Магнийн дутагдалд орсон үед булчингаар чилж өвдөх, нойргүйдэх, нүүр, зовхи таталдах, сарын тэмдэг маш их өвдөлттэй ирэх, яс сийрэгжих, хэврэгших зэрэг шинж тэмдэг илэрдэг байна.

Магни дутагдахад нөлөөлөх хүчин зүйлүүд:

1. Хийжүүлсэн ундаа тогтмол уудаг бол.
Бараан өнгөтэй хийжүүлсэн ундаа нь фосфаттай бөгөөд энэ нь хоол боловсруулах эрхтэнд байгаа магнитай урвалд ороод, түүнийг бие махбодод хэрэгцээгүй болгож хувиргадаг. Тиймээс тэнцвэртэй хооллолтыг эрхэмлэдэг ч бор өнгийн газтай ундаа уувал магни нь хөөгдөж үгүй болдог байна.

2. Нарийн боов, бялуу, амттан, чихэр байнга идэх
Элсэн чихэрт магни агуулагддаг. Элсэн чихэр нь биеийг бөөрөөр дамжуулан магнийг гадагшлуулдаг. Ер нь, чихэрлэг хүнсийг эмч нар “анти-нутриент” буюу тэжээлийн дайсан гэж үздэг. Тиймээс чихэрлэг хүнс хэдий чинээ хэрэглэнэ, төдий чинээ магнийн дутагдалд ордог аж.

3. Стресстэй амьдарда бол
Бие махбодийн болон сэтгэл санааны стресс нь магнийн дутагдалд хүргэдэг. Стрессээс үүдэлтэй магнийн дутагдал нь хүний аливаад үзүүлэх хариу үйлдлийг ихэсгэдэг тул улам их стресстэй болгох үр дагавартай. Стресстэй бие илүү их магнийн хэрэглээг шаарддаг байна.

4. Өдөр бүр дүрдэг цай, кофе уух
Бөөр нь магнийн түвшинг хянахад чухал үүрэгтэй. Энэхүү эрхтэн нь магни болон бусад эрдэс бодисуудыг шүүж, илүүдлийг нь шээсээр гаргадаг. Коффейн нь илүүдэл бүү хэл “илүүдэл биш” эрдэс бодисуудыг ч шээсээр гаргахад хүргэдэг. Өглөө бүр кофе, орой бүр дүрдэг цай уудаг бол магнийн дутагдалд орох өндөр магадлалтай юм байна.

5. Зүрхний эм, астма өвчний эм, жирэмслэлтээс хамгаалах эм, эстроген орлуулагч байнга хэрэглэдэг бол
Эдгээр эм нь биеэс магнийг хөөж, дутагдалд оруулах нөлөөтэй байдаг.

6. Алкохоль их хэрэглэх нь
Алкохоль нь магнийн түвшинд үзүүлэх нөлөө нь бөөрөөр дамжуулан магнийг хөөснөөр, эсэн дэх агууламжийг нь багасгах хэлбэрээр илэрдэг. Алкохоль тогтмол хэрэглэдэг хүмүүсийн 30 хувь нь магнийн их хэмжээний дутагдалд орсон байдаг аж.

7. Магнийн агууламжгүй, эсвэл 1:1-ээс бага хэмжээтэй кальцийн бэлдмэл уудаг бол
Магнийн хэрэглээ бага байх үед кальцийн бэлдмэл уувал хүнсээр авсан магнийг ч үлдээдэггүй байна. Кальцийн бэлдмэл нь магнид сөрөг нөлөөтэй бол нөгөө талаас магнийн бэлдмэл нь биеийн кальциа зарцуулах чадварт эерэгээр нөлөөлдөг гэнэ. Кальци, магни хосолсон бэлдмэл хэрэглэх нь зөв аж.

8. Дараахь шинж тэмдгүүд илэрвэл:
• Бухимдал
• Үе үе бие хэт идэвхжиж байгаа юм шиг санагдах
• Нойргүйдэл
• Жаахан чимээнд сэрэх
• Булчингаар чилж өвдөх
• Нүүр таталдах
• Зовхи таталдах
• Эрч хүчгүй, сул дорой байдал
• Сэтгэл санааны байдал гэнэт гэнэт өөрчлөгдөх
• Сандруу байдал
• Толгой таллаж өвдөх
• Зүрх савлах
• Ядаргаанд орох
• Хоолны дуршил буурах
• Огиудас цутгах
• Байнга шөрмөс татах

Магни бол булчинг амраах зориулалттай эрдэс бодис юм. Үүнгүйгээр булчин үргэлжийн агшилтын байдалтай байна гэсэн үг. Харин кальци бол булчинг агшаах дохиог өгдөг эрдэс бодис. Кальци, магни хоёр бол хүний биед заавал байх эрдэс бодис. Мөн магни нь шүд ясны бат бөх байдалд оролцдог ажээ.

9. Өглөө бүр гүйдэг эсвэл байнга идэвхтэй дасгал хөдөлгөөн хийснээр
Хөдөлгөөн хэзээд сайн зүйлд хүргэдэг. Гэхдээ эрдэс бодисоор баялаг биш хоол хүнс хэрэглэнгээ биеэ хэт их ачаалалд оруулбал, шөрмөс болон булчин татах зовиурууд илэрдэг байна.