Нийгэм
Тэмцэгч нэртэй салбадай нарт тооцох хариуцлага байна уу?

Нэгэн үе хятадууд төмөр замаар танктай орж ирээд Монголыг эзэлнэ гэсэн онигоо шиг зохион байгуулалттай ажиллагаанд итгэдэг хүмүүс ч цөөрч, гар утас атгаж, чанга дуугаар орилж хашгирсан болгон үнэнийг өгүүлэгч бус өдөөн хатгагчид байх нь олонтаа гэдгийг ойлгодог болоод байгаа.
Гэвч live гэдэг зэвсгээр зэвсэглэн, хоолой амаа чахруулан тэмцэл нэртэй “АЖИЛ” хийдэг хүмүүс хаанаас ч юм бэ гарч ирээд хэнтэй ч хамаагүй хэрэлдэж,уралцаж, эрүүл галзуу нь мэдэгдэхгүй энд тэнд бужигнуулдаг “МЭРГЭЖИЛ”-ийн “ТЭМЦЭГЧИД” нэртэй хутган үймүүлэгсэд хаанаас ч юм бэ гарч ирээд хаа сайгүй тэнүүчилсэн хэвээр байна.
Тэдний гол бай нь ГАДААДЫН ХӨРӨНГӨ ОРУУЛАГЧИД. Хаана ямар уурхай, төсөл нээгдэж, хөдөлж байна, тэнд очиж ухаж төнхөж, уугуул оршин суугчид, уурхайд ажиллагсдыг өдөөн хатгаж, ТЭМЦЭЛ өрнүүлэн баахан дөвчигнөөд чимээ алдран алга болдог.
Тэдний зан авирыг харахад андашгүй хашгирна, орилно, үг холбон шүлэглэнэ. Эх орон, газар шороо, эгэл хөдөлмөрчин ардууд, уурхайчид гээд зүрх зүсэм үгсийг толгой холбон олны сэтгэл зүйгээр наадна. ҮР ДҮН-д нь баахан хүмүүс айлгаж ичээж, ажлыг нь гацааж, хэдэн төгрөг халаасалж аваад арилж өгдөг нь нууц биш. Бараг ихэнх ийм тэмцэгчдийг хүмүүс ч таньдаг болсон. Бүр зарим нь өөрт таалагдаагүй төсөл, уурхай, үйл ажиллагааг хорлох, зогсоох саатуулахын тулд урин залж, мөнгө амлаж АЖИЛЛУУЛДАГ.
Ард нь харин ХЭН хохирдог вэ? Тэдний дөвчигнөөнөөр хэвийн ажиллах байсан төсөл хөтөлбөр түр ч гэсэн зогсож, ажил нь доголдож, мөрөөрөө ажлаа хийж байсан жирийн иргэд ч хохирдог.
Яг үнэндээ хийрхэгчдийн далбаанд уурхайчид, ажилчид хохирдог.
Зүгээр л ажлаа хийж байгаагийнхаа төлөө Гадаадын хөл гар, янхан тавиул гэж сошиалаар буллидуулэн сэтгэл санаа, ажил хөдөлмөрөөрөө бүр гэр бүл хамаатан саднаараа олон нийтэд чичлэгдэн, сэтгэл санааны хямралд орон хохирсон тохиолдлууд олон бийг үл нуршия.
Эцэст нь хаанаас ч юм бэ гарч ирээд хашгирч орилон хүмүүсийн турхирч хөрөнгө оруулагчдыг үргээж, ажлыг нь гацааж, хамгийн гол нь жирийн ажлаа хийж, амьдралаа залгуулж яваа хүмүүсийг хохироон өөрсдөө хөлжигч ТЭМЦЭГЧ нэртэй алиа салбадай нарт тооцох хариуцлага байна уу?
Хэлж өгөөч, хууль хяналтынхан. Иймэрхүү бүдүүлэг, бусармаг байдал хэдий хүртэл үргэлжлэх вэ?
Ард нь хэн хохирч байдаг гэдгийг та бүхэн ч бас бодоорой????

Нийгэм
Дөрөвдүгээр сард цахилгаан шугам тоноглолд засвар үйлчилгээ хийх хуваарь

Цахилгаан шугам тоноглолд засвар үйлчилгээ хийх дөрөвдүгээр сарын хуваарийг Улаанбаатар цахилгаан түгээх сүлжээ компаниас мэдээлэв. Энэ үеэр хэрэглэгчдийн цахилгааныг хязгаарлана.
Цаг агаарын нөхцөл байдлаас шалтгаалан хуваарьт өөрчлөлт орвол, гэрээнд бүртгэлтэй утасны дугаарт мэдээлэл хүргэх аж.
Нийгэм
Өнөөдрөөс хэрэглэгчдийн дуудлагыг зөвхөн 70047004 утсаар хүлээн авна

УБЦТС ТӨХК нь өвлийн их ачааллыг давах зорилгоор өнгөрөгч оны арванхоёрдугаар сарын 26-ны өдрөөс Хэрэглэгчдэд үйлчлэх төвүүдэд нэмэлтээр ажиллуулж эхэлсэн дуудлага хүлээн авах утаснууд 2025 оны 03 сарын 14-өөс Баянзүрх, Сонгинохайрхан хэрэглэгчдэд үйлчлэх төвд ажлын өдрүүдэд 24 цагаар, бусад Хэрэглэгчдэд үйлчлэх төвүүдэд ажлын цагаар ажиллаад 04 сарын 01-ний өдрөөс хаагдахыг сонордуулж байна.
Тиймээс хэрэглэгчид та бүхэн 7004-7004 утсаар холбогдож, мэдээлэл лавлагаа авна уу. Бид 7004-7004 утасны дуудлага хүлээн авах 64 шугамыг 120 болгон өргөжүүлж, хэрэглэгчдийн дуудлагыг 24 цагийн турш хүлээн авч ажиллаж байна.
Нийгэм
Аутизмыг таниулах дэлхийн өдөр тохиож байна

Жил бүрийн дөрөвдүгээр сарын 1-ний энэ өдрийг анх 2007 онд НҮБ-аас Аутизмтай хүмүүсийг гадуурхах явдлыг зогсоох, тэднийг хүлээн зөвшөөрүүлэх зорилготойгоор санаачлан зохион байгуулж ирсэн түүхтэй.
Дэлхий дахинд энэ өдрөөр аутизмтай хүмүүс болон тэдний гэр бүл, асран хамгаалагчдыг ойлгож, дэмжих, хүлээн зөвшөөрөх зорилгоор ээлтэй, олон нийтэд чиглэсэн үйл ажиллагаа зохион байгуулах, боловсрол, хөдөлмөр эрхлэлт, эрүүл мэндийн тусламж үйлчилгээг жигд хүртэх боломжийг сайжруулахыг уриалдаг.
Аутизмын эмгэг нь хэл ярианы хөгжлийн хоцрогдол, баригдмал сэтгэлгээний хоцрогдол, нийгэмшихүйн хөгжлийн хоцрогдол зэрэг бэрхшээлээр илэрдэг.
Эцэг эхчүүд энэхүү эмгэгийг эрт үед нь илрүүлж, мэргэжлийн хүмүүст хандсанаар хүүхдийг бие даан амьдрах чадвартай болгох бүрэн боломжтой юм.
-
Эдийн засаг17 цаг өмнө
Хөдөлмөрийн хөлсний доод хэмжээ 792 мянган төгрөг болж нэмэгдлээ
-
Нийгэм17 цаг өмнө
Дөрөвдүгээр сард цахилгаан шугам тоноглолд засвар үйлчилгээ хийх хуваарь
-
Нийгэм18 цаг өмнө
Хүчтэй салхи шуурганы давтагдал их байх магадлал өндөр байна
-
Улс төр18 цаг өмнө
Өнөөдөр УИХ-ын байнгын хороод хуралдана
-
Нийгэм18 цаг өмнө
Улаанбурхан өвчний 187 тохиолдол батлагджээ
-
Нийгэм18 цаг өмнө
Аутизмыг таниулах дэлхийн өдөр тохиож байна
-
Улс төр18 цаг өмнө
Эрхтэн, эд эс шилжүүлэн суулгах тухай хуулийн төсөл өргөн мэдүүллээ
-
Нийгэм17 цаг өмнө
Өнөөдрөөс хэрэглэгчдийн дуудлагыг зөвхөн 70047004 утсаар хүлээн авна