Дэлхий дахинд
Иран улс ОХУ-аас байлдааны нисэх онгоцууд худалдан авч эхэлжээ
Иран улс Оросоос байлдааны нисэх онгоцууд, цохилт өгөх чадвартай нисдэг тэргүүд болон бусад онгоц худалдаж авч байгаа юм байна. Ираны Батлан хамгаалахын дэд сайд Махди Фарахи мэдээллийн “Ташим” агентлагт энэ тухай ярьсныг олон улсын хэвлэлүүд иш татан уламжилж байна.
Тэр сайдын мэдээлснээр, Су-35 сөнөөгч нисэх онгоцны сүүлийн үеийн загварууд, сургалт-байлдааны Як-130, цохилт өгөх хүчин чадалтай “МИ-28” нисдэг тэргүүдийг Ираны зэвсэглэлд авч эхэлжээ. Оросын батлан хамгаалах үйлдвэрлэлийн “Рособоронэкспорт” энэ тухайд харин тайлбар хийгээгүй байна. Өнгөрөгч 7 хоногт АНУ-ын засгийн газар Ираныг Орос руу баллистик пуужингууд нийлүүлж, оронд нь цэргийн тоног төхөөрөмж авч болзошгүй гэдэг байр суурь илэрхийлснээс хойш удалгүй Ираны сайд ийм мэдэгдэл хийснийг хэвлэлүүд мөн дурдаж байна. Техраны тухайд, Украинд цэрэг дайны ажиллагаагаа үргэлжлүүлж байгаа Орос улс руу нисгэгчгүй онгоцууд нийлүүлдэг гэх яриаг урьд нь үгүйсгэж байсан. Харин өрнөдийн орнууд Орос-Ираны хооронд зэвсгийн гэрээ хэлцэл хэрэгжих нөхцөлд энэ 2 улсын цэргийн хамтын ажиллагаа улам бэхжихэд түлхэц болно гэж болгоомжилж байна. НҮБ-ын зэвсгийн хоригт байсан Иран улсын тухайд энэ хоригийн үйлчлэл 2020 оны 10-р сарын 18-наар дуусгавар болсон. Үүнээс өмнө нь НҮБ-ын Аюулгүйн зөвлөл Ираны цөмийн хөтөлбөртэй холбогдуулж энэ улс руу сүүлийн үеийн зэвсэглэл нийлүүлэхэд хориг тавьж, Техранд зэвсэг худалдах хүсэлтэй улс эхлээд Аюулгүйн зөвлөлөөс зөвшөөрөл авах журам үйлчилж байжээ. Энэ хориг дууссаны дараагаас Иран улс шинэ үеийн байлдааны нисэх онгоц, нисдэг тэргүүд худалдаж авахыг гол зорих болсон байна. Учир нь 2023 оны байдлаар гэхэд, Ираны агаарын цэргийн хүчний зэвсэглэлд өнгөрсөн зууны 70-аад оны үеийн Америк болон Францын нисэх техник голдуу байдаг. Бас нэг хэсэг нь 1990-ээд оны үед нийлүүлэгдсэн Орос болон Хятадын онгоцууд байдаг гэдгээрээ орчин цагийн жолоодлоготой байлдааны нисэх онгоцны чадавх нөөц нь Ираны армийн сул тал болсон гэдгийг дэлхийн 173 улсын цэрэг, батлан хамгаалахын чадавхын үнэлгээг жил тутмаар гаргадаг Military balance хүрээлэнгийн мэдээ баримт харуулдаг байна.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Нийгэм6 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм6 цаг өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм6 цаг өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм5 цаг өмнө
Замын-Үүд сумын ойн барилдаанд Б.Орхонбаяр арслан түрүүллээ
-
Нийгэм4 цаг өмнө
ЦЕГ: 350 хэргийг шүүхэд шилжүүлэх саналтай прокурорт хүргүүллээ
-
Улс төр3 цаг өмнө
Монгол Улсын Ерөнхийлөгч У.Хүрэлсүх ээжүүдэд Алдарт эхийн одон гардууллаа
-
Нийгэм3 цаг өмнө
Монгол Улсаас жүдо бөхийн 6 дахь Дэлхийн аварга төрлөө
-
Нийгэм2 цаг өмнө
Х.Нямбаатар: Нийслэлийн өмчийн асуудалтай холбоотойгоор Л.Наранбаатар, Ц.Батбаатар нарыг хуулийн байгууллагаар шалгуулна