Дэлхий дахинд
НҮБ: Дэлхий даяар аргагүйн эрхэнд дүрвэсэн 110 сая шахам хүн байна
Дэлхийн хэмжээнд дүрвэгсдийн чиг хандлага 2022 онд ямар байсан талаарх НҮБ-ын тайлан илтгэл өнөөдөр нийтлэгдлээ. Өнгөрсөн оны туршид 19 сая шахам хүн аргагүйн эрхэнд орон гэрээ орхиж дүрвэсэн нь энэ талын ажиглалт явуулсан түүхэнд, жилийн доторх хамгийн өндөр өсөлт болсныг НҮБ-ын Дүрвэгчдийн асуудал эрхэлсэн Дээд комиссарын газар тэмдэглэж байна.
Улмаар 2022 оны төгсгөлд дүрвэгчдийн нийт тоо 108,4 саяд хүрчээ. Аюулгүй байдал эрэлхийлж гадаад улсуудыг зорьсон буюу дүрвэгч болсноор бүртгэлд орсон хүний тоо 2022 онд 35,3 сая болсон бол, улс орон дотроо шилжилт хөдөлгөөнд өртсөн хүмүүс 62,5 саяар тоологдож байгаа юм байна. Дүрвэгчдийн тоо ингэж урьд байгаагүй олноор нэмэгдэхэд, Украины дайн болон Суданд болж байгаа зэвсэгт мөргөлдөөн гол түлхэц үзүүлснийг НҮБ-ын Дүрвэгчдийн асуудал эрхэлсэн Дээд комиссарын газар тайландаа онцолсон байна. Тухайлбал, Украинаас дүрвэгчдийн тоо 2021 оны төгсгөлд 27300 байсан нь 2022 оны эцэст 5,7 сая болж нэмэгджээ. Энэ нь Дэлхийн хоёрдугаар дайнаас хойших түүхэнд дүрвэгсдийн хамгийн хурдацтай урсгал болсныг НҮБ-ын агентлаг мөн тэмдэглэсэн байна. Үүний зэрэгцээ дүрвэгчдийг хамгийн олноор хүлээж авсан орнуудын тоонд чинээлэг орнууд байхгүй байгааг НҮБ онцлон дурдлаа. Арга буюу өөр улс орнууд руу дүрвэж цагаачилсан хүмүүсийн 20 гаруй хувь нь хөгжлөөр хамгийн хоцрогдмол, дэлхийн ДНБ-ий 1,3 хувиас бага хувийг бүрдүүлдэг 46 улсад оногдож байгаа дүр зурагтай байна. Тэгсэн атлаа эдгээр улсад дүрвэгч цагаачид хүлээж авснаас нь үүдэж тулгарч байгаа асуудал бэрхшээлүүд, хэрэгцээ шаардлагыг нь хангахад хүрэлцэх хэмжээний хөрөнгө мөнгөний дэмжлэг огтоос үзүүлээгүй гэдгийг мөн анхааруулсан байна.
Энэ үүднээс “үүрэг хариуцлагын тэгш шударга хуваарилалт, олон улсын өргөн дэмжлэг энэ асуудалд шаардлагатай байгааг” НҮБ-ын Дүрвэгчдийн асуудал эрхэлсэн дээд комиссар Филиппо Гранди мэдэгдсэн байна. 6-р сарын 20-нд болдог Дэлхийн дүрвэгчдийн өдрийн босгон дээр нийтлэгдсэн тайланд тэрчлэн, дайн хямрал, мөргөлдөөнөөс гадна уур амьсгалын өөрчлөлтөөс үүдэлтэй байгалийн гамшиг сүйдлийн улмаас улс орон дотроо болон хилийн чанад руу дүрвэгчдийн урсгал энэ 2023 онд ч үргэлжлэн нэмэгдэх төлөвтэй байгааг дурдсан байна.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Улс төр1 цаг өмнө
Мюнхэн хотын Амбан захирагч Кристоф Мартин Гёбель илтгэл тавилаа
-
Нийгэм9 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм9 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм9 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм9 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ
-
Улс төр6 цаг өмнө
Монгол Улсын Ерөнхийлөгч У.Хүрэлсүх ээжүүдэд Алдарт эхийн одон гардууллаа
-
Нийгэм6 цаг өмнө
Монгол Улсаас жүдо бөхийн 6 дахь Дэлхийн аварга төрлөө
-
Нийгэм6 цаг өмнө
Х.Нямбаатар: Нийслэлийн өмчийн асуудалтай холбоотойгоор Л.Наранбаатар, Ц.Батбаатар нарыг хуулийн байгууллагаар шалгуулна