Эдийн засаг
Чингис хаан хөрөнгийн бирж “Бид ассет ТЗК” ХХК-ийн нээлттэй хөрөнгөөр баталгаажсан үнэт цаасны арилжаагаар нээлтээ хийлээ
“Чингис хаан хөрөнгийн бирж” ХХК-ийн нээлтийн үйл ажиллагаа болон “БИД ассет ТЗК” ХХК-ийн олон нийтэд санал болгон гаргаж буй хөрөнгөөр баталгаажсан үнэт цаасны анхдагч зах зээлийн арилжааны цан цохих ёслол өнөөдөр боллоо. Ёслолын арга хэмжээнд Засгийн газрын хэрэг эрхлэх газрын дарга Д.Амарбаясгалан, Санхүүгийн зохицуулах хорооны дэд дарга Т.Цэрэнбадрал, Н.Хүдэрчулуун болон “Чингис хаан хөрөнгийн бирж” ХХК, “Бид ассет ТЗК”, “Голомт Капитал ҮЦК” ХХК, “Эм Ай Си ЖИ” ХХК зэрэг холбогдох байгууллагын удирдлага, төлөөлөгчид оролцсон юм. Санхүүгийн зохицуулах хорооны дэд дарга Н.Хүдэрчулуун ёслолын арга хэмжээг нээж хэлсэн үгэндээ “УИХ, Засгийн газраас санаачлан хэрэгжүүлж буй “Зээлийн хүүг бууруулах стратеги”, банкны салбарын реформ, төрийн өмчит хуулийн этгээдийн хувьчлал зэрэг томоохон арга хэмжээний хүрээнд Санхүүгийн зохицуулах хороо бодлого, зохицуулалтын цогц арга хэмжээг авч хэрэгжүүлсний үр дүнд сүүлийн дөрвөн жилийн хугацаанд 80 гаруй санхүүгийн шинэ бүтээгдэхүүн гарч, зах зээлийн үнэлгээ 11.65 их наяд төгрөгт хүрч, өмнөх оны мөн үеэс 1.69 дахин өссөн байна. Эдгээр тоон үзүүлэлт нь Монгол Улсын хөрөнгийн зах зээл хэрхэн идэвхжиж, улс орны эдийн засагт гүйцэтгэх үүрэг улам өсөж байгаагийн илэрхийлэл юм. Ийнхүү хөрөнгийн зах зээл идэвхжиж, бизнесийн орчинд үнэт цаас арилжаалах сонирхол далайцтай нэмэгдэж байгаа энэ үед хувийн биржид арилжаа хийх боломжтой болж “Чингис хаан хөрөнгийн бирж” анхны бүтээгдэхүүнээ арилжаалахад бэлэн болсонд баяр хүргэе. Цаашид ч олон компанитай хамтран ажиллаж шинэ бүтээгдэхүүн өлгийдөн авч анхдагч арилжааны цан цохих арга хэмжээг зохион байгуулна гэдэгт итгэлтэй байна.
Банк бус санхүүгийн байгууллагууд ч сүүлийн жилүүдэд мөн бирж болон биржийн бус зах зээлд дээр өрийн бичиг гарган санхүүжилт татах болон хөрөнгөөр баталгаажсан үнэт цаас гаргах замаар хөрөнгийн зах зээл дээрээс олон нийтээс санхүүжилт татах ажиллагаа идэвхжих болсон. Үүний нэг илрэл нь өнгөрсөн хугацаанд найман банк бус санхүүгийн байгууллага 12 удаа нээлттэй хэлбэрээр үнэт цаасны зах зээл дээрээс хөрөнгөөр баталгаажсан үнэт цаас гаргах замаар 163.85 тэрбум төгрөгийг татан төвлөрүүлсэн байна. Үүнээс харвал хөрөнгөөр баталгаажсан үнэт цаас нь хувьцаа, өрийн хэрэгслийн адил санхүүжилт татах нэгэн төрлийн хэрэгсэл болж, компаниудаас энэ төрлийн үнэт цаас гаргах сонирхол нэмэгдэж буйн илрэл юм. Энэ бол хөрөнгийн зах зээлд оролцогч мэргэжлийн байгууллагууд болон хөрөнгө оруулагчид та бидний хамтын ажиллагааны үр дүн” гэдгийг онцолсон юм.
Эдийн засаг
Монголбанкнаас Мөнгөний бодлогын шийдвэрийг танилцуулж байна
Монголбанкнаас Мөнгөний бодлогын шийдвэрийг танилцуулж байна
Эдийн засаг
ГЕГ: Он гарснаас хойш нийт 3426.2 сая ам.долларын бараа, түүхий эд импортолжээ
Импортоор нийт 3426.2 сая ам.долларын бараа, түүхий эд оруулсан нь 2023 оны мөн үеэс 765.9 сая ам.доллараар буюу 28.8 хувиар өссөн байна.
Импортоор нийлүүлэгдсэн барааны 96.5 хувийг валютын төлбөртэй худалдаа, 0.8 хувийг гадаадын зээлийн хөрөнгөөр нийлүүлсэн бараа, 1.1 хувийг гадаадын тусламжийн бараа, 1.3 хувийг гадаадын хөрөнгө оруулалтаар нийлүүлсэн бараа, 0.3 хувийг төлбөрт зориулсан бараа эзэлж байна.
Импортоор нийлүүлэгдсэн барааны нийт дүнд машин механик тоног төхөөрөмж ба эд анги, цахилгаан хэрэгсэл, тэдгээрийн сэлбэг 690.5 сая ам.доллар буюу 20.2 хувь, эрдэс бүтээгдэхүүн 833.9 сая ам.доллар буюу 24.3 хувь (үүний дотор нефтийн бүтээгдэхүүн 738.2 сая ам.доллар буюу 88.5 хувь), мал амьтан, ургамлын гаралтай бүтээгдэхүүн, хүнсний зүйл 342.9 сая ам.доллар буюу 49.8 хувь, авто агаарын тээврийн хэрэгсэл тэдгээрийн эд анги 747.5 сая ам.доллар буюу 21.8 хувь, үндсэн төмөрлөг болон түүгээр хийсэн бүтээгдэхүүн 262.5 сая ам.доллар буюу 7.7 хувь, химийн болон түүнтэй холбоотой үйлдвэрийн бүтээгдэхүүн 176.2 сая ам. доллар буюу 5.1 хувийг тус тус эзэлж, эдгээр бүтээгдэхүүнд нийт дүнгийн 86.2 хувь ногдож байна.
Манай улс дэлхийн 137 орноос гарал үүсэлтэй бараа импортлосноос БНХАУ-д 38.2 хувь; ОХУ-д 27.0 хувь; Япон-д 10.7 хувь; БНСУ-д 4.0 хувь; АНУ-д 3.7 хувь тус тус ногдож байгаа нь нийт импортын дүнгийн 83.5 хувийг эзэлж байна гэж Гаалийн Ерөнхий газраас мэдээллээ.
Эдийн засаг
Монголбанк 4 дүгээр сард 850.7 кг үнэт металл худалдан авлаа
Монголбанк 2024 оны 4 дүгээр сард 850,7 кг үнэт металл худалдан авч, оны эхнээс өссөн дүнгээр 4.3 тонн үнэт металл худалдан авлаа.
Оны эхнээс өссөн дүнгээр Дархан-Уул аймаг дахь Монголбанкны хэлтэс 19.6 кг, Баянхонгор аймаг дахь Монголбанкны хэлтэс 357.5 кг үнэт металл тус тус худалдан авсан байна.
Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 04 дүгээр сард алт худалдаж авах дундаж үнэ 252,256.24 төгрөг байв гэж Монголбанкнаас мэдээллээ.
-
Нийгэм10 цаг өмнө
НҮБ-ын эрүү шүүлтээс урьдчилан сэргийлэх дэд хорооны гишүүдтэй уулзлаа
-
Улс төр11 цаг өмнө
ЭЗБХ: Худалдаа, аж үйлдвэрийн танхимын тухай хуулийн шинэчилсэн найруулгын төслийг хэлэлцэхийг дэмжив
-
Улс төр11 цаг өмнө
НББХ: Олон хүүхэд төрүүлж өсгөсөн эхийг урамшуулах тухай хуульд нэмэлт оруулах тухай хуулийн төслийг хэлэлцэхийг дэмжлээ
-
Нийгэм11 цаг өмнө
Г.Батмөнх: Тавдугаар сарын 1-нээс хойш 200 гаруй сая төгрөгийн гурилын импортын татварыг чөлөөлсөн байна
-
Нийгэм9 цаг өмнө
М.Анхцэцэг “Парис 2024” олимпын эрхийн болзол хангаад байна
-
Улс төр8 цаг өмнө
УИХ-ын дарга Г.Занданшатар төрийн албан хаагчдыг парламентын “D-petition” цахим системийг сурталчилж ажиллахыг хүслээ
-
Улс төр6 цаг өмнө
Монгол Улсын Ерөнхий сайд Л.Оюун-Эрдэнэ Үндэсний орон сууцжуулалтын тухай хуулийн төслийг өргөн мэдүүлэв
-
Нийгэм8 цаг өмнө
“Чингис хаан” олон улсын нисэх буудлыг өргөтгөх, хүчин чадлыг нэмэгдүүлэх судалгаа хийнэ