Авлигын хэрэгт холбогдоод, улсдаа хотын хамгийн баян  захирагч болоод байгаа Томск хотын амбан захирагч Иван Кляйны гэрт нэгжлэг хийхийн өмнө эхнэр нь  1.3 тэрбум рублийн хадгаламж бүхий карт нуусан дэрээ цонхоор шидэхийг оролдсон байна.

Томск хотын захирагчаар 2013 оноос ажиллаж байгаа Иван Кляйн  хамгийн их орлоготой хангалуун албан тушаалтан болсон юм. Зөвхөн өнгөрсөн 2019 онд гэхэд л тэдний гэр бүл албан ёсны орлогоо 400 сая рубль гэж хөрөнгө орлогын мэдүүлэгтээ бичиж байжээ.

Кляйны эхнэрийн цонхоор шидсэн дэрийг “Томскийн пиво” компанийн жолооч авч машинда ануухыг оролдсон ч хууль сахиулагчид газар дээр нь илрүүлэн саатуулссан байна. Дэрэнд оросын болон швейцарийн банкнуудын карт олсон дотор 1.3 тэрбум рубль байсан гэнэ. Үүнээс гадна Кляйны гэр бүлийн хувийн дансанд долоон тэрбум гаруй рубль байсныг хүчнийхэн олж битүүмжилсэн байна.

Иван Кляйны гэр бүлийн эзэмшдэг “Томскийн пиво” компани өнгөрсөн онд 5.21 тэрбум рублийн ашигтай ажилласан байдаг. Тэрбээр 2.5 мянган хавтгай дөрвөлжин метр газартай бол эхнэрийн нь нэр дээр 510 хавтгай дөрвөлжин метр газар, 188 хавтгай дөрвөлжин метр талбай бүхий харштай гэнэ.

Иван Кляйны авлигын хэргийг  2021 оны нэгдүгээр сардд шүүхээр шийдэх хүртэл түүнийг цагдан хорих юм байна.