Дэлхий дахинд
Байден эрүүл мэндийн асуудлаас болж бүх ажлаа цуцлав
АНУ-ын ерөнхийлөгч Жо Байден Даваа гаригт эрүүл мэндийн асуудлаас болж төлөвлөсөн бүх ажлаа цуцалжээ. Тэрбээр өчигдөр НАТО-ийн ерөнхий нарийн бичгийн дарга Йенс Столтенбергтэй уулзах ёстой байсан. Мөн дэд ерөнхийлөгч Камала Харрисын зохион байгуулсан коллежийн тамирчдад зориулсан ёслол, дипломатуудад зориулсан оройн хүлээн авалт зэрэг үйл ажиллагаатай байжээ.
Жо Байдены эмч Кевин О’Коннорын мэдэгдсэнээр ерөнхийлөгчийн доод араа шүд Ням гаригт өвдөж эхэлжээ. Тиймээс рентген зураг авч, үзлэг хийсний эцэст сувгийн мэс засал хийх болсон байна. Даваа гаригийн үд дунд гэхэд мэс засал амжилттай дууссаныг Цагаан ордон мэдэгдлээ.
НАТО-гийн тэргүүн Йенс Столтенберг болон Жо Байден нарын уулзалтыг Мягмар гариг хүртэл хойшлуулсан байна. Энэ оны сүүлээр Йенс Столтенберг албан тушаалаа хүлээлгэж өгөх тул оронд нь хэнийг томилох вэ гэдэг анхаарал татаж буй. Томилгооны асуудлыг Европ хариуцах боловч НАТО-ийн хамгийн том, хамгийн хүчирхэг гишүүн болох АНУ-ын ерөнхийлөгчийн дэмжлэгийг шаарддаг. Литвад долдугаар сард болох дээд хэмжээний уулзалтын үеэр шинэ удирдагчийг томилох төлөвтэй байна.
Их Британийн Батлан хамгаалахын сайд Бен Уоллесийг нэр дэвшүүлэх хүсэлтийг тус улсын ерөнхий сайд Риши Сунак дэвшүүлсэн. Байден түүнийг маш чадварлаг гэж нэрлэсэн ч эцсийн шийдвэрийг гаргахын тулд НАТО-ийн хүрээнд зөвшилцөлд хүрэх ёстой гэжээ.
Түүнчлэн Данийн ерөнхий сайд Метте Фредериксен өнгөрсөн долоо хоногт Цагаан ордонд зочилж, Жо Байдентай уулзсан. Энэ уулзалт нь НАТО-ийн удирдагчийн томилгооны асуудалтай холбоотой байж магадгүй гэж Европын зарим албан тушаалтан үзжээ. Нидерландын ерөнхий сайд Марк Рютте, Эстонийн ерөнхий сайд Кажа Каллас нар мөн боломжит нэр дэвшигчийн тоонд багтаж байна.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Нийгэм2 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм1 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм1 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм1 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