Нийгэм

Шүүхийн шийдвэр гүйцэтгэх байгууллагын тэргүүний газар, хэлтэс, анги, байгууллагуудыг шалгарууллаа

Нийтэлсэн

4 жил өмнө

2020-12-29

Нийтэлч

Шүүхийн шийдвэр гүйцэтгэх ерөнхий газар үйл ажиллагааны тайлангийн хурлыг цахим хэлбэрээр зохион байгуулж (2020.12.28), 2020 оны зорилт, гүйцэтгэлийн төлөвлөгөөний биелэлтийг танилцууллаа.

Тус хуралд Шүүхийн шийдвэр гүйцэтгэх ерөнхий газрын дарга, хурандаа Д.Загджав болон ШШГЕГ-ын алба, газар, хэлтэс, харьяа анги, байгууллагын удирдлагууд цахимаар оролцсон бөгөөд хурлыг дарга, хурандаа Д.Загджав нээлээ.

Улмаар Захиргааны удирдлагын газрын дарга, хурандаа С.Батбямба 2020 онд дэвшүүлсэн зорилт, гүйцэтгэлийн төлөвлөгөөг амжилттай хэрэгжүүлж, тодорхой үр дүнд хүрснийг дурдаад зарим онцлох ажлын талаарх мэдээллийг хүргэж, хуулиар хүлээсэн чиг үүргээ амжилттай биелүүлж, дэвшүүлсэн зорилт, гүйцэтгэлийн төлөвлөгөөг бүрэн хангаж ажилласан тэргүүний газар, хэлтэс, анги, байгууллагуудыг шалгаруулсан тушаалыг уншиж танилцуулав.

2020 онд үйл ажиллагааны үр дүнгээр тэргүүлсэн нэгжээр Нийслэлийн шүүхийн шийдвэр гүйцэтгэх газар,

Тэргүүнийн шийдвэр гүйцэтгэх тасгийн төрөлд:

нэгдүгээр байрт Сонгинохайрхан дүүргийн Шийдвэр гүйцэтгэх 2 дугаар тасаг

хоёрдугаар байрт Сонгинохайрхан дүүргийн Шийдвэр гүйцэтгэх 1 дүгээр тасаг

гуравдугаар байрт Банк, хадгаламж зээлийн хоршоодын төлбөр барагдуулах ажлын албаны Сонгинохайрхан дүүргийн Шийдвэр гүйцэтгэх тасаг

Тэргүүний “Аймаг дахь Шүүхийн шийдвэр гүйцэтгэх газар”-ын төрөлд:

нэгдүгээр байрт Завхан аймаг дахь ШШГГ

хоёрдугаар байрт Сүхбаатар аймаг дахь ШШГГ

гуравдугаар байрт Төв аймаг дахь ШШГГ

Тэргүүний “Хорих анги бүхий Шүүхийн шийдвэр гүйцэтгэх газар, хэлтэс”-ийн төрөлд:

нэгдүгээр байрт Сэлэнгэ аймгийн Мандал сум дахь ШШГХ-413 дугаар нээлттэй, хаалттай хорих анги

хоёрдугаар байрт Говьсүмбэр аймаг дахь ШШГГ-425 дугаар нээлттэй хорих анги

гуравдугаар байрт Дархан-Уул аймаг дахь ШШГГ- 445 дугаар нээлттэй хорих анги

Тэргүүний “Төвлөрсөн хорих анги”-ийн төрөлд:

нэгдүгээр байрт 409 дүгээр хаалттай хорих анги

хоёрдугаар байрт 421 дүгээр нээлттэй хорих анги

гуравдугаар байрт 427 дугаар нээлттэй, хаалттай хорих анги

Тэргүүний “УТҮГ, ТӨААТҮГазар”-ын төрөлд:

нэгдүгээр байрт “Газар ивээл” УТҮГ

хоёрдугаар байрт, “Хэрэмт цамхаг” УТҮГ

гуравдугаар байрт Үйлдвэр, аж ахуй, барилгын хэлтэс тус тус шалгарав.

Хурлын төгсгөлд ШШГЕГ-ын дарга, хурандаа Д.Загджав 2021 оныг “Шүүхийн шийдвэр гүйцэтгэх байгууллагын үйл ажиллагаанд технологийн дэвшлийг нэвтрүүлж, албаны бэлэн байдал, сахилга бат, ажлын хариуцлагыг дээшлүүлэх” жил болгон зарласантай холбогдуулан тодорхой чиглэлээр үүрэг даалгавар өгч, 2020 онд ажлын гүйцэтгэл, үр дүнгээрээ шалгарсан газар, хэлтэс, анги, байгууллагуудын удирдлага, хамт олонд баяр хүргэж, цаашид энэхүү амжилтаа улам бататган ирэх онд дэвшүүлсэн зорилтоо амжилттай хэрэгжүүлж ажиллахыг чиглэл болголоо.

Эх сурвалж: ШШГЕГ

Сэдвүүд:

Дэлгэрэнгүй ...

Нийгэм

“Агросити” дагуул хотын хөгжлийн ерөнхий төлөвлөгөө боловсруулах нээлттэй тендерийг дахин зарлалаа

Нийтэлсэн

3 цаг өмнө

2025-04-24

Нийтэлч

24barimt

Улаанбаатар хотын хүнсний аюулгүй байдал, импортын бүтээгдэхүүний хэмжээг бууруулах, хямд өртөгтэй эрүүл хүнсээр хангах, инновац шингэсэн үйлдвэрлэл, ажлын байрыг нэмэгдүүлэх зорилгоор “Агросити” дагуул хотыг барихаар төлөвлөж байна. Энэхүү “Агросити” дагуул хотын хөгжлийн ерөнхий төлөвлөгөө боловсруулах ажлын гүйцэтгэгчийг сонгон шалгаруулах нээлттэй тендерийг дахин зарлалаа. Тендерийн материал хүлээн авах эцсийн хугацаа тавдугаар сарын 7-ны өдөр бөгөөд орон нутгийн төсвийн хөрөнгө оруулалтаар санхүүжүүлнэ.

