Энтертайнмент

Б.Тэгшбаяр “Tour of Bostonliq-2025”-ын эхний гараанд түрүүлэв

Нийтэлсэн

6 цаг өмнө

2025-04-29

Нийтэлч

Узбекистан улсад Олон улсын дугуйн холбооны 2.2 ангиллын “Tour of Bostonliq 2025” гурван өдрийн уралдаан эхэллээ. Өчигдөр Газалкентад болсон эхний гараа буюу ганцаарчилсан цуваа гараатай 30 км-ын уралдаанд Үндэсний шигшээ баг, Тайландын “Roojai insurance“ багийн тамирчин, ОУХМ Батсайханы Тэгшбаяр 35:34 минутын амжилтаар (дундаж хурд 50.609) түрүүлж, тэмцээнийг тэргүүлж байна.

Б.Тэгшбаяр өнгөрсөн жилийн тэмцээнд түрүүлэхдээ эхний гарааг мөн авч байсан бөгөөд энэ удаад цагаа хоёр минут гаруйгаар ахиулж, бэлтгэл сайтай байгаагаа харуулав.

Харин АНЭУ-ын “UAE Ministry of Defence Cycling Team” багаас уралдсан ОУХМ Батмөнхийн Марал-Эрдэнэ түрүүлсэн тамирчнаас 2:59 минутын алдагдалтай (46.693) 15 дугаар байрт оржээ. Тэмцээний хоёр, гурав дахь гараанд тамирчид бөөн гараанд уралдаж, аваргаа тодруулах юм.

Өнгөрсөн жилийн тус тэмцээнд Б.Тэгшбаяр нийлбэр дүнгээр түрүүлсэн бол С.Жамбалжамц гуравдугаар байрт орж байв.

Сэдвүүд:

Дэлгэрэнгүй ...

Энтертайнмент

Монголын хоккейчид хоёр дахь хожлоо байгууллаа

Нийтэлсэн

7 цаг өмнө

2025-04-29

Нийтэлч

24barimt

Мексик улсын Мехико хотод шайбатай хоккейн насанд хүрэгчдийн III дивизионы дэлхийн аварга шалгаруулах тэмцээн дөрөвдүгээр сарын 25-наас тавдугаар сарын 5-ны хооронд болж байна.

Тэмцээнд Монгол, Мексик, БНАСАУ, Филиппин, Сингапур, Хонгконгийн хоккейчид өрсөлдөж байгаа бөгөөд манай улсаас ахлах дасгалжуулагч А.Мэргэн, дасгалжуулагч Н.Отгонбаяр, Н.Мишигсүрэн нарын удирдлага дор 21 тамирчин өрсөлдөж байна.

Монголын баг өнөөдөр Сингапурын багийг 11:1-ээр хожиж, тус тэмцээний хоёр дахь ялалтаа авлаа. Тэд маргааш БНАСАУ-ын багтай тоглох юм.

ШАЙБАТАЙ ХОККЕЙН ДАШТ-НД ОРОЛЦОЖ БУЙ МОНГОЛЫН БАГ ТАМИРЧИД:

Н.Мишигсүрэн

Б.Бату

М.Чинзолбоо

Л.Бодьхүү

Б.Билгүүн

Б.Энхбат

Э.Мөнхзаяа

Г.Мөнхтулга

Э.Энх-Амгалан

Э.Ариунбилэг

Б.Батбаясгалан

М.Батбаатар

Э.Энхсүх

У.Цэнгэл

У.Нямдаваа

Б.Содбилэг

Э.Амартөр

Э.Энххүслэн

Д.Лхагвадорж

Н.Жадамба

А.Билгүүн

Эх сурвалж: Биеийн тамир, спортын улсын хороо

Дэлгэрэнгүй ...

Энтертайнмент

Монголын хоккейчид эхний хожлоо авлаа

Нийтэлсэн

1 өдөр өмнө

2025-04-28

Нийтэлч

24barimt

Мексик улсын Мехико хотод шайбтай хоккейн насанд хүрэгчдийн III дивизионы ДАШТ дөрөвдүгээр сарын 25-наас тавдугаар сарын 5-ны хооронд болж байна.

Тэд өчигдөр Филиппин улсын багийг 13:7-оор буулган авч тус тэмцээний эхний хожлоо авсан ба өнөөдөр Сингапур улсын багтай өрсөлдөнө гэж Биеийн тамир, спортын улсын хорооноос мэдээллээ.

Дэлгэрэнгүй ...

Энтертайнмент

Улаанбаатар хотын бүжгийн спортын аварга шалгаруулах тэмцээн энэ сарын 26-нд болно

Нийтэлсэн

5 өдөр өмнө

2025-04-24

Нийтэлч

24barimt

Нийслэлийн Засаг дарга бөгөөд Улаанбаатар хотын Захирагчийн ивээл дор “Улаанбаатар хотын бүжгийн спортын аварга шалгаруулах XXI тэмцээн”-ийг “MCU спорт комплекс”-д энэ бямба гарагт буюу дөрөвдүгээр сарын 26-нд зохион байгуулахаар боллоо.

НЗДТГ, нийслэлийн Соёл, урлагийн газар, Монголын Бүжгийн спортын холбоо хамтран зохион байгуулж буй уг тэмцээн нь монголын бүжгийн спортын тамирчид, дасгалжуулагчдын ур чадварыг дээшлүүлэх, мэргэжлийн холбоо болон хамтлагуудын өрсөлдөх чадварыг олон улсын түвшинд хүргэх зорилготой. Мөн энэхүү тэмцээнд нийслэлийн хэмжээнд үйл ажиллагаа явуулж буй бүжгийн спортын клубийн тамирчид, ерөнхий боловсролын сургуулийн сурагчид, их, дээд сургуулиудын оюутнууд, төрийн болон төрийн бус байгууллагын албан хаагч оролцох боломжтой. Тодруулбал, тэмцээн дараах үе шаттай болно.

Хүүхэд нас /1/: 9 болон түүнээс доош нас
Хүүхэд нас /2/: 10-11 нас
Өсвөр нас /1/: 12-13 нас
Өсвөр нас /2/: 14-15 нас
Залуучууд: 16-18 нас
Насанд хүрэгчид: 19-с дээш нас
Сеньор: 35-с дээш нас

Тэмцээний ангилал тус бүрд финалистуудыг шалгаруулан медаль, өргөмжлөл гардуулна.