Оны 148  дахь өдөр, шинэ он хүртэл  217 хоног үлдлээ

Өнөөдрийн баяр

Хүний эрхийг хамгаалах байгууллага  бий болжээ

1961- Одоогоос 58 жилийн өмнө бие даасан, улс төрийн бус,  хүний эрхийг хамгаалах “Олон улсын эмнести интэрнэшнл” (Amnesty International) байгууллага байгуулагджээ. Хүний эрхийг хамгаалах нь улс орны хил хязгаар, яс үндэс, арьсны өнгөнөөс үл хамаарах бүх нийтийн хариуцлага гэсэн үндсэн зарчмаар энэ байгууллагын үйл ажиллагаа явагддаг. Уг байгууллага 1961 оны тавдугаар сарын 28-нд Лондон хотноо байгуулагджээ. Үндэслэгч нь Британийн хуульч Питер Бененсон юм. Тэрээр 1961 онд нэгэн өгүүлэл бичээд түүндээ хүмүүсийг улс төрийн хоригдлуудыг чөлөөлүүлэхийн тулд энхийн замаар тууштай тэмцэхийг уриалсан юм. Сарын дотор олон орны мянга гаруй хүн түүнд туслахаа илэрхийлжээ. Хүний эрхийн асуудалд хандсан ганц хүний оролдлого ийнхүү олон улсын хөдөлгөөн болсон юм.

Бараан өнгийн үстнүүдийн албан бус баяр 

Тавдугаар сарын 28-ыгдэлхийн бүх хар үстнүүдийн албан бус баяр юм. 2006 оноос хойш цайвар үстнүүд баяртай болсонтой тэнцүүлэн энэ баярыг үүсгэсэн бололтой. Цайвар үстэй эмэгтэйчүүдийг эр хүний мөрөөдөл гэдэг бол хар үстэй эмэгтэйчүүд дэгжин байдал, гоо үзэсгэлэнгээрээ гайхагддаг.  Хар үстэй эмэгтэйчүүд элитийн гоёл чимэглэл, машины рекламд  үнэтэй, ганган харагдана.

Сонирхолтой баримтууд–

• Хэрэв статистикт итгэх юм бол хоёр бүсгүйн нэг нь үсээ хараар будуулахыг хүсдэг аж. 
• Ирландчуудын ихэнх  улаан шаргал үстнүүд учраас хар үстнүүдээ “хар ирландчууд” гэж нэрлэдэг аж.
• Хар өнгийн үс нь  пигментын эсэд нь эумеланинбодис давамгайлснаас үүдэлтэй.
• Элдэв угаагч, савангийн рекламд дандаа л хар үстнүүд тоглодог. 
• Амьдрал дээр удирдах ажилтай эмэгтэйчүүдийн 85 хувь нь хар үстэй зөвхөн 15 хувь нь цайвар үстнүүд.Мөн дэлхийн баячуудын 62 хувь нь  хар үстэй гэнэ. 
• Харин тэд их эмзэг сэтгэлтэй, сэтгэл санааны дарамтад орох нь их ажээ. 

Өнөөдөр түүхэнд

МЭӨ 585 – Грекийн гүн ухаантан, одон оронч,  тоочин Мелетын Фалесийн урьдчилан хэлж байсан нар  хиртэлт Лидийн хаан Алиат, Мидийн хаан Киаксар хоёрын хооронд Бага Азийн ноёрхолын төлөө явагдаж байсан зургаан жилийн дайнд төгсгөл авчирчээ.Тэд байгалийн үзэгдлийг бурхадын илгээлт гэж үзээд энх тайван тогтоон Галис голоор хилээ тогтоожээ.

1742 – Дэлхийд анхных гэж болох хаалттай усан санг Лондон хотноо нээжээ. Усан сангийн урт нь 13 метр байсан бөгөөд усыг байн байн сольдог байсан боловч усны хэм нэгэн хэвийн байжээ.

1743 – М.В. Ломоносовыг баривчлав. Ломоносов немецийн албан тушаалтнуудыг академид нэг биш удаа загнаж, тэд матаас бичдэг байв. Мөнгө идсэн гээд Академийн захиргааны нарийн бичгийн дарга И.Д.Шумахертай харилцаа их муудсан байлаа. Гэхдээ Шумахерыг баривчлагдсаны дараа Ломоносов мөрдөн байцаалтад энэ талаар хариулаагүй гэж түүнийг баривчлан долоон сар шоронд суулгасан байлаа.

1812- Зургаан жил үргэлжилсэн Орос, Туркийн дайн дуусав.

1830- АНУ-ын Ерөнхийлөгч Эндрю Жексон индианчуудыг уугуул нутаг дэвсгэрээс нь хөөж гаргахыг зөвшөөрсөн баримтад гарын үсэг зуржээ.

1858 – Орос Хятад хоёрын хооронд  хил хязгаар ба худалдааны Айгунийн гэх  гэрээ байгуулагджээ.

1863- Бостонд зөвхөн хар арьстай цэргүүдээс бүрэлдсэн Америкийн анхны хороо бий болжээ.

1871- Парисын коммун дарагдсан байна. Тэмцэлдээний явцад 25 мянган хүн үрэгдэж, 40 мянга орчим тэмцэгч шоронд орсон байдаг.

1892 – Гэрэл зурагчин сонирхогч Секондо Пиа анх удаа Турин хотын  гол сүмд  хадгалагдаж байсан Христын шарилын бүтээлгийн гэрэл зургийг авчээ.

1900- Москвад А.С.Пушкины охин Мария Гартунгийн ивээн тэтгэсэн үнэ төлбөргүй уншлагын номын сан үүдээ нээлээ.

1918- В.И.Ленин Зөвлөлтийн хилийн хамгаалалт байгуулах тухай хуульд гарын үсэг зуржээ.

1927- ЗХУ-д марк наасан анхны дугтуйг худалдаанд гаргалаа.

1928- Автомашины “Крайслер”, “Дож” концернууд нэгдэв.

1934 – Канадын Онтарио мужийн Дионны гэр бүлд Мари, Сесиль, Ивон, Эмили, Аннетгэсэн таван ихэр охин төржээ. Тэр нь нэг өндгөн эсээс таван ихэр төрсөн анхны ба цорын ганц тохиолдол юм.
1937 –  “Gesellschaft zur Vorbereitung des Deutschen Volkswagens mbH”компани байгуулагдав. 1938 онд уг компани нэрээ солин “Volkswagenwerk GmbH”болов.

1957 – Хөгжмийн ертөнцийн хамгийн нэртэй “Грэмми” шагналыг гардуулдаг Дуу бичлэгийн үндэсний академи байгуулагджээ.

1959 – Канавералын хошуунаас  Авель баБейкер  гэсэн хоёр шимпанзег америкчууд сансарт нисгэн амжилттайгаар эргэн буулгажээ.

1964- Палестины чөлөөлөх байгууллага үүссэн өдөр.

1968- АНУ-ын Тэнгисийн цэргийн командлал атомын шумбадаг онгоц “Скорпион” алга болсныг мэдээлэв. Хоёр цөмийн цэнэгтэй уг шумбагч Азорын арлын орчим 2500 метрын гүнд живэн 99 усан цэргийн амийг авч оджээ.

1976 – Москвад ЗХУ, АНУ-ын хооронд энхийн зорилгоор газар доорх цөмийн туршилтыг хориглох  тухай гэрээнд гарын үсэг зуржээ.

1982 – Парисаас Бухарест хүртэл 78 жилийн турш үйлчилсэн “Дорнын буухиа” галт тэрэг сүүлчийн аяллаа хийсэн байна. Хожим 1982 оны яг энэ өдрөөс шинэчлэгдэн сэргэжээ.

1987 – 18 настай Герман залуу Матиас Руст нь Москвагийн Улаан талбайд өөрийн спортын онгоц болох «Сессна-172Б Скайхок»-оор буужээ.

1996 – Англид хүдэр ачсан 540 вагон чирсэн хамгийн хүнд  72 191,54 тоннын жинтэй галт тэрэг явжээ.

1998— Пакистан Улс Балужистан мужид тус бүр нь 18 килотонн хүчин чадалтай цөмийн таван цэнэгийг туршсан байна.

2003-Иракийн Хит хотод Америкийн цэргийн эсрэг бослого гарчээ. Босогчид АНУ-ын нэг нисдэг тэргийг сөнөөж дөрвөн цэргийн албан хаагчийг хөнөөсөн байна. Мөн хотын орон нутгийн цагдаагийн байруудыг довтлон сүйтгэжээ.