Дэлхий дахинд
Энэтхэгт онц ноцтой галт тэрэгний ослын улмаас амь үрэгдсэн хүний тоо нэмэгдэж байна
Энэтхэгт сүүлийн 20 гаруй жилд үзэгдээгүй онц ноцтой галт тэрэгний осол сүйрэл тохиолдож, үүний уршгаар амь эрсэдсэн хүний тоо, албаныхны сүүлд мэдээлснээр 280 гаруй болоод байна. Энэхүү осол сүйдэлд амь эрсэдсэн хүмүүсийн дурсгалыг хүндэтгэн Одиша мужид гашуудал зарлаад байна.
Энэтхэгийн зүүн бүсийн Одиша мужийн Баласор хотод баасан гарагийн орой, орон нутгийн цагаар 19 цагийн орчимд зорчигч тээврийн галт тэрэг замаасаа гарч, хурдан галт тэрэгтэй мөргөлдөж, улмаар зам дээр зогсож байсан ачааны галт тэргийг мөргөжээ. Ихээхэн хэмжээний эвдрэл сүйдэл тарьсан энэ ослын улмаас наанадаж 900 хүн гэмтэж бэртсэн мэдээтэй байна. Галт тэрэгний сэг зэмүүд дундаас амьд үлдсэн хүмүүсийг эрэн хайх ажиллагаанд аврагчид болон 200 гаруй эмч, эмнэлгийн ажилтнууд хүч нэмэгдүүлэн ажиллаж байна. Энэтхэгт сүүлийн 20 гаруй жилд үзэгдээгүй нүд хальтрам энэ осол сүйдлийн улмаас амь үрэгдсэн хүний тоо цаашид ч нэмэгдэх төлөвтэй байгааг албаныхан мэдээлж байна. Төмөр замын сайд Ашвини Вайшнав амь үрэгдсэн хүмүүсийн ар гэрт 1 сая рупий буюу 12 мянган долларын тусламж үзүүлнэ гэсэн бол, хүнд хөнгөн гэмтсэн хүмүүст 50-200 мянган рупий олгох шийдвэр гарсныг мэдээлсэн байна. Мөн зарим мужийн засаг захиргаадын зүгээс нөхөн төлбөр олгохоо зарлаж байна. “Энэтхэгийн төмөр зам”-ын тэргүүн өмнө нь, Одишад болсон энэ осол хурдан галт тэрэгний вагонууд замаасаа гарснаас болсон гэдэг мэдээлэл өгсөн боловч вагонууд замаасаа гарсан шалтгаан одоогоор тодорхой болоогүй байгаа юм байна. Амь үрэгдсэн, гэмтэж бэртсэн хүмүүсийн ар гэрийнхэнд эмгэнэл илэрхийлж, хохирогчдод шаардлагатай тусламж үзүүлэхийн төлөө боломжтой бүхнийг хийж байна гэж мэдэгдсэн Энэтхэгийн Ерөнхий сайд Нарендра Моди өнөөдөр/2023.06.03/ Төмөр замын яамны удирдах албаныхныг оролцуулсан онц хуралдаан зарлан хуралдуулсны зэрэгцээ сүйрлийн газар дээр очиж байдалтай биечлэн танилцах төлөвлөгөөтэй байна. Энэтхэг улс дэлхийд хамгийн томоохонд орох төмөр замын сүлжээтэй.
Энэтхэгийн төмөр замын мэдээгээр, энэ сүлжээгээр өдөр тутам 13 сая гаруй хүнийг тээвэрлэдэг байна. Гэвч төрийн мэдэлд байдаг монопол энэ сүлжээний дэд бүтэц хэт хуучирч муудсанаас аюулгүй байдлын үзүүлэлт хамгийн доогуурт тооцогддог.
Хэдийгээр засгийн газар нь төмөр замын дэд бүтцээ сайжруулахад хэдэн зуун сая долларын хөрөнгө оруулдаг ч гэлээ галт тэрэгний осол өдөр алгасахгүй шахам гарсаар байдаг гэдгийг хэвлэлүүд дурдаж байна.
Энэтхэгт үүнээс өмнө хамгийн олон хүний аминд хүрсэн галт тэрэгний осол 1981 онд Бихар мужид гарч байсан байна. Даац хэтрүүлсэн зорчигч тээврийн галт тэрэг хар салхины үеэр замаасаа гарч, гол руу унаснаас наанадаж 800 хүн үрэгдсэн аймшигт осол болж байсан юм байна.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Нийгэм5 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм4 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм4 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм4 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ
-
Нийгэм2 цаг өмнө
ЦЕГ: 350 хэргийг шүүхэд шилжүүлэх саналтай прокурорт хүргүүллээ
-
Улс төр2 цаг өмнө
Монгол Улсын Ерөнхийлөгч У.Хүрэлсүх ээжүүдэд Алдарт эхийн одон гардууллаа
-
Нийгэм2 цаг өмнө
Монгол Улсаас жүдо бөхийн 6 дахь Дэлхийн аварга төрлөө
-
Нийгэм1 цаг өмнө
Х.Нямбаатар: Нийслэлийн өмчийн асуудалтай холбоотойгоор Л.Наранбаатар, Ц.Батбаатар нарыг хуулийн байгууллагаар шалгуулна