Нийгэм

Нийслэлийн мөсний шагай сонирхогчдын аварга шалгаруулах харваа тэмцээн эхэллээ

Нийтэлсэн

7 өдөр өмнө

2025-02-13

Нийтэлч

Олон зуун жилийн түүхтэй уламжлалт мөсний шагайн харвааг сэргээн хөгжүүлэх, харваачдын залгамж үеийг бэлтгэх, олон нийтэд сурталчлан цаашид төгөлдөржин хөгжих үндэс, нөхцөлийг бий болгох зорилгоор анх удаа нийслэлийн мөсний шагай сонирхогчдын аварга шалгаруулах харваа тэмцээнийг НИТХ, НЗДТГ болон Монголын Үндэсний Мөсний шагайн холбоо хамтран зохион байгуулж байна.

Тус тэмцээнд төвийн зургаан дүүргийн иргэд оролцох бөгөөд өчигдөр Хан-Уул дүүргийн иргэд мэргэнээ сорилоо.

Уг тэмцээн энэ сарын 22-ны өдөр хүртэл үргэлжилнэ.

Тэмцээний зохион байгуулалтын талаар Монголын Үндэсний Мөсний шагайн холбооны дэд тэргүүн Б.Угтахбаяр “Тэмцээнд нийслэлийн төвийн зургаан дүүргийн 189 хорооны иргэд оролцож байгаа бөгөөд Туул, Дунд, Сэлбэ, Улиастайн гол дээр болно. Тодруулбал, баг тус бүр хоёр хүний бүрэлдэхүүнтэй байх бөгөөд 189 багийн 378 сонирхогч оролцож байгаа юм. Дүүрэг бүрээс оролцсон хамгийн өндөр оноотой таван баг энэ сарын 22-ны өдрийн 11:00 цагт Үндэсний цэцэрлэгт хүрээлэнд болох нийслэлийн мөсний шагай сонирхогчдын аварга шалгаруулах харваа тэмцээнд оролцон, аваргаа шалгаруулна” гэв.

Мөсний шагайн харвааны хөгжлийн талаар Монгол Улсын Үлэмж Дархан мэргэн Д.Ууганбаяр “Нууц товчоонд дурдсанчлан анх Чингис, Жамуха хоёр Онон голын мөсөн дээр шагай тоглож эхэлж байсан гэж ярьдаг. Түүнээс хойш 300 гаруй жилийн өмнө Архангай аймгийн Зая гэгээн энэ төрлийн наадгайг дэг журамд оруулж байсан түүхтэй. Ийнхүү өдгөө үндэсний үнэт өв, өвлийн спортын төрөл болтлоо хөгжиж чадсан. Мөсний шагай харвааны талбайг дэвжээ гэж нэрлэх бөгөөд дэвжээний өргөн 3-5 метр, урт 60-90 метр зайтай байдаг бөгөөд багт хуваагдан уламжлалын дагуу усны урсгал дагуу сум харвадаг. Уг спортоор хичээллэснээр цэвэр агаарт байхаас гадна дунджаар 20 шагайн сум тавихад 5-6 км алхсантай дүйцдэг. Мөн нүдний хараанд сайн зэрэг давуу талтай” гэлээ.

Тэмцээний оролцогч, Хан-Уул дүүргийн 2 дугаар хорооны иргэн Б.Батсайхан “Манай Архангай аймагт мөсөн шагайг эрт дээр үеэс тоглож эхэлсэн түүхтэй. Тэр ч утгаараа сонирхогчийн түвшинд өмнө нь нэг удаа шагай харваж байсан. Харин өнөөдөр анхны тэмцээнд өөрийгөө сорьж байна. Эл спортын төрөл нь идэр есийн хүйтэнд гол хөлдөхөөр болдог учир монгол эр хүний тэсвэр тэвчээрийг сорьдог онцлогтой” хэмээн сэтгэгдлээ хуваалцсан юм.

Сэдвүүд:

Дэлгэрэнгүй ...

Нийгэм

НӨАТ-ын сугалааны нэг супер азтан тодров

Нийтэлсэн

12 цаг өмнө

2025-02-19

Нийтэлч

24barimt

НӨАТ-ын урамшууллын сугалааны тохирол өнөөдөр орон даяар явагдлаа. Энэ удаагийн тохиролд 2025 оны нэгдүгаар сарын 01-нээс 31-ний өдрийн хооронд худалдан авалт хийсэн цахим төлбөрийн баримтаа бүртгүүлж, сугалаанд оролцсон баримтууд хамрагджээ. Тохиролд 48.141.441 баримт оролцож, супер азтан нэг тодорсон байна.