“Агросити” дагуул хот нь Сонгинохайрхан дүүргийн 21 дүгээр хорооны нутаг дэвсгэрт 361-ын гарам, Рашаант, Жаргалант зэрэг бодлогын баримт бичигт тусгагдсан суурьшлын бүсүүдтэй. Дагуул хотын нутаг дэвсгэрийн 9000 га талбайд Засгийн газрын 2024 оны 220 дугаар тогтоолоор “Эдийн засгийн тусгай бүс”-ийг байгуулсан. Одоогийн байдлаар хотын уг суурьшлын бүсэд 2689 өрхийн 7652 иргэн оршин сууж байна. Тус бүсэд цахилгаан хангамжийн шугам сүлжээ хэвийн, бие даасан дулааны эх үүсвэртэй.

“Агросити” дагуул хотын хөгжлийн ерөнхий төлөвлөгөө боловсруулах ажлын гүйцэтгэгчийг сонгон шалгаруулах нээлттэй тендерийн дэлгэрэнгүй мэдээллийг

https://www.tender.gov.mn/mn/invitation/detail/1743569957779 холбоосоор авна уу.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй ...

Нийгэм

Өвөрбайгалийн нутаг дэвсгэрт 178 мянган га талбайг хамарсан 36 түймрийг унтраахаар ажиллаж байна

Нийтэлсэн

3 цаг өмнө

2025-04-24

Нийтэлч

24barimt

Өвөрбайгалийн нутагт гарсан ой, хээрийн түймрийг унтраахаар 1389 хүн, 123 техник хэрэгсэлтэйгээр ажиллаж байгааг тухайн бүс нутгийн Засгийн газрын Telegram сувагт мэдээллээ.

Газимуро-Заводский, Могочинский, Нерчинский, Нерчинско-Заводский, Чита, Сретенский дүүрэгт 19 мянга гаруй га талбайг хамарсан долоон түймрийг дөрөвдүгээр сарын 23-ны өдрийн 19:00 цагт бүрэн унтраасан байна.

Харин дээрх дүүргүүдийн нутаг дэвсгэрт өнөөдрийн байдлаар 178 мянган га талбайг хамарсан 36 түймэр асаж байна. Үүний дийлэнх буюу 125 мянга нь Тунгокоченскийн дүүрэгт гарсан гэж мэдээллээ.

Энэ жил тус бүс нутагт ой, хээрийн түймрийн тохиолдол их байгаа бөгөөд өнгөрсөн онтой харьцуулахад 19 дахин өссөн байна.

Дэлгэрэнгүй ...

Нийгэм

Зорчигчийн галт тэрэгний цагийн хуваарьт өөрчлөлт орлоо

Нийтэлсэн

3 цаг өмнө

2025-04-24

Нийтэлч

24barimt

Улаанбаатар Төмөр зам ХНН-ээс 2025 оны дөрөвдүгээр сарын 28-ны өдрөөс эхлэн тавдугаар сарын 28-ны өдрийг дуустал зорчигчийн галт тэрэгний цагийн хуваарьт орсон өөрчлөлтийг танилцууллаа.

Үүнд:

1. Эрдэнэт:

Улаанбаатар-Эрдэнэт чиглэлийн галт тэрэг Улаанбаатар хотоос дөрөвдүгээр сарын 28-ны өдрөөс эхлэн 18:55 цагт хөдөлж, Эрдэнэт өртөөд 08:30 цагт очно.
Эрдэнэт-Улаанбаатар чиглэлийн галт тэрэг Эрдэнэт өртөөнөөс дөрөвдүгээр сарын 28-ны өдрөөс эхлэн 17:10 цагт хөдөлж, Улаанбаатар хотод 06:15 цагт ирнэ.

2. Сүхбаатар:

Улаанбаатар-Сүхбаатар чиглэлийн галт тэрэг дөрөвдүгээр сарын 28-ны өдрөөс эхлэн Улаанбаатар хотоос 09:35, 18:55 цагт хөдөлж, Сүхбаатар өртөөд 18:50, 04:35 цагт очно.
Сүхбаатар-Улаанбаатар чиглэлийн галт тэрэг дөрөвдүгээр сарын 28-ны өдрөөс эхлэн Сүхбаатар өртөөнөөс 19:56 цагт хөдөлж, Улаанбаатар хотод 06:15 цагт ирнэ.
Дөрөвдүгээр сарын 29-ны өдрөөс эхлэн Сүхбаатар өртөөнөөс 05:55 цагт хөдөлж, Улаанбаатар хотод 15:20 цагт ирнэ.

3. Дархан:

Улаанбаатар-Дархан чиглэлийн галт тэрэг Улаанбаатар хотоос 09:35, 18:55 цагт хөдөлж, Дархан өртөөд 16:35, 01:58 цагт очно.
Дархан-Улаанбаатар чиглэлийн галт тэрэг Дархан өртөөнөөс 08:15, 23:20 цагт хөдөлж, Улаанбаатар хотод 15:20, 06:15 цагт ирнэ.