүүдээс цэвэрлэх тухай ярьж байв.

“Өрнөдийн орнууд Оросын ард түмнийг төрийнх нь эсрэг босгохын тулд манай цэргийн хохирол, эдийн засгийн хоригийн нөлөө зэргийн талаар худал мэдээлэл тарааж байна. Гэхдээ Оросын ард түмэн жинхэнэ эх орончдыг урвагчдаас ялгаж, амандаа орсон ялаа шиг нулимж хаях чадвартай юм. Нийгмээ цэвэрлэснээр улс орон улам хүчирхэгжин эв нэгдэлтэй болж, ямар ч сорилт бэрхшээлийг давах бэлтгэлтэй болно гэдэгт би итгэлтэй байна” гэж Путин тухайн үед хэлж байжээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...