Сугалааны тохирлын дугаар: 24331052

Өнөөдрийн тохиролд,

-3 орон таарсан /30.000-60.000 мянга/ 43789

-4 орон таарсан /40.000-100.000 мянга/ 4385

-5 орон таарсан /60.000-500000 мянга/ 417

-6 орон таарсан /100.000-5 сая төгрөг/ 46

-7 орон /500.000-10 сая төгрөг/ 0

-8 орон таарсан: 1 буюу супер азтан тодорч, 5-30 сая төгрөгийн эзэн болжээ.

Дэлгэрэнгүй ...

Нийгэм

Цагаан сарын баяраар амрах хоногийг нэмэгдүүлэх тухай санал авч байна

Нийтэлсэн

12 цаг өмнө

2025-02-19

Нийтэлч

24barimt

Цагаан сарын баяраар амрах хоногийг нэмэгдүүлэх санал тухай санал авч эхэлжээ. Тодруулбал, иргэн С.Чулуунпүрэв санаачлан цагаан сарын баяраар амрах хоногийг нэмэгдүүлэх саналыг цахимаар гарын үсэг цуглуулж эхэлжээ. Санал асуулгыг 2025 оны хоёрдугаар сарын 18-наас гуравдугаар сарын 20 хүртэл авах бөгөөд 100 мянган гарын үсэг цуглуулснаар УИХ-ын чуулганаар хэлэлцэх боломжтой болох аж.

Иргэн С.Чулуунпүрэвийн гаргасан өргөдөлд “Нийтээр тэмдэглэх баярын болон тэмдэглэлт өдрүүдийн тухай хуульд нэмэлт, өөрчлөлт оруулж, үндэсний түүх соёл, ёс уламжлалдаа нийцүүлэн Цагаан сарын баярын амралтын өдрийг Битүүний өдрөөс эхлүүлэн 6-10 хоног амардаг байхаар хуульчлах. Ингэхдээ нийтийн ухамсарт баттай шингэж, үүргээ гүйцэтгэсэн зарим баярын амралтын өдрүүдийг хасаж, зөвхөн тэмдэглэлт өдөр болгох. Өнөөгийн Монгол Улсад жилд 16 өдрийн баярын амралтын өдрүүд байгаа тоонд бариулан зохицуулах. Ингэснээр Цагаан сар, Наадам, Тусгаар тогтнолын өдөр ба Шинэ жилийн өдрүүдэд жилд гурван удаа олон хоногийн амралттай болох” талаар бичжээ.

Цагаан сарын баяраар амрах хоногийг нэмэгдүүлэх тухай саналд саналаа өгөхийг хүсвэл ЭНД дарж өгнө үү.

Дэлгэрэнгүй ...

Нийгэм

“Юань зарна” гэх зарын дагуу холбогдож 50 сая төгрөгөө залилуулжээ

Нийтэлсэн

12 цаг өмнө

2025-02-19

Нийтэлч

24barimt

Энэ оны хоёрдугаар сарын эхээр иргэн Б нь үл таних цахим хаягаас “Wechat” аппликэйшнд байршуулсан “Юань зарна” гэх зарын дагуу холбогдож нийт 50.000.000 төгрөгийг валют болгон солиулахаар өөрийн харилцах данснаас шилжүүлж, улмаар залилуулсан гэх дуудлага мэдээллийг ирүүлснийг цагдаагийн байгууллагаас бүртгэлд авч, шалгалтын ажиллагааг явуулж байна.

Баярын өдрүүд ойртсон эдгээр өдрүүдэд иргэд хилийн чанадаас бараа таваар худалдан авах эрэлт ихсэхтэй холбоотой валютыг хуурамчаар үйлдэх, цахим орчинд “Валют худалдана” гэх хуурамч зар мэдээллийг байршуулж, иргэдийн хэрэгцээ шаардлагад тулгуурлан залилах гэмт хэрэг үйлдэгдэж, болзошгүй тул иргэд та бүхэн гадаад валют худалдан авахдаа энэ төрлийн үйлчилгээ эрхлэх эрх олгогдсон байгууллагаар үйлчлүүлж, гэмт хэрэгт өртөж, хохирохоос урьдчилан сэргийлэхийг цагдаагийн байгууллагаас сэрэмжлүүлж байна.

Дэлгэрэнгүй ...