Дэлхий дахинд
Хятадад тархсан уушгины хатгалгаа өвчин БНСУ-д дэлгэрчээ
Хятадад тархсан уушгины хатгагаа өвчин Өмнөд Солонгост мөн дэлгэрчээ. Тус улсын Ewha Womans University сургуулийн Сөүл дэх эмнэлэгийн зүгээс “Сүүлийн үед үүссэн микоплазмын уушигны үрэвсэл, антибиотикт тэсвэртэй байдал хүчтэй байна” хэмээн мэдээлсэн байна.
Тус эмнэлгийн хүүхэд, өсвөр үеийнхний амьсгалын замын эмч, профессор Пак Ён А энэ сарын 6-ны өдөр “Mycoplasma pneumoniae-ийн тархалт бидний санааг зовоож байна. Сүүлийн үед хэвтэн эмчлүүлж буй хүүхдүүдийн дунд антибиотикт тэсвэртэй байдал өндөр ажиглагдаж байна. Микоплазмын уушгины хатгалгаа оношлогдвол хамгийн түрүүнд макролидын антибиотик тарьдаг бөгөөд энэ үед ихэнх хүүхдүүдийн бие сайжирдаг. Гэвч саяхнаас эмнэлэгт хэвтэн эмчлүүлж байгаа хүүхдүүд антибиотик хэрэглэсэн ч шинж тэмдэг нь сайжрахгүй байх тохиолдол ихэссэн. Тиймээс өмнөхөөсөө илүү болгоомжтой байх хэрэгтэй байна” гэжээ.
Мөн тус хатгалгааны нууц үе 2-3 долоо хоног хүртэл хугацаагаар үргэлжилж болдог байна. Хэрэв халуурах, ханиалгах зэрэг шинж тэмдэг илэрсэн бол олон нийтийн газраар явахгүй байх, цэцэрлэг, сургууль, ажилдаа явахаас татгалзаж, эмчид яаралтай үзүүлэхийг тус эмнэлгээс анхааруулжээ.
Микоплазмын халдварт өвчин нь Mycoplasma pneumoniae-ээр үүсгэгддэг амьсгалын замын цочмог халдвар бөгөөд Солонгост 3-4 жил тутамд нэг удаа дэлгэрдэг байна. Энэхүү өвчин өмнө нь Өмнөд Солонгост 2019 онд дэлгэрч, 13479 хүн уг халдварт өвчний улмаас эмнэлэгт хэвтэн эмчлүүлжээ.
Сүүлийн үед уг өвчин Хятадад тархаж, хүүхдүүд гол төлөв өвчилж байгаа бөгөөд томоохон хотуудын хүүхдийн эмнэлгүүд хяналтаа алдах хэмжээнд хүрчээ. Гэсэн хэдий ч Дэлхийн Эрүүл Мэндийн Байгууллага (ДЭМБ) Хятадад амьсгалын замын энэхүү өвчнийг Ковид-19 хэмээн үзэхэд эрт байна хэмээжээ.
Микоплазмын халдварын шинж тэмдэг нь халуурах, толгой өвдөх, хамраас нус гоожих, хоолой өвдөх зэрэг ханиадтай төстэй шинж тэмдэгтэй боловч 1-3 долоо хоног орчим үргэлжилдгээрээ энгийн ханиаднаас ялгаатай ажээ.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Нийгэм1 цаг өмнө
Аюулт үзэгдэл, ослын 99 удаагийн дуудлагаар үүрэг гүйцэтгэжээ
-
Нийгэм54 мин өмнө
Уламжлалт анагаах ухааны 7 их сургууль цөм төлөвлөгөөгөө нэгдсэн байдлаар тогтжээ
-
Нийгэм58 мин өмнө
ОХУ-аас ирүүлсэн хүмүүнлэгийн тусламжийн үр тарианы тэжээлийг хүлээн авч, орон нутагт олголоо
-
Нийгэм50 мин өмнө
Замын-Үүд сумын ойн барилдаанд Б.Орхонбаяр арслан түрүүллээ