Дэлхий дахинд

Оросын алдартай сэтгүүлчид тулгасан хар тамхины хэргийг хэрэгсэхгүй болголоо

Нийтэлсэн

5 жил өмнө

2019-06-12

Нийтэлч

Өчигдөр Оросын нэртэй эрэн сурвалжлах сэтгүүлч Иван Голуновт тулгасан хэргийг баримт хангалтгүй гэсэн шалтгаанаар хэрэгсэхгүй болгож, гэрийн хорионоос сулласан байна.

Мягмар гарагийн үдээс хойш Москва хот дахь Мөрдөн Байцаах Газарт түүний шагайнд зүүсэн хяналтын төхөөрөмжийг салгажээ. Мөрдөн Байцаах Газрын үүдэнд Голуновыг дэмжигчид олноороо цугларан хүлээж байв.

Суллагдсан сэтгүүлч “эрх ашгийн зөрчилтэй” тул өөрт нь тулгасан хэргийг эрэн сурвалжлахаас татгалзаж байгаагаа энэ үеэр мэдэгдэж, дэмжигчдээ хөгжөөжээ.

Иван Голуновыг бусдад хар тамхи зарсан хэрэгт буруутган шалгаж байсан юм. Гэвч цагдаа нар сэтгүүлчийг ажил мэргэжилтэй нь холбогдуулан өш хонзонгийн үүднээс хэлмэгдүүлсэн гэж Оросын хэвлэл мэдээллийн салбарынхан, нийгмийн зүтгэлтнүүд үзэж, сэтгүүлчийг суллахыг шаардаж байлаа. Тэмцлийн үр дүнд Оросын дотоод хэргийн яам Голуновын хэргийг шалгасан цагдаа нарыг албан тушаалаас нь түдгэлзүүлэн шалгаж эхэлсэн байна. Мөн Москва хотын хар тамхитай тэмцэх тасгийнхны цуглуулсан баримтыг хангалтгүй гэж үзээд хэргийг бүхэлд нь хаах шийдвэр гаргаснаа дотоод хэргийн сайд Владимир Колокольцев өчигдөр үдээс өмнө мэдэгджээ.

Эх сурвалж: Russia Today

Сэдвүүд:онцлох

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...