Белорусийн ерөнхийлөгчийн сонгуульд ялсан гэж сөрөг хүчнийхэн үзэж байгаа  Светлана Тихановская аравдугаар сарын 26-ныг улс орон даяар бүх нийтийн ажил хаялтын өдөр гэж зарласан байна. Тэрбээр эрх баригчид сөрөг хүчнийхний тавьж байгаа “Ардын шаардлагын өдөр”-ийн шаардлагыг биелүүлэхгүй байна гэжээ. “Аравдугаар сарын 26-нд Белорус даяар бүх нийтийн ажил хаялт эхэлнэ. Ард түмний үг бол хууль учраас Белорусь ийм алхам хийхэд хүрлээ. Хууль биднийг арчиж хаяхыг оролдож байгаа ч бид түүнийг заавар эргүүлнэ.  Энэ бүхэнд бидэнд эв нэгдэл гэдэг энхийн зэвсэг л тусална” гэж Тихановская “Амьдралын төлөөх эх орон” Telegram-сувагт яриа өгөхдөө мэдэгдсэн байна.

Олон нийтийн эсэргүүцлийн цуглаан жагсаалын эсрэг хүчнийхэн дуут гар бөмбөг ашиглаж байгааг тэр онцолжээ. Түүнийхээр бол Лукашенкогийн дэглэм “Үнэнийг ярих, хэлсэн үгнийхээ төлөө хариуцлага хүлээх, хүмүүсийн шаардлагыг биелүүлэхийг хүсэхгүй байна” гэнэ. “Тэгэхээр энэ дэглэм белорусийн ард түмний хүсэл эрмэлзэл биш. Энэ дэглэм эрх мэдлээ алдаж байна” гэж мэдэгдэлдээ дурдсан байна.

Нийслэл Минск болон бусад хотуудад ерөнхийлөгчийн сонгуулийн дүнг хүлээн зөвшөрөхгүй иргэдийн жагсаал “Ардын шаардлагын өдөр” уриан дор  болсоор байна. “Нехта Live” Telegram сувгийн мэдээлснээр амралтын өдрөөр нийслэлийн гудамжинд 100 гаруй мянган хүн гарч жагссан байна. Хууль сахиулагчид тусгай хэрэгсэл ашиглан 100 гаруй хүнийг баривчилжээ.