Дэлхий дахинд
Мароккод болсон газар хөдлөлтийн уршгаар амиа алдсан хүний тоо 2800-г давжээ
Мягмар гарагийн өглөөний байдлаар Марокко улсад болсон газар хөдлөлтийн улмаас амь насаа алдсан хүний тоо 2800 давжээ. Гамшгаас хойш 72 цаг хэдийн өнгөрсөн боловч нурангиас хүмүүсийг олж аврахыг чармайсаар байна. Газар хөдөлснөөс хойш 3 хоног дотроо хүмүүсийг эсэн мэнд гаргаж авах боломж хамгийн өндөр байдаг. Энэ хугацаа нэгэнт өнгөрсөн тул цаашид хохирогчдын тоо улам нэмэгдэж магадгүй гэж албанынхан мэдээлжээ.
Газар хөдлөлт Марокко улсын өмнөд хэсгийн Атласын нуруу орчимд хамгийн хүчтэй болсон. Уулархаг бүс тул байшин барилга нурахаас гадна уулнаас хад чулуу нурах зэргээр хохирлын хэмжээг улам нэмэгдүүлж, эрлийн ажиллагаанд саад болж байгааг онцгой байдлынхан хэлж байна. НҮБ-ын хүүхдийн сангаас бага насны хүүхдүүд газар хөдлөлтөд хамгийн хүнд нэрвэгдлээ гэж мэдэгдсэн байна. Марокко улсын хүн амын гуравны нэг хэсгийг бага насны хүүхдүүд эзэлдэг. Амь насаараа хохирсон болон орон гэргүй болж, хүнд нөхцөлд байгаа хүүхдүүдийн тоо 100 мянгад хүрсэн гэж мэдэгдсэн юм. Сургууль, цэцэрлэг, эмнэлгүүд их хэмжээгээр сүйдсэн, дээрээс нь шөнөдөө агаарын хэм эрс буурч байгаа нь орон гэрээ алдсан, эмнэлгийн яаралтай тусламж шаардлагатай хүмүүст, нэн ялангуяа хүүхдүүдэд хамгийн хүн тусаж байна гэж мөн хэлсэн юм. Гамшигт өртсөн хүмүүст эмнэлгийн тусламж, аврах ажиллагаа явуулахаар НҮБ, Олон улсын улаан загалмай, хавирган сарны нийгэмлэг зэрэг олон улсын байгууллагууд газар дээр нь ажиллаж байна. Мөн гадаад улс орнуудаас очих тусламж нэмэгдсээр байна.
Франц улс Марокко улсад аврах ажиллагаа явуулж байгаа хүмүүнлэгийн байгууллагад 5 сая доллар хандивлана гэж мэдэгдсэн байна. Испани улс 56 хүний бүрэлдэхүүнтэй аврах багийг гамшгийн бүс рүү илгээжээ. Энэ онд мөн газар хөдлөлтөд өртөж, хэдэн арван мянган иргэдээ гамшгаар алдсан Турк улс 265 хүнийг тусламж үзүүлэхээр илгээх төлөвлөгөөтэй байгаагаа мэдэгдсэн. Их Британи улс бас 60 орчим хүний бүрэлдэхүүнтэй онцгой байдлын албаны хүмүүсийг аврах багаж хэрэгсэл, эмнэлгийн тусламжийн хамтаар илгээнэ гэж төлөвлөсөн байна. Мароккотой хилийн маргаанаас болж харилцаа тасраад байсан Алжир улс агаарын хилийн зурвасаа чөлөөлж, олон улсын аврах багийнхан Марокко руу нисэж хүрэх боломжийг бүрдүүлж өгсөн. Хятад улс дахь улаан загалмайн нийгэмлэг Марокко улс дахь хүмүүнлэгийн байгууллагад 200 мянган ам долларын хандив өгнө гэж Даваа гарагт уламжилсан байна. АНУ-ын зүгээс мөн Мароккод тусламж үзүүлэхэд бэлэн гэсэн бол Дэлхийн Банкны зүгээс бүх талаар тусламж үзүүлэхийг санал болгосон гэж мэдээлжээ.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Улс төр3 цаг өмнө
Мюнхэн хотын Амбан захирагч Кристоф Мартин Гёбель илтгэл тавилаа
-
Нийгэм10 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм10 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм11 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм10 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ
-
Улс төр8 цаг өмнө
Монгол Улсын Ерөнхийлөгч У.Хүрэлсүх ээжүүдэд Алдарт эхийн одон гардууллаа
-
Нийгэм8 цаг өмнө
Монгол Улсаас жүдо бөхийн 6 дахь Дэлхийн аварга төрлөө
-
Нийгэм7 цаг өмнө
Х.Нямбаатар: Нийслэлийн өмчийн асуудалтай холбоотойгоор Л.Наранбаатар, Ц.Батбаатар нарыг хуулийн байгууллагаар шалгуулна