Зөв амьдрах ухаан” гээд дориун нэртэй энэ байгууллага сүүлийн үед “нөгөө” утгаараа нэрд гарч байна гэхэд хилсдэхгүй. Ийн хэлэхийн учир нь  тус байгууллагын тэргүүн Г.Загдаа гэгчийн авир араншин, хууль бус үйлдлийн талаар иргэд удаа дараа ярьсаар байгаа юм.

Харин хууль хүчний байгууллага чухам яагаад, юу хүлээгээд өнөөдрийг болтол энэ асуудлыг авч үзэхгүй, иргэд олон нийтэд бодитой, үнэн зөв мэдээлэл өгөхгүй байгаа нь өөрөө асуудал болоод байна.

Өнөөдөр “Хохирогчдын холбоо” төрийн бус байгууллагаас хийсэн мэдээллийн үеэр олон ноцтой асуудлууд дурдагдлаа. Тэнд 40 гаруй хүүхэд байдаг бөгөөд насанд хүрээгүй хүүхдүүд хүчирхийлэлд өртөх нь юу ч биш. Харин ч бүр бэлгийн хүчирхийлэлд өртсөн байх магадлалтайг онцлов.

Эх үр, эцэг хүүхдүүдийг салгасан тохиолдлууд ч байгаа аж.

Хуулийн байгууллага тухайн хүнийг эх, эцэг байх эрхийг нь хасаагүй байхад Г.Загдаа гэж эрхэм яагаад ийнхүү хуулийн дээгүүр “жаална” вэ. Түүнд ийм боломж олгож байгаа хууль хүчний байгууллагууд яагаад дорвитой арга хэмжээ авахгүй байна вэ.

Иргэн Ж.Сандагдорж “Намайг зодож байгааг харсан мөрдөн байцаагч хүртэл яаж ч чадаагүй.” гэж хэлсэн. Яагаад яаж ч чадаагүй юм бэ. Уг нь эл үйлдлийг таслан зогсоох ёстой биз дээ. Гэтэл түүний хэлснээр яаж ч чадаагүй” гэдэг нь Монголын мөрдөн байцаах ажиллагааны хэвийн үзэгдэл” гэх дүр зургийг эндээс харж болох ч юм шиг…

Таны миний хүүхэд шиг, дүү шиг, эгч шиг чинь нэгэн монгол ээж гурван хүнд хүчирхийлүүлчхэж. Үртэй хүний  гол тасардаггүй гэхчээр хүүхдээ бодож дуугүй явсаар өнөөдөр тэсвэр тэвчээр нь алдарч гэж бүсгүйн ярианаас харагдаж байна.

Зөв амьдрах ухаан” ТББ-д Д.Халиунаа шиг олон эмэгтэйчүүд, Ж.Сандагдорж шиг олон аавууд байгаа” гэхээс сэтгэл өвдөж байна. Өнөөдөр зориг, зүрх гаргаж “Миний амь нас хохирвол Загдаа ахтай холбоотой” гэж захиас захиж байгаа нь  эцсийн үгээ хэлж байгаа юм шиг олон түмэний ой тойнд  бууж байна.

Монгол Улсын Үндсэн хуульд “ХҮН БҮР АМЬД ЯВАХ ЭРХТЭЙ” гэж заасан байдаг.  Бас бусдыг гүтгэхгүй, доромжлохгүй, дарамтлахгүй байх тухай хүний эрх чөлөөний тухай  заасан байдаг.
Иргэн хүн амьд явах эрхээсээ татгалзах, өөр сонголтгүй болох, амьд биш байх байдал руу түлхэх зэрэгт ямар ч эрх мэдэлтэн шууд болон шууд бусаар нөлөөлөх ёсгүй…

Өнөөдрийн энэ хохирогчид гэж байгаа хүмүүсийн яриа “хүний амь нас эрсдэхээс урьтаж цагдаа, хууль шүүх, прокурор, хүчний байгууллагууд тодорхой арга хэмжээ авах хэрэгтэй байгааг сануулж, сэрэмжлүүллээ. Нийгмээрээ зөв буруу гэж талцаж байна. Харин хууль хүчний байгууллагынхан юу хийгээд байна вэ…