Чингэлтэй дүүргийн 24-р хороо, Сүхбаатар дүүргийн 15, 17-р хорооны нутаг дэвсгэр, Шадивлан зуслангийн авто замаас Дамбадаржаа хүртэлх авто замыг шинэчилж байна.

Энэ хүрээнд Шадивлан зуслангийн авто замаас Петровис ШТС хүртэлх 2.7 км урт авто замыг энэ сарын 7-ны өдрийн 01:00 цагт хааж, асфальт бетоноор хучна. Тус авто замыг энэ сарын 15-ны 06:00 цагт нээнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.

Гэр бүл, хөдөлмөр, нийгмийн хамгааллын яам Азийн хөгжлийн банкны хөнгөлөлттэй зээлээр “Цар тахлын үед хариу арга хэмжээ авах нийгмийн хамгаалал” төсөл2  хэрэгжүүлж байна.

Төсөл 2021 оны 6-р сарын 07 өдрөөс 2025 оны 08-р сарын 31 хүртэл буюу дөрвөн жил гаруйн хугацаанд хэрэгжих юм.

“Цар тахлын үед хариу арга хэмжээ авах нийгмийн хамгаалал төсөл нь гурван дэд бүрэлдэхүүнээс бүрдсэн.  Нийгмийн зорилтот иргэдэд үзүүлж буй цар тахлын сөрөг үр нөлөөг бууруулахад бодитой дэмжлэг үзүүлэх Хүүхдийн мөнгөн тэтгэмжийг нэмэгдүүлж олгосон /2021-2022 онд төсөл хэрэгжсэн/

Нийгмийн халамжийн цахим системийн хөгжүүлэлтийг хийхэд төслийн хүрээнд e-halamj, Өрхийн мэдээллийн нэгдсэн сангийн хувь зөвлөхүүдийг гэрээлэн авч ажиллуулах, мэдээллийн технологид шаардлагатай тоног төхөөрөмж худалдаж авах зэрэг ажлууд орсон. Энэ ажлын хүрээнд 2023 онд Өрхийн амьжиргааны түвшин тогтоох судалгаанд 27 мянган өрхийг хамруулсан. Мөн өрхийн мэдээллийн нэгдсэн сангийн захиргааны мэдээллийг таван байгууллагын 13 мэдээллийн сангаас 56 үзүүлэлтээр цахимаар мэдээллийг тулгаж, цахим санг ашиглалтад оруулахад 2024-2025 онд 70 гаруй мянган өрхөөс дахин судалгаа авч байна.

“Төгсгөлтийн аргачлалаар туршилтын хөтөлбөр”-ийг хэрэгжүүлж 1,259 өрхийн хөтөлбөрт хамруулсан.  Туршилтын хөтөлбөрт хамрагдсан өрхийн амьжиргааг дэмжих зорилгоор “коунчинг” буюу цогц үйлчилгээ үзүүлэх байдлаар хэрэгжүүлж, тодорхой үр дүнд хүрсэн.